Ur c'helenner skol-veur hag ur skrivagner eus Kembre eo
Ned Thomas
(
Edward Morley Thomas
ent leun). Ganet eo bet e 1936 e
Little Lever
, e
Lancashire
, e
Bro-Saoz
). Dont a reas da Gembre da chom e 1968 hag un den anavezet eo war dachenn ar stourm evit ar
c'hembraeg
ha gwiriou broadel
Kembre
.
Kembreiz ha kembraegerien e oa tud Ned Thomas. Tremen a reas e yaouankiz e meur a lec'h e Bro-Saoz, war douar-bras Europa hag e kreiz Kembre. Goude studiou e
Oxford
, e labouras evit ar gazetenn
The Times
e
Londrez
hag evel skridaozer kelaouenn rusianek kannati Breizh-Veur e
Moskov
. Kelenn a reas ivez e skoliou-meur Moskov ha
Salamanca
, e
Spagn
.
Ur post kelenner saoznek a dapas e skol-veur
Aberystwyth
e 1969. E skridou, d'ar mare-se, a levezonas kalz ar stourm evit ar c'hembraeg er
bloavezhiou 1970
.
The Welsh Extremist
eo titl al levr saoznek a zeuas er-maez gantan e 1971. El levr-se e veze deskrivet ha dielfennet stad ar yezh e kevredigezh Kembre hag ar stourm eviti hag evit ar vro. Ul levr a bouez e voe evit displegan d'ar saoznegerien eus Kembre ha d'ar Saozon petra eo talvoudegezh ar c'hembraeg evit ar gembraegerien, ha kement-se d'ur mare ma rae berzh ar stourmou yezhel ha politikel kaset war-raok gant ar vrogarourien e Kembre ha d'ur mare ivez ma veze graet goap anezho er c'hazetennou saoznek. Skridou Ned Thomas o deus bet ul levezon vras war an emsav kembraek e fin an
XX
vet
kantved
ha war kresk ar mennozhiou eus an tu kleiz en emsav-se.
Savet e voe ar gelaouenn saoznek
Planet
(the Welsh internationalist)
gant Ned Thomas ivez. E derou ar XXI
an
kantved e voe-en kadoriad Cwmni Dyddiol Cyf., ar gompagnunezh savet evit embann ur gazetenn gembraek pemdeziek anvet
Y Byd
[1]
.
- George Orwell
(1965). Studiadenn.
- The Welsh Extremist
(Gollancz, Londrez, 1971)
- Poet of the Islands
(1980)
- Waldo Williams
(1985). Studiadenn.
- ↑
Y Byd