Wikipedia, Entziklopedia askea
- Artikulu hau Zuberoako familia euskaltzaleko kideari buruzkoa da; beste esanahietarako, ikus ≪
Jauregiberri
≫.
Clement
[1]
edo
Clement Jauregiberri
edo
de Jaureguiberry
(
Ziboze
1895eko
abenduaren 9a
-
1965
)
Zuberoako
Jauregiberri familia
ezagunaren kidea da, bereziki
Bigarren Mundu Gerran
alemaniarren kontrako erresistentzian aritzeagatik ezaguna.
Jauregiberritarrak
denbora luzean
Zuberoan
herria eta hizkuntzaren alde eragile handienetakoak izan ziren. Bederatzi seme-alabaren artean zortzigarrena zen.
Hamazortzi urterekin
Lehen Mundu Gerran
bere borondatez sartu zen eta amaiera arte ibili zen,
kapitain
gradua eta hainbeste kondekorazio lortuta; bi aldiz larri zauritu zuten, bigarrena gerraren azken egunean.
Argentinan
zenbait urtez bizi izan zen.
1922an
Therese Bardonekin (
Okzitaniako
Corresa
aldekoa) ezkondu zen eta lau seme-alaba izan zituzten.
Bigarren Mundu Gerran
erreserbako ofizial bezala berriro deitua -ordurako
Bildozen
bizi zen bere familiarekin-, aurrekotik zuen eskarmentuagatik gauzak bestela planteatzea pentsatu zuen; bere kezka populazio zibilak ahalik eta gutxien sufritzea zen.
Zuberoako
alemaniar okupatzaileen kontrako A.S. (
Armee Secrete
) delako
maki
[2]
taldeko buru izendatu zuten. Lehen
Arbaila
eta gero
Atharratze
askatu zituen bere lagun taldearekin;
Zuberoak
bere burua askatu zuen
naziengandik
, ia inoren laguntzarik gabe. Jean bere semea
[3]
mezulari lanetan aritu zen.
Mauleko
Regum
lantegiko zuzendaria izan zen
1938
eta
1958
artean. Enpresa ixtean
matematika
irakasle lanetan aritu zen
Zuberoako hiriburuko
Saint-Francois
ikastetxe
katolikoan
.
Tolosa Okzitaniakoan
zendu zen
1965ean
, gerra zaurien ondorioak luze pairatu eta gero.
Beste neba-arreba batzuk bezala
euskaltzalea
eta
abertzalea
zen
Clement
. Idazlanetan bere ekarpena kantitatez handia izan ez bazen ere, hauxe azpimarra daiteke:
- Emmanuel Intxausperen
Le Verbe Basque
oinarria hartuta euskal aditz sistema matematikaren laguntzaz formulatu zuen; lan hau
Eusko Ikaskuntzak
argitaratu zuen
1954an
, izenburu berarekin. Aditzen azalpenak erraztu nahian egindako ahalegin horretaz baliatu zen
Madalena
arreba bere idazki eta mintzaldietan.
- Euskaraz ere luma trebea zuen, zenbait artikulu edo kontakizunetan frogatu zuen gisan; batzuk oraindik argitaratu gabeak dira,
Davantek
bere erreferentziazko lanetan nabaritzen den
Mort pour la France
izenburua duena bezala.
