Santutxuko geltokia

Santutxu
	Zabalbide sarbidea.
	Kokapen mapa
Lineak
Kokapena
Helbidea	Zabalbide, 53; 48006
Udalerria	Bilbo , Bizkaia
Geltokiaren datuak
Kodea	SAN
Gunea	1. gunea
Irekiera	1997ko uztailaren 5a
Bidaiariak	4.410.885 (2017)
Irisgarria
Zerbitzuak
Aldageltokia
Nasak	2
Trenbideak	2
Jabea	Euskal Trenbide Sarea ; Bizkaiko Garraio Partzuergoa
Eragilea	Metro Bilbao
Garraio zerbitzuak
Metroa	L1 Etxebarri - Plentzia ; L2 Basauri - Kabiezes
Bilbobus	40 La Pena - Plaza Biribila ; 48 Santutxu - Lezeaga ; G7 Mina del Morro - Plaza Biribila
Bestelakoak	Iturribide-Zabalbide igogailua ; Taxi

43°15′15″N 2°54′53″W / 43.254249°N 2.914849°W

Santutxu Bilboko metroaren 1. eta 2. lineei dagokien lurpeko geltokia da, Bilboko izen bereko auzoan kokatuta dagoena. 1997ko uztailaren 5ean inauguratu zen, eta Bizkaiko Garraio Partzuergoaren 1. tarifa-gunearen barruan dago. ^[2]

Sarbideak [ aldatu | aldatu iturburu kodea ]

Zabalbide kalea, 53 ( Zabalbide irteera)
Tenor Fagoaga kalea, 6 ( Karmelo irteeera)
Karmelo kalea, 12, Santo Rosariorekin izkina ( Karmelo irteera)

Gaueko sarbideak [ aldatu | aldatu iturburu kodea ]

Zabalbide kalea, 53 ( Zabalbide irteera)
Karmelo kalea, 12, Santo Rosariorekin izkina ( Karmelo irteera)

Geltokia [ aldatu | aldatu iturburu kodea ]

Norman Fosterrek diseinatutako haitzulo motatakoa da. Bolumen handi bakar batean zulatzen den ganga itxurako galeria da, 100 metro inguru luzerakoa, eta hari zintzilikatuta bi mezzanina izeneko plataforma banatzaile daude. Mezzanina bakoitza alboko bi nasekin elkarlotzen da eskailera monumentalen eta igogailuen bidez, eta kaleko sarbideen igogailu eta eskailerekin korridore zabalen bidez. Mantenu elementuak, hala nola aireztapena, kableak, ur-hodiak eta abar nasen azpian kokatzen dira.

Geltoki hauetako arkitekturan hiru material nagusi erabili dira: hormigoia , altzairu herdoilgaitza eta beira . Azalak hormigoi ikusizkoak dira, 240 x 120 zentimetroko modulo plaka aurrefabrikatuak erabilita eta hormigoi bonbeatuzko estalduraren enkofratu galduak direnak. Mezzanina elementuen egitura altzairu herdoilgaitzezkoa da, haitzulo pisutsuaren irudia arinduz. Sarbide korridoreak hormigoizko kanoi eliptikoak dira, espazio zabalak lortuz. Kalean, Zabalbide sarbidearen kanoia altzairu eta beirazko elementu bilakatzen da, fosterito izenpetutako bidaiaria jasotzeko sarrera gardena, alegia. ^[3] Aldiz, Karmelo sarbidearen kanoia harrizko element bilakatzen da eta ez da fosterito motatako sarrerarik erabili, sarbidea maldan dagoelako.

Geltokia igogailu, txarteldegi, balioztatze makina eta 2017tik desfibrilagailuz ere hornituta dago, eta doako Wi-Fi zerbitzua eskaintzen da, WifiNova enpresaren [TUWI] Metro sarearen bitartez. ^[4]^[5]

Lotuneak [ aldatu | aldatu iturburu kodea ]

Geltokiaren kanpoaldean Iturribide-Zabalbide igogailua eta Bilbobus zerbitzua hornitzen duten hiru autobus geraleku daude. Hurrengo lineak geralekuetatik pasatzen dira: