Salamanca
Espainiako
mendebaldeko
probintzia
bat da,
Gaztela eta Leongo
autonomia erkidegokoa. Portugalgo mugan dago.
2006an
, 353.110 biztanle zituen probintziak. Hiriburua
Salamanca
da; eta beste hiri nagusiak,
Bejar
,
Ciudad Rodrigo
,
Penaranda de Bracamonte
eta
Vitigudino
.
El Salvador eliza, Bejar
Iparraldean,
Zamora
, ipar-ekialdean,
Valladolid
, ekialdean,
Avila
, hegoaldean,
Caceres
, eta, mendebaldean,
Douro
eta
Beira Interior Norte
eskualdeak (
Portugal
) ditu mugakide.
Iparraldea eta mendebala lauak dira; hegoaldea eta hego-ekialdea, aldiz, menditsuagoak. Probintziaren hegoaldean, aipatzekoak dira Bejarko mendialdea (Trampal, 2.443 m; Calvitero, 2.395 m),
Pena de Franciatik
(1.723 m)
Pena Gudinaraino
(1.189 m) luzatzen den mendialdea eta Gatakoa (1.364 m Janona mendian).
Hidrografiari
dagokionez,
Duero
ibai-arroari dagozkio Salamancako probintziako ibai guztiak.
Tormes
,
Agueda
eta
Yeltes
dira ibai nagusiak, eta Santa Teresa, Saucelle, Aldeadavila eta Agueda urtegi garrantzitsuenak.
Klima kontinentala
da erabat: uda bero lehorrak eta negu hotzak. 400-500 mm euri-ur biltzen da urtean, batez beste.
Mendialdeko baso nagusiak
gaiztanadiak
dira, eta
arteak
,
artelatzak
,
haritzak
eta pinuak aldatzen dira iparraldean.
Ekonomiari dagokionez,
nekazaritza
da baliabide nagusia. Garia, garagarra, lekadunak, azukre-erremolatxa eta bazkarako landareak dira labore nagusiak. Garrantzitsua da, halaber, abere-hazkuntza (ardi-, behi-, zezen-, zerri- eta zaldi-azienda).
Industria
(urtegietan egokitutako indar-etxeak, janari-industria, kimika-industria) ez dago oso garatua, baina Salamancan, Bejarren eta beste zenbait hiritan baizik ez da aipagarria. Garrantzitsua da, bestalde, lurpeko aberastasunen ustiapena (
eztainu
- eta
wolfram
-hobi oparoak).
Gaztelania
da hizkuntza nagusia, baina
Extremadurako hizkuntzaz
mintzatzen dira probintziaren hego-mendebaldeko herri batzuetan. Ipar-mendebaldean, berriz,
leonerazko
hiztun batzuk ere badira.