U
4 nuvembri
he u 308esimu ghjornu (u 309esimu ghjornu s'e l'annata he bisesta) di u calendariu gregorianu.
Santu
Carlu
Borromeo.
Carlu
he natu u 2 uttobre 1538, in u castellu di Borromeo, in Italia, accantu a u Lagu Maggiore.
Quand'ellu ha 21 annu, u fratellu di a mamma, Anghjulu di i Medici, he fattu papa cu u nome di Piu Quartu. Carlu diventa u so secretariu di Statu. Subitu dopu, u ziu u face cardinale, li da l'amministrazione di a dioccesi di Milanu, e legazioni di Bologna, Spoletta e Ravenna, e a commenda di l'abbazie di Mozzo, Polina, Colle e Nonantolla, cio chi face un rivenutu di 52.000 scudi a l'annu, sia u valore di 1.528.000 chilo d'argentu. Si tratta di un casu veradimente scandalosu ma, a l'epica, i patroni di a Chjesa circavanu piu l'onori e u prufittu che u Paradisu.
Tre anni dopu, Carlu Borromeo cambia vita, raghjunghje a so dioccesi di Milanu e decide di mette in opera e decisioni di u cunciliu di Trento finitu in u 1563. Crea tre grandi seminarii e tre picculi, e apre 800 scole cu 6000 preti per ampara a duttrina. Si fece unipochi di nimici, tantu laichi che preti. Un frate pruvo ancu a tumballu tirenduli una archibusgiata.
Carlu Borromeo he mortu in Milanu a 46 anni, u 3 nuvembre 1584. Lasciava una dioccesi chi fu un mudellu per tutti i paesi catolichi.
Etimolugia: da u germ. "harja" (armata) o "carl" (omu, maschju, omu di cundizione libera). Indi i Franchi, ha pigliatu u sensu di "maestru di Palazzu" e po "altu funziunariu di a Corte".
Casate: Carletti, Carli, Carlini, Carlotti, Doncarli.
Nomi: Carito, Carl, Carla, Carlettu, Carlina, Carline, Carlina, Carlinu, Carlo, Carlos, Carlotta, Carlu, Carlyle, Carol, Carola, Carole, Carolin, Caroline, Charel, Charlemagne, Charlene, Charles, Charletta, Charley, Charlie, Charline, Charlot, Charlotte, Charly, Cheree, Cheryl, Chick, Chuck, Halle, Jarl, Karel, Karl, Karlota, Karlouchka, Kerdel, Korl, Linchen, Lini, Lola, Loleta, Lolita, Lotta, Lotte, Lottie, Sarel, Sherry, Sheryl, Siarl, Tearlach.- In u 1981, in Corsica, Carlu venia a u 10esimu rangu di i nomi maschili. Era quellu di 26 omi nantu a 1000.
Paesi e cita: Milano.
[1]