Francois Clouet
Irudi gehiago
ganberako margolari
Bizitza
Jaiotza	Tours , 1510
Herrialdea	Frantzia
Heriotza	Paris ,  1572ko irailaren 22a (egutegi gregorianoa)  (61/62 urte)
Familia
Aita	Jean Clouet
Hezkuntza
Hizkuntzak	frantsesa
Ikaslea(k)	ikusi Jean Ducayer (en)
Jarduerak
Jarduerak	margolaria eta marrazkilaria
Lantokia(k)	Paris  eta  Flandria
Lan nabarmenak	ikusi Charles IX (en)
Genero artistikoa	erretratua

Francois Clouet ( Tours , Frantzia , c.   1515 ^[1] - Paris , Frantzia, 1572ko abenduaren 22a) frantses margolari eta marrazkilaria izan zen, Jean Clouet margolariaren seme eta ikaslea. Aita bezala, Janet izengoitiz ezagutua izan zen, eta horrek, askotan, nahasmena sortu du ^[1] .

Biografia [ aldatu | aldatu iturburu kodea ]

Aitarekin ^[1] hasi zen lanean eta, hura hil ondoren, Frantzisko I.a Frantziakoak gorteko margolari izendatu zuen. Katalina Mediciren babesari esker, Henrike II.aren , Frantzisko II.aren eta Karlos IX.aren erregealdietan kargu horretan jarraitu zuen. Ospe handia lortu zuen, erretratuekin ez ezik, koadro historiko eta mitologikoekin ere. Gorteko margolari zelarik, Frantzisko I.aren eta Henrike II.aren hileta mozorroak egin zituen, beste zenbait lanen artean. Historiari eta mitologiari buruzko lanak Fontainebleauko eskolaren estilo manieristari jarraituz egin zituen ( Diana bainuan] , Dama bat bainuan , etab.).

Marrazkigintzari dagokionez, arkatzez egindako hiru tonu leuneko irudiak dira nabarmentzekoak. Aitaren irakaspenak adierazi zituen marrazki horietan, eta arreta berezia eskaini zion xehetasun dotoreen eta ezaugarri psikologikoen adierazpenari. Baina aitak baino pintura konplexu eta aberatsagoa landu zuen Francoisek, besteak beste, italiar, flandriar eta alemaniar artisten eragina nabarmentzen duena. Bestalde, hark baino teknika landuagoa zuen eta, fisionomiaren azterketa baztertu gabe, arreta handiagoz landu zituen xehetasunak.

Lan aipagarriak dira, besteak beste, Madame d´Etampes (1545 ing.), Pierre Qutheren erretratua ( 1562 , Louvre), La Reine Marguerite enfant (1560 aldean, musee Conde, Chantilly ), Catherine de Medicis (1562), Joana III.a Nafarroakoa (1570), Elisabeth d’Autriche (1571 ing., Louvre ), jantziekiko eta izakerarekiko kezka agertzen duena, eta Katalina Medicirentzat dominetan eta otoitz liburuetan egindako miniaturazko erretratu sail bat. Bestalde, erretratatutako pertsonaia zutik agertzen den erretratu mota asmatu zuen. Aipagarriak dira adibidez Henrike II.a ( Uffizi Galeria , Florentzia ) eta Karlos IX.a (Kunsthistorisches Museum, Viena ) erretratuak.

Iruditegia [ aldatu | aldatu iturburu kodea ]

• 
  Karlos IX.a , 1566
  Kunsthistorisches Museum, Viena
• 
  Joana III.a Nafarroakoa , 1570
• 
  Diane de Poitiers , 1571
  Washingtongo Arte Galeria Nazionala .
• 
  Katalina Medici , 1559 - 1572
  Hermitage museoa , San Petersburgo .
• 
  Le Billet Doux , Thyssen-Bornemisza museoa, 1570s
• 
  Elisabet Austriakoa , c. 1571

Erreferentziak [ aldatu | aldatu iturburu kodea ]

Kanpo loturak [ aldatu | aldatu iturburu kodea ]

Wikimedia Commons en badira fitxategi gehiago, gai hau dutenak: Francois Clouet

• (Ingelesez) Francois Clouet Artcyclopedia.com