Hak Asasi Manusia (HAM)
inggih punika pikayunan sane negesang indik soang-soang jadma madue kawenangan ring kahuripannyane sangkaning manumadi dados manusa. Wenang puniki tan pawates sakantun jadmane punika urip tur nenten kapiambeng olih genah tur makasami manusa sampun madue ri tatkala metu ka jagate. HAM nenten dados kakepah nangih satata mapaiketan. Negara sane madue amongan mangda Hak Asasi Manusia prasida mamargi antar ring jadma sami.
Manut kaweruhan, HAM kadasarin antuk waranugraha saking Dewa miwah Bhuanane puniki. Taler wenten sane maosang wenang punika wantah silih tunggil pabuat jadma sane tiwas tur satata kapisuna olih jadma sane mautama. Ring aab sane sampun lintang tur purwa, wacana Hak Asasi Manusia kakawitin antuk wenang kodrati saking aab pencerahan. Raris kalanturang ring wewidangan politik
Revolusi Amerika
miwah
Revolusi Prancis
. Pamuputne medal Hak Asasi anyar ring aab kalih dasa. Kasobyahang nganggen Pernyataan Umum indik Hak-Hak Asasi Manusia (PUHAM) warsa 1948 magenah ring
Paris
. Pabuat hak asasi manusia ring tincapan internasional kamanggalain olih Dewan Hak Asasi Manusia, Komite Hak Asasi Manusia PBB miwah Komite Hak Ekonomi, Sosial taler Budaya.
Hak Asasi manusia kabaos universal duaning nenten wenten sane prasida ngalangin wenang puniki ri tatkala kalaksayanang ring kahuripan ngantos mangkin. Tetujon wenang punika wantah mangda sami jadma pateh nenten wenten sane kalintang utama utawi kalintang sor. HAM satata mapaiketan sareng jadma saking ida embas ngantos lebar. Hak asasi manusia madue kawigunan inggih punika antah pinaka wenang saking soang soang manusa nanging taler madaging napi sane patut kabuat ring soang-soang mangda prasida ngamolihang wenangnyane. Malarapan punika HAM taler kaiket antuk awig-awig utawi hukum ring negara. Proklamasi Taheren ring warsa1968 taler maosang yening HAM wantah wenang sane masikian tur nenten patut kakepah (
indivisible
).
