Agora ain pessonas trebajandu nesti articalu Por causa d'estu, puein faltal contenius o avel marrus en el hormatu. Has el favol, enantis de hazel qualquiera muacion, vai-ti ala carava a tentu d'esti articalu pa poel cordinal la su redacion.

Frances (?)  ( Francais )
Otras denominacionis:	{{{algotrasdenominacionis}}}
Palrau en:	Francia , Monacu , Belgica , Suica , Lussemburgu , Valli d'Aosta ( Italia ), Canada , Aiti , Martinica , Guadalupi , Guayana Francesa , Dominica , Santa Lucia , Luisiana ( Estaus Unius ), Amapa ( Brasil ), Repubrica Democratica del Congu , Congu , Burkina Faso , San Pieru i Miguelon , Senegal , Guinea , Mali , Nigi , Burundi , Ruanda , Togo , Benin , Repubrica Centroafricana , Repubrica Dominicana , Gabon , Costa de Marfil , Madagascal , Wallis i Futuna , Yibuti , Camerun , Islas Comoras , Reunion , Isla Mauriciu , Guinea Equatorial , Marruecus , Mauritania , Tunis , Argelia , Egitu ; Libanu , Camboya , Laos , Polinesia francesa , Nueva Caledonia i Vanuatu
Territorius:	{{{territorius}}}
Palrantis: Nativus: Algotrus:	entri 115 i 500 millonis 65-109 millonis -
Crassificacion:	16
Filiacion:	Induropea   Luenga italica     Luengas romancis     Italica-Ociental      Galu-Iberica       Galu-Romanci        Galu-Rhaetia         Oil           Frances
Estatu oficial
Luenga oficial en:	Francia , Suica , Belhica , Canada , 22 paisis mas i la Union Uropea
Regulau pol:	Acaemia Francesa
Coigus la luenga
ISO 639 -1	fr
ISO 639-2	fra/fre
SIL	fra
Vai a la Guiquipeya en lengua francesa .

El frances ( francais, la langue francaise ) es una lengua romanci palra originalmenti en Francia , Belgica , Lussemburgu i Suica i oganu pol alreol 350 millonis de presonas pol tol mundu cumu, nativus u segundera luenga con una puebracion senificativa en 54 paisis.

El frances ahorra el Latin cumu algotrus cumu el espanol , italianu , catalan , rumanu i portugues . Hue enfruenciau polas luengas celticas de la Galia romana i polas palras helmanicas de los envasoris francus.

Es luenga oficial en 31 paisis, la huerca d'ellus horman lo que se conoci cumu La Francufonia , la comunia de nacionis francuparlantis. Es luenga oficial de las Nacionis Unias i albondas algotras organizacionis entrenacionalis.

Destribucion heugrafica [ Edital | Edita'l codigu ]

Uropa [ Edital | Edita'l codigu ]

Estau legal en Francia [ Edital | Edita'l codigu ]

Pol me la Costitucion Francesa, el frances es la luenga oficial endi 1992 (inque angunus testus legalis antirioris l'iban haziu oficial endi 1539, pol sabulugal l'Ordinancia de Villers-Cotterets . En Francia es atihi gastal del frances enas espubricacionis oficialis del gobielnu, ena educancia pubrica (inque estas disposicionis son inoras amenu) i contratus legalis; la pubricia ebin lleval una traucion de las parabras estranheras ito.

Amas del frances, ai tamien una gran variea de luengas rehionalis. Francia a sinau la Calta Uropea polas Luengas Rehionalis peru nu a siu ratificau endi que va a la escontra de la Costitucion de 1958.

Suica [ Edital | Edita'l codigu ]

El frances es una las cuatru luengas oficialis de Suiza (unta el aleman , italianu i returomanicu i es palrau ena zona suica llama Romandia . El frances es la luenga nativa del arreol 20% de la puebracion suiza.

