Da
Houellebecq Michel
(sogn duad ma
Wellback Mischell
) is a franzesischa Schriftschdola, dea in de 1990a Joa a boa recht skandalose Biacha gschrim hod, de owa wodwaid rechte Bestseller woan san. Said dem gut a ois oana fu de wichdigsdn heit lewadn Schriftschdola. Auf d'Wod kema is a am 26. Feba 1956 oda 1958 af
Reunion
, ana Insl im Indischn Ozean de wo zu
Fraunkreich
ghead. Haid lebt a obwegslnd in
Ialaund
und auf da kanarischn Insl
Lanzarote
. In seine Romane bscheftigt a si moasdns auf a weng a zynische Oat mid'n Zaumlem fu de Leit in da modeanen Gsoschoft. Dabai schreibt a oft recht frech iwa de Hippies und 68ga, iwa Politik, iwa Religion, in Feminismus und oft iwa s'Schnaksln.
Seine Biache san in ole meglichn Schbrochn iwasezt woan. As easchde wos eam a bai ins beruhmt gmocht hod, woa
Elementarteilchen
des 1998 auf Deitsch aussakema is. In dem geds um zwoa Briade, fu denan da oane Karriere ois Mikrobiologe mocht und da zwoate a weng a schmiariga Typ is, dea de gaunze Zeid an s'Budan denkt, owa bai de Waiwalaid ned fu raisst. De zwoa untaschiadlichn Briada, de ned fu Kontakt haum, bringt owa s'Schicksoi oiwai wida zaum. Wos de zwoa fabint is, das oi zwoa drunta leidn, das eana Muada a weng egoistisch woa und si um de Buama ned fu kummat hod und liawa schdrawanzn gaunga is. Des Buach is oft ois Obrechnung mid da 1968a Revolution und mim Feminismus intapretiad woan.
As zwoate Buach, wos auf Deitsch aussa kema is, woa
Ausweitung der Kampfzone
. Do geds um zwoa Hawara, de fia a franzesische Software-Firma oawatn und auf Gschaftsroas auf s'Laund gschikt wean. De zwoa kenan si oagentli goa ned so guad, owa daduach, dass mearane Wochan midanaund oawatn miassn und gmoansaum in faschidane Hoto schlofn, leanan si si oiwai bessa kena und kriagn so a fu fum Privatlem fum aundan mid. De zwoa ren fu iwa Waiwagschichdn und ins Buff geh. In Wiaklichkaid san owa oi zwe schwa frustriad und in da Haundlung geds mid eea oiwai waida beago. In Deitschlaund und Ostareich is des Buach Plattform foa oim daduach bekaunt woan, wais in da Feanseh-Sendung fum
Marcel Reich-Ranitzky
(
Das Literarische Quartett
) driwa gret und gschdridn haum.
As dritte Buach, wos bai ins zan Bestseller woan is, woa
Plattform
. In dem geds wida recht fu ums Schnaksln und wia de Sexualitat oiwai meara zu am Gschaft wiad, ned nua in da Prostitution, sondan a duach Nokate in da Weabung, duach Scheheitsoparazionen und iwahaupt. Da Houellebecq schreibt owa ned, das de Gsoschoft wida weka kema soid fu dem Irrweg, sondan ea schlogt in dem Roman recht provokant fia, das ma den Weg gaunz radikal bis zan End ge soitadn. Des Buach is desweng oft ois Obrechnung mim Kapitalismus intapretiad woan. Bsondas das a in dem Buach positiv iwan Sextourismus schreibt, is zu am Skandal woan.
- Suche nach Gluck
. Gedichte, (
La poursuite du bonheur
, 1992) DuMont, 2000,
ISBN 3-7701-5357-X
.
- Ausweitung der Kampfzone
(
Extension du domaine de la lutte
, 1994). Rowohlt, 2000,
ISBN 3-499-22730-4
- Lebendig bleiben. (Rester vivant, 1997), Die Schopferische Absurditat
(In: Interventions, 1998/Die Welt als Supermarkt, 1999) und Pariser Beton (In:
Literaturen
, 6 (2005) 9), DuMont, 2006,
ISBN 3-8321-7970-4
.
- Elementarteilchen (Les particules elementaires, 1998)
, List, 2001,
ISBN 3-548-60080-8
- Die Welt als Supermarkt
(
Interventions, recueil d'esseis
, Flammarion, 1998). DuMont, 1999,
ISBN 3-7701-4972-6
- Wiedergeburt
. Gedichte, franzosisch-deutsch. (
Reneissance
, Flammarion, 1999) DuMont, 2001,
ISBN 3-7701-5359-6
.
- Plattform
(
Plateforme
, 2001). Rowohlt, 2001,
ISBN 3-499-23395-9
- Le sens de combat. Der Sinn des Kampfes
. Gedichte, franzosisch-deutsch. DuMont, 2001,
ISBN 3-7701-5358-8
- Gegen die Welt, gegen das Leben (Contre le monde, contre la vie)
, Dumont, 2002,
ISBN 3-8321-5531-7
- Suche nach Gluck (La poursuite du bonheur)
(Taschenbuchausgabe). Rowohlt, 2003,
ISBN 3-499-23172-7
- Lanzarote
. Rowohlt, 2004,
ISBN 3-499-23644-3
. (Frankreich: Flammarion, 1999)
- Die Moglichkeit einer Insel
(
La possibilite d'une ile
, 2005), Dumont, 2005,
ISBN 3-8321-7928-3
- Michel Houellebecq,
Stephen King
(Hrsg.),
H. P. Lovecraft
: Against the World, Against Life (2005).
- Volksfeinde: Ein Schlagabtausch (Ennemis publics, 2008)
, gemeinsam mit
Bernard-Henri Levy
, Dumont 2009,
ISBN 978-3-8321-9518-2
- Ich habe einen Traum
(
Interventions 2
, 2009), ubersetzt von Hella Faust; DuMont Verlag, Koln 2010
ISBN 978-3-8321-9592-2
- Karte und Gebiet
(
La carte et le territoire
, 2010) ubersetzt von Uli Wittmann; DuMount Buchverlag, Koln 2011,
ISBN 978-3-8321-9639-4