Cangen o'r ieithoedd Germanaidd, rhan o'r teulu o ieithoedd Indo-Ewropeaidd yw'r ieithoedd Germanaidd gogleddol . Mae'r gangen yn cynnwys ieithoedd Llychlyn : Daneg , Ffaroeg , Islandeg , Norwyeg a Swedeg . Maen nhw i gyd yn tarddu'n hanesyddol oddi wrth Hen Norseg . Fe'u siaredir yn frodorol dros gwledydd y Llychlyn, Denmarc , Gwlad yr Ia , Norwy a Sweden a hefyd gan leiafrif yn y Ffindir .

Dosbarthiad [ golygu | golygu cod ]

Yn draddodiadol, fe ddosberthir yr ieithoedd Germanaidd gogleddol yn ddau gr?p: y gr?p gorllewinol, yn cynnwys Islandeg , Ffaroeg a Norwyeg , a'r gr?p dwyreiniol, Daneg a Swedeg . Mae'r dosbarthad hwnnw yn adlewyrchu ffactorau hanesyddol, gan fod yr Islandeg a'r Ffaroeg wedi datblygu allan o dafodieithoedd Hen Norseg a siaradwyd yn Norwy . Heddiw tueddir hefyd i ddefnyddio dosbarthiad yn Scandinafeg Ynysig ( Islandeg a Ffaroeg ) a Scandinafeg Gyfandirol ( Daneg , Swedeg a Norwyeg ). Mae'r ail ddosbarthiad yn rhoi blaenoriaeth i ffactorau synchronig, yn enwedig, debygrwydd yr ieithoedd heddiw, gan gynnwys gradd cyd-ddealtwriaeth rhyngddynt.

Mae'r gwahaniaethau ieithyddol rhwng yr ieithoedd Scandinafaidd Cyfandirol heddiw yn fychan. Mae'r rhesymau dros eu rhannu nhw'n dair iaith heddiw yn bennaf yn wleidyddol, cymdeithasol a diwylliannol, yn hytrach nag yn ieithyddol. Mae gradd uchel ar gyd-ddealltwriaeth rhyngddynt, yn enwedig rhwng Bokmal Norwyeg a Daneg.

Eginyn erthygl sydd uchod am iaith . Gallwch helpu Wicipedia drwy ychwanegu ato .