Belgica [ Edital | Edita'l codigu ]

En Belgica , el frances es luenga oficial en Valonia (descruyendu los cantonis del esti, que son helmanofonus) i una las dos luengas oficialis (unta el nerlandes ) ena rehion de Bruselas, ondi es palrau pola huerca de la puebracion, inque nu cumu primel luenga. El frances i el aleman nu tinin reconocencia cumu luengas oficialis ni cumu luengas minoritarias en Flandes, inque arreol los lindis colas rehiones antirioris ain docenas de puebracionis con ayuas luenguisticas palos palrantis de frances; un chascu apaiciu acaeci en Valonia col nerlandes i el aleman. En total, los palrantis nativus de frances hazin arreol 40% de la puebracion del pais; el 60% restanti palra nerlandes y de estus urtimus, el 59% pii palral frances cumu segundera luenga. El frances es conociu pol 75% de los belgas, seya cumu palra matelna, cumu segundera u cumu trecera luenga.

Monacu i Andorra [ Edital | Edita'l codigu ]

Inque el monegascu es la luenga nacional de Monacu , el frances es la unica luenga oficial i los que tinin nacionalia francesis son el 47% la puebracion.

El Catalan es la unica luenga oficial d' Andorra , peru el frances s'audecha gastalu pola prosimia con Francia. Las presonas con nacionalia francesan son el 7% la puebracion.

Italia [ Edital | Edita'l codigu ]

EL frances es tamien luenga oficial, unta el italianu , ena provincia del Valle d'Aosta, (Italia). Amas, un guen numiru e dialetus francu-provencalis se palran nesta provincia, inque nu tinin reconocencia oficial.

Lussemburgu [ Edital | Edita'l codigu ]

El frances es la palra oficial nel Gran Ducau de Lusemburgu, unta el aleman i el lusemburgues. Inque el lusemburgues (se paeci muchu al aleman) es la luenga nativa, el frances es mu gasta enos asuntus gubernamentalis, negocius i educancia.

Las Islas del Canal [ Edital | Edita'l codigu ]

Inque Jersey i Guernsey, se conocin polas Islas del Canal peru son entiais deseparas. Dambas dos gastan el frances, sobrito ena alministracion.

America [ Edital | Edita'l codigu ]

Estau legal en Canada [ Edital | Edita'l codigu ]

Arreol 7 millonis de canadiensis son palrantis nativus de frances, de los cualis 6 millonis vivin en Quebec i el frances es una e las dos luengas oficialis de Canada unta el ingles ). La Carta Canadiensi de los Derechus i libertais tratan al tentu los derechus de los canadiensis p'aceel a los servicius en dambas dos palras. Pol lei, el gobielnu federal ebi ofrecel servicius en ingles i frances, los decretus del Parlamentu e Canada ebin sel traucius nestas dambas dos palras i la huerca los produtus vendius en Canada ebin etiquetalsi en dambas dos luengas.

Arreol 13% de los canadiensis tinin conocencia de frances, mentris que el 18% conocin tantu el ingles cumu el frances. En cambeu, alreol 80% de la puebracion de Quebec es palranti nativa e frances i el 95% puei palralu. A siu la unica palra oficial en Quebec endi 1974. El estau legal del frances hue rehorca cola adocion de la Carta de la Luenga Francesa en 1977 (conocia cumu Bill 101 ), c'asiguraba que tolas presonas tinin derechu a que la alministracion cevil, los servicius socialis, corporacionis i empresas se comuniquin con ellas en frances.

Aiti [ Edital | Edita'l codigu ]

El frances es luenga oficial en Aiti , inque es la mas palra pola crasi arta, el criollu aitianu (una luenga criolla basa nel frances) es mas palra cumu luenga mairi.

Territorius ultramarinus de Francia [ Edital | Edita'l codigu ]

El frances es tamien luenga oficial enos territorius ultramarinus francesis de Guayana Francesa , Guadalupi , Martinica , San Bartolome , San Martin , San Pieru i Miguelon , Polinesia Francesa i Nueva Caledonia .

Estaus Unius [ Edital | Edita'l codigu ]

Inque nu tini reconocencia oficial federalmenti, el frances es la trecel luenga, hueraparti el ingles, mas palra enos Estaus Unius , endispues del chinu i el espanol , i la segundera mas palra enos estaus de Louisiana , Maine , Vermont i New Hampshire . Louisiana tini un dialetu unicu, la palra cajun .