Tren diroudennet e
Palestina
gant nerzhiou lezluel yuzev e 1946.
Ar
sabotaj
pe
tarverezh
a zo un ober graet a-fetepans-kaer evit distruj, gwanaat pe disteraat ur benveg evit ma chomfe sac'het pe na vefe ket ken efedus ken. Graet e vez kalz gant ar ger da vare brezeliou (brezeliou etre broiou, pe brezeliou ekonomikel, pe eneberezh kevredigezhel) evit ober anv eus an oberou kaset war-raok evit lakaat rouestl ha mesk e-touez an enebourien, pe ar gevezerien, da skouer en ur zistruj kefluskeriou, hentou-houarn, linennou tredan... ha kement tra a c'hall lakaat dizurzh en o zouez. Implijet eo bet ivez an doare ober-se e bed al labour gant micherourien ’zo evit terrin mekanikou, da skouer pa ne veze ket aotre da ziskregin diouzh e labour evit gounit gwiriou pe kresk paeamant, pe pa veze re ziaes al labour.
Dishanval diouzh ar
sponterezh
eo ar sabotaj, pa ne glask ket lazhan tud, na lakaat ar spont da ren. Dishenvel eo ivez diouzh manifestagou ma vez distrujet traou en un doare arouezel a-wechou. Dre vras e chom kuzh ar saboterien ha ne glaskont ket displegan na brudan ar pezh a reont. Ober gaou eo ar pal.
Gant ar ster-se eo tremenet ar ger
sabotaj
en holl yezhou ar bed. Moarvat e teu eus ar galleg
sabotage
(
sabot
= botez-koad), pe marteze eus an
nederlandeg
. Diasur eo orin ar ger avat, daoust ma'z eus bet kinniget a bep seurt displegaduriou. E penn kentan ne dalveze nemet evit disoc'h ul labour graet foeltr forzh, buan ha n'eus forzh penaos. Kevatal e oa neuze da c'heriou brezhonek evel
tarvan
,
batrouzan
,
mordokin
,
kilbouc'hat
,
porc'hellat
...
Seurt oberou a c'hall bezan kaset da benn pe gant
nerzhiou ispisial
al lu, pe
harzerien
pe neuze gant tud en em silet er vro, pe tud o labourat evit an estren
dispis
. Gant al leziou-barn brezel e vez lakaet alies ar saboterien da spierien ha ne vezont ket degemer evel brezelourien (ne vezont ket lakaet da brizonidi brezel eta pa vezont paket).
Gant bed ar stlenneg e vez komzet eus sabotaj ivez pa vez lakaet
meziantou
"drouk" pe "brein" da vont e rouedadou ’zo. Kaoz a zo bet evel-se eus un ober kaset da benn gant ar
Stadou-Unanet
a-enep programm nukleel Iran.
Gwelet ivez :
siberargad
.
Evit difenn ha gwarezin an endro e vez klevet anv eus sabotaj ivez, ha savet ez eus bet ur ger ispisial evit se:
ekotaj
ur ger kemmesk gant "eko"+"sabotaj".