An
Nyiragongo
a zo ur
menez-tan
e
Traonienn ar Rift Meur
e reter
Afrika
. E anv a dalv e brezhoneg
an hini a zivoged
. Dre m'eman tost ouzh ur bern
keriadennou
poblet mat, met ivez dre ma tislonk alies hag ez eo redus-kenan e
lava
, ez eo anavezet an Nyiragongo evel unan eus ar meneziou-tan danjerusan en
Afrika
.
E
Republik demokratel Kongo
eman an Nyiragongo, ha resisoc'h : 29,5° Reter ; 1,52° Su. En aridennad ar
Virunga
(80 km eus Reter da Gornog hag 20 km ledander) eman, gant ar meneziou-tan-man: ar
Vuhaura
, ar
Vgahinga
, ar
Sabinyo
, ar
Vishole
, ar
Vikeno
, ar
Garisimbi
hag an
Niamuragira
. War-hed 19 km eman an Nyiragongo eus ker
Goma
, tost d'ar vevenn etre ar
C'hongo
hag ar
Rwanda
. Ker Goma a zo war-dro 400 000 a dud o chom enni.
Uhel a-walc'h eo an Nyiragongo, gant 3 469 m a uhelder. War rift Afrikan Esten eman an Nyiragongo.
Pa vez komzet eus an Nyiragongo e ranker gouzout o deus chenchet e darzhadennou e-kerzh ar bloavezhiou, da laret eo e oant tarzhus betek an 19vet kantved evit dont da vezan dislonkus adalek dislonkadenn 1927 hag he deus paouezet e 1977. E-kerzh an dislonkadenn a badas 50 vloaz e voe krouet ul lenn magma hag en em zileunias en un eurvezh. An dislonkadenn-man a gemeras hent Goma hag a baouezas un tammig a-raok an aerborzh, met lazhet e voe 600 den ha leusket ur graterenn 900 metrad donder.
Dislonket en deus dija peder gwech :ur wech e 1944, e 1948, e 1977 hag e 2002. Dislonkadenn 2002 he deus lakaet da fall 14 keriadenn nepell dioutan ha touchet he deus e lava keriadenn Goma en ur leskel un nant lava eus 60 km hirder ! Setu n'eo ket marv c'hoazh an Nyiragongo. Ur vojenn a zo en-dro d'an Niamuragira diwar-benn an Nyiragongo : laret e vez gant an dud o vevan tro- dro d'an daou venez-tan-se ez a ene an dud varv da lakaat anezhan da zislonkan.
Tarzhus eo an Nyiragongo hag ur stumm kemmesk en deus ar mnez-tan Peleat-man.
Lava berradus ha tarzhadennou aezhenn dour a zo en e zislonkaduriou.
Tenval eo liv e lava hag ur gimiezh bazek he deus.
An Nyiragongo na servij da vann evit an dud o vevan tro-dro (labour-douar...).