ZE	Questa pagina a l'e scrita in lengoa zeneize A Grafia adeuvia a l'e quella de l' Academia Ligustica do Brenno

O Virtual International Authority File ( VIAF ) o l'e 'n controllo de outoritæ internacionale. O l'e 'n progetto conzonto de varie biblioteche nacionali e o l'e operou da l' Online Computer Library Center (OCLC) ^[1] .

Stoia [ modifica | modifica wikitesto ]

A discuscion in scio fæto d'avei 'n'outoritæ internacionale comun a l'e incomensa a-a fin di anni '90 . Doppo o falimento de 'na serie de tentativi de crea 'n solo elemento digitale comun, a neuva idea a l'e stæta quella de colega e despægie outoritæ internacionali za existenti. Fæto ch'o l'avieiva portou a tutti i vantaggi de 'na gestion centraliza, sensa pero domanda 'n grande investimento de tenpo e de dinæ pi-a so inplementacion ^[2] .

O concetto do VIAF o l'e stæto introduto a-o World Library and Information Congress do 2003 , organizou da l' International Federation of Library Associations ^[3] . O progetto o l'e stæto creou da-a Biblioteca do Congresso di Stati Unii (LC), da-a Biblioteca nacionale tedesca (DNB) e da l'OCLC a-i 6 de agosto do 2003 ^{[4] [5]} . A Biblioteca nacionale de Fransa (BnF) a l'e intra into progetto a-i 5 de otobre do 2007 .

O progetto o l'e diventou 'n servicio de l'OCLC a-i 4 d'arvi do 2012 ^[6] .

L'obietivo o l'e quello de colega i varri controlli de outoritæ nacionali (comme o German Name Authority File ) a 'n solo controllo de outoritæ virtoale. Inte questo elemento virtoale son coleghæ fra de lo e mæxime anotacioin de diverse serie de dæti. 'N elemento VIAF o riceive 'n certo numero de dæti standard, tra i quæ a gh'e de anotacioin "veddi" e "veddi asci" che rimandan a-i dæti originali. I dæti son missi a dispoxicion in scia Ræ pe efetoa de ricerche e pe-o so scangio e condivixon. L'agiornamento reciproco di dæti o l'e fæto gracie a-o protocollo Open Archives Initiative Protocol for Metadata Harvesting (OAI-PMH).

I numeri identificativi di file VIAF vegnan azonti a-e voxe biografiche de Wikipedia asci, atraverso a so incluxon inti elementi Wikidæta ^{[7] [8]} .

A Christine L. Borgman a conscidera i VIAF insemme a-i scistemi ISNI e ORCID , descrivendo tutti trei comme di "sforsi vagamente cordinæ pe standardiza e forme di nommi" ^[9] . Pi-a Borgman son trei scistemi caraterizæ da-o fæto d'ese di tentativi pe risolve o problema da dizanbigoacion do nomme de l'outo , ch'o l'e diventou de longo ciu grande co-a moltiplicacion da quantitæ di dæti ^[9] . Le a l'a anche notou comme o VIAF, a diferensa di atri doi scistemi, o l'e goidou da-e biblioteche e no da-i senci outoi o creatoi ^[9] .

Gruppi VIAF [ modifica | modifica wikitesto ]

L'algoritmo de clustering do VIAF o l'e ezegoio 'na votta ogni meize. Cosci comme, co-o tenpo, vegnan azonti ciu dæti da-e biblioteche partecipanti, i gruppi di controlli de outoritæ peuan fondise o separase, portando a 'na certa variacion inte l'identificato VIAF pe certi controlli de outoritæ ^[10] .

Biblioteche e organizacioin partecipanti [ modifica | modifica wikitesto ]

Biblioteche azonte pe preuva [ modifica | modifica wikitesto ]

Notte [ modifica | modifica wikitesto ]

Bibliografia [ modifica | modifica wikitesto ]

• ( EN ) Christine L. Borgman, Big Data, Little Data, No Data: Scholarship in the Networked World , MIT Press, 2015, ISBN   0-262-32787-2 .

Atri progetti [ modifica | modifica wikitesto ]

• Wikimedia Commons a contegne di files in sce Virtual International Authority File

Colegamenti esterni [ modifica | modifica wikitesto ]

• ( EN ) Scito oficia , in sce viaf.org . URL consultou o 6 novenbre 2021 .
• ( EN ) VIAF , OCLC. URL consultou o 6 novenbre 2021 .