Lucius Publius Septimius Antonius Geta
(
189
-
211
) a oa un
impalaer roman
hag a renas 11 miz en 211.
Mab e oa da
Septimius Severus
, a voe anvet da senedour e 172 gant an impalaer
Marcus Aurelius
, da
brokonsul
Tarraconense entre 178 ha 180, da gonsul e 190. Dimezet e oa da Paccia Marciana, hogen mervel a reas digantan. E 187 ec'h addimezas da
Julia Domna
, arabez eus Siria, a oa bet diouganet dezhi e timezje d'ur roue. Domna a oa merc'h d'un den pinvidik, Julius Basianus, beleg meur Templ an Heol en Emesa. Daou vab o doe : L. Septimius Bassianus "
Caracalla
" ha Publius Septimius Geta.
Ganet e oa Geta e Roma. Ur breur henan en doa,
Caracalla
, met Geta an hini e oa moumoun e vamm rak siouloc'h ha poellekoc'h eget e vreur e oa. Ne oa nemet bloaz etreze, met kaz o doa an eil ouzh egile, rak ne garent ket ar memes traou : Caracalla a oa sot gant an arme hag ar brezel, Geta a oa troet gant traou ar spered, ha plijout a rae d'ar
Sened
. Caracalla a oa feuls ha kriz, ha Geta dous e zoareou, ha kizidik, petra bennak ma lavar an istorourien ne oa ket gwell e vuhezegezh.
Plautianus
a oa un den uhel ha keneil d'an impalaer Septimius Severus,
prefed
ar
pretordi
, keneil Geta er
gonsuliezh
en
203
. Septimius Severus a zimezas e vab henan Caracalla da verc'h Plautianus. Pa glevas Geta e oa Plautianus oc'h iriennan evit lazhan Caracalla ez eas da gelaouin tad ha breur : ha setu kaset Plautianus kuit ha muntret war urzh Caracalla en
205
, gant asant e dad. Hag enoret Geta gant un delwenn arem war ar
forom
[1]
.
E
198
e voe anvet e vreur henan Caracalla da
Augustus
, evel e dad, da lavarout eo da genimpalaer ; e
209
e voe anvet Geta da
Augustus
ivez.
E 209, pan eas an impalaer Septimius Severus d'ober un dro-vrezel da
Enez Vreizh
e kemeras e zaou vab gantan evit o fellaat diouzh plijadurezhiou
Roma
, ha rein tro dezho da anvezout buhez ar soudarded, ha marteze ivez d'o fellaat diouzh fallguzulierien prest da glask gwashaat an enebiezh etrezo, ha da glask skoulman gwelloc'h darempredou dre ar c'henlabour en arme, hag evel-just evit o frientin da ren war e lerc'h. En 209 e lezas Geta gant e vamm Julia Domna en
Eboracum
da c'houarn
Britannia Inferior
tra ma'z eas gant e vab henan Caracalla da sinan un emglev gant poblou
Kaledonia
. Pa zistrojont ac'hano ez eas yec'hed an impalaer da fall, ma varvas e derou
211
. Ne oa ket deuet a-benn da lakaat e vibien d'en em glevout. P'edo o vervel edo Caracalla oc'h iriennan a-enep d'e dad ha d'e vreur. En Enez Vreizh eo e voent anvet da impalaerien o-daou. Hag int da zistrein da Roma.
War o hent da Roma e chomjont pell an eil diouzh egile, hep prejan a-gevret gwech ebet, na kousket er memes ti
[2]
.
Koulskoude e seblantjont en em gavout d'ar c'houlz da rentan enor d'o zad. Met ren kichen-ha-kichen a oa tra dibosubl. Rannet e oa ar palez e div lodenn ha ne c'houzanve hini ebet anezho gwelout ur servijer d'e vreur en e lodenn-en. N'en em welent nemet dirak o mamm, gant un toullad brav a warded armet, gant aon dalc'hmat da vezan drouklazhet.
[2]
Hervez an istorour
Herodianus
o dije divizet an daou vreur rannan an impalaeriezh e div hanterenn. Kement-se a voe nac'het gant ar vamm, a felle dezhi derc'hel stad he fried en he sav.
Met e dibenn 211 e oa troet fall-tre an traou
[3]
. Klask a reas Caracalla lazhan Geta da goulz ar
Saturnalia
(17 a viz Kerzu), met tro wenn a reas.
A-benn ar fin e voe ur vodadeg emglev aozet gant ar vamm en he ranndi. Dont a reas Geta hep e warded, evel goulennet gant e vreur, lazhet e voe etre divvrec'h e vamm gant
kanturioned
.
[2]
.
Caracalla a yeas da gamp ar warded pretorian da gontan e oa bet un irienn gant Geta, hag en devoa ranket lazhan e vreur da savetein e vuhez. Dirak ar Sened e lavaras en devoa graet evel
Romulus
ha
Neron
a rankas lazhan o breudeur (
Remus
ha
Britannicus
) evit mad an impalaeriezh. ≪ Zeus ≫, emezan, ≪ eo an hini nemetan a zalc'h ar galloud e-touez an doueed, hag ar galloud-se ne ro nemet da un den. ≫
Neuze e c'hallas Caracalla ren e-unan.
Caracalla a embannas lezennou an
damnatio memoriae
a voe kaset da benn : distrujet e voe an delwennou d'an impalaer Publius Septimius Geta, teuzet ar pezhiou moneiz ma oa poltredet.
Berzan a reas ouzh e vamm dougen kanv d'e vreur, hag en eskemm e roas dezhi galloud war aferiou diabarzh an impalaeriezh, tra ma rae en war-du an arme.
Ouzhpenn e reas lazhan harperien e vreur
[2]
. Hervez
Cassius Dio
e voe lazhet 20 000 a dud en abeg da se
[4]
. En o zouez e oa mab an impalaer
Pertinax
(
126
-
193
, a renas tri miz e 193), ha c'hoar an impalaer
Commodus
(
161
-
192
).
Hervez
Historia Regum Britanniae
ar C'hembread
Jafrez Menoe
e vije bet anvet Geta da roue al lejionou e ker
York
.
- ↑
(fr)
Anne Daguet-Gagey,
C. Fuluius Plautianus, hostis publicus, Rome, 205?208 apres J.-C.
e
La ≪ crise ≫ de l'empire romain, de Marc Aurele a Constantin
, Presses de l'universite Paris-Sorbonne, 2006
(
ISBN 978-2-84050-465-8
)
- ↑
2,0
2,1
2,2
ha
2,3
Edward Gibbon,
The Decline And Fall Of The Roman Empire
, The Modern Library, 1932, chap. VI., p. 114
- ↑
Herodian,
History of the Empire from the death of Marcus
, IV., p. 144
(
ISBN 978-1-97646-650-2
)
- ↑
Cassius Dio
,
Roman History