Sophie Scholl

den
Rann eus	Hans and Sophie Scholl
Reizh pe jener	plac'h
Bro ar geodedouriezh	Republik Weimar , Trede Reich
Anv e yezh-vamm an den	Sophie Scholl
Anv ganedigezh	Sophia Magdalena Scholl
Anv-bihan	Sophia
Anv-familh	Scholl
Deiziad ganedigezh	9 Mae 1921
Lec'h ganedigezh	Forchtenberg
Deiziad ar marv	22 C'hwe 1943
Lec'h ar marv	Munich Prison
Doare mervel	Kastiz ar marv
Abeg ar marv	dibennan
Killed by	Johann Reichhart
Lec'h douaridigezh	Friedhof am Perlacher Forst
Tad	Robert Scholl
Mamm	Magdalena Scholl
Breur pe c'hoar	Inge Scholl , Werner Scholl , Hans Scholl
Yezh vamm	alamaneg
Yezhou komzet pe skrivet	alamaneg
Kondaonet evit	high treason
Micher	university student , resistance fighter
Bet war ar studi e	Ludwig Maximilian University of Munich
Relijion	Luteriegezh
Partner in business or sport	Hans Scholl
Ezel eus	Ar Rozenn Wenn
Present in work	Sophie Scholl ? The Final Days , Weiße Rose

Sophia Magdalena Scholl ( Forchtenberg , 9 a viz Mae 1921 ? Munchen , 22 a viz C'hwevrer 1943 ) a oa ur stourmerez politikel alaman e-pad an Eil Brezel Bed , hag unan eus pennou ar Rozenn Wenn ( Die Weiße Rose ), un aozadur da stourm a-enep an naziouriezh en Alamagn.

Buhez [ kemman | kemman ar vammenn ]

Evel an holl yaouankizou e voe ret dezhi kemer perzh e kevredigezhiou yaouankiz. Gouzanv a rae dre ma veze krennet war ar frankiz da sonjal ha da gaout ur relijion . War-lerc'h he bachelouriezh e 1940 ez eas da ziwallerez bugale. Goude ma oa difennet kaout levriou e ≪ servijou al labour ≫ hag er ≪ servij skoazell ≫ e teuas a-benn, e 1940- 41 , da virout Kofesionou sant Aogustin . Derc'hel sonj a reas eus ar frazenn : ≪ Krouet omp bet ganit evit ma'z aimp davedout, hag ankeniet eo hon c'halonou, ken na ziskuizho ennout. ≫ ^[1]. Goude-se e stagas gant studiou bevoniezh ha prederouriezh e miz Mae 1942 e Munchen.

Abalamour d'he deskadurezh katolik , d'an enebiezh krenn embannet gant he zad ouzh an naziouriezh, da skiant-prenet he breur, soudard ha studier war ar vezegiezh ha goude klanvgarrour en ospitaliou talbenn ar Reter, test eus ar varbariezh nazi e-kenver ar Yuzevien hag ar Rused , e tigoras he daoulagad war stad Alamagn.

Adalek miz Mezheven 1942 en em vodas gant he breur Hans ha Carl Muth , hag o sikour a reas da embann ha da skignan traktou a-enep ar renad nazi hag ar brezel. Teurel traktou a reas e porzh diabarzh skol-veur Munchen ha diskuliet e voe d'ar Gestapo gant porzhier ar skol-veur. Harzet e voe Sophie hag he breur d'an 18 a viz C'hwevrer 1943 ha kaset dirak ar Volksgerichtshof , Lez-varn ar Bobl . Kondaonet e voe d'ar marv goude ur vreutadeg teir eurvezh hepken.
Roland Freisler , penn Lez-varn ar Bobl, deuet eus Berlin , a lennas ar varnidigezh, roet abalamour d'an ≪ trubarderezh, gwallbropaganda, kenwallerezh gant an enebourien, fallgalonin an armeou ≫.

Dibennet e voe d'an 22 a viz C'hwevrer 1943 e Munchen, daoust d'al lezenn a embanne splann e ranked gortoz 99 devezh a-raok lakaat un den d'ar marv goude bout kondaonet. Kalonek e tiskouezas bezan en deiz-se, hervez testeni gwarded an toull-bac'h.

Beziet e voe er vered damdost da goadeg Perlach , e-kichen he breur Hans ha Christoph Probst , a oa bet lazhet en deiz-se end-eeun.

Un toullad deiziou war-lerc'h he marv e voe kanet meuleudi dezhi gant Thomas Mann er BBC .

Abaoe o marv [ kemman | kemman ar vammenn ]

Pa gouezhas Moger Berlin e 1989 e voe digoret an diellou kozh er vro a oa bet Alamagn ar Reter ha kavet e voe danevellskridou ar Gestapo eus abadennou goulennata an daou yaouank.
En Alamagn ez eus bet lakaet un toullad mat a skoliou en anv Sophie ha Hans Scholl.
Ur priz lennegel zo ivez en o anv en Alamagn.
Sophie Scholl - Die letzten Tage ("Sophie Scholl - An devezhiou diwezhan") zo ur film alaman bet sevenet e 2005 gant Marc Rothemund ha Fred Breinersdorfer ^[2].

Levrlennadur [ kemman | kemman ar vammenn ]

(fr) Didier Chauvet, Sophie Scholl, une resistante allemande face au nazisme , L'Harmattan, 2004 ( ISBN 978-2-7475-7507-2 )
(fr) Carole Bitoune, La revolte au feminin : portraits de femmes exemplaires , Hugo et Compagnie, 2007, ( ISBN 978-2-7556-0154-1 ) .
(fr) Inge Scholl, La Rose Blanche : six Allemands contre le nazisme , Editions de Minuit, 2013 ( ISBN 978-2-7073-2694-2 ) ? C'hoar Sophie ha Hans eo Inge.