La Iliada
considerase'l
poema epicu
mas antiguu na lliteratura occidental. El so autor ye
Homero
, y ta escritu n'
hexametros
dactilicos, nel sieglu VIII e.C.. Tien 15.690 versos, que va tiempu (dica'l
sieglu VI e.C.
) s'iguaron en 24 llibros, y esta division respetose hasta anguano casique ensin cambeu nengun.
El poema cuenta coses sobre la guerra ente griegos (llamaos
aqueos
nel llibru) y troyanos, que supuestamente pasaren nel sieglu XII e.C.; poro, 400 anos enantes d'Homero. Probablemente tolos personaxes seyan inventaos, anque la historia ye verosimil; por exemplu, l'autor pon curiau en non falar del
fierru
, que nun se descubriera na domina de la Iliada, anque si yera ya conociu na domina d'Homero, y casique toles referencies a metales y armes falen de
bronce
.
La ciuda de
Troya
conozse tamien col nome de Ilion, y por eso el poema se titula la Iliada.
La historia de la Iliada pue decise que ye
la historia de la colera de Aquiles
, un de los personaxes, un guerreru perimportante na so domina. Desendolcase durante'l decimu anu na guerra. Aquiles fora pa Troya con una enorme flota de barcos griegos pa lluchar contra los troyanos; el xefe principal d'esta flota yera Agamenon, el rei mas importante. El rei de los troyanos, Priamo, tenia dos fios: Hector y Paris. Paris raptara a Helena, la muyer de Menelao, que yera l'hermanu de Agamenon. Asina, la guerra de Troya seria una guerra enre troyanos y griegos, ente otres coses pol honor de Menelao. Los griegos nun pudieron ganar a los troyanos dafechu, y entamaron un sitiu a la ciuda, que se mantuvo durante munchos anos, con escaramuces y batalles.
Aquiles enfadase porque quiten-y una esclava que el capturara, Briseida, y entos dexa de lluchar y retirase pa la so tienda. Cuandu na guerra Hector mata a Patroclo, el meyor amigu de Aquiles, esti enfadase y decide volver a la llucha.
Anque cuandu se fala de Troya se piensa immediatamente nel caballu de madera nel que se diz qu'entraron los soldaos griegos escondios pa abrir les puertes de la muralla, esti episodiu nun se cuenta na Iliada (que termina enantes de que pasen estes coses), nin na
Odisea
, otru poema d'Homero que ye la continuacion de la Iliada, sinon na
Eneida
, escrita pol romanu
Virxiliu
munchos anos dempues.
Hai que decir que la historia nun ye namas una narracion de los fechos rellacionaos cola llucha. Hai munches descripciones, enforma detallaes; por exemplu, ye famosa la descripcion de los barcos de la flota, que dan munches idees sobre los participantes na guerra y sobre aquella domina en xeneral. Tamien tienen muncha importancia los sentimientos y les pasiones humanes, y tienen un papel perimportante los dioses, que colos sos caprichos influyen na historia constantemente y son personaxes tan presentes comu los guerreros.
Hebo muncha discusion sobre munchos aspeutos de la Iliada. Lo primero, a proposito del autor, porque nun se sabia seguro si Homero yera una presona real o el poema fuera obra de estremaos poetas, tresmitiu oralmente. Anguano considerase que si, que Homero esistio y yera un personaxe historicu real.
Otra cosa que foi duldosa por munchu tiempu foi si Troya esistio de verda o non. Na Iliada falase de una ciuda asitiada nel
Helesponto
, y na decada de
1870
l'arqueologu aleman
Heinrich Schliemann
alcontro na actual
Turquia
les ruines superpuestes d'una ciuda que guei s' almite que yera la Troya d'Homero. Asina, paez que anque la Iliada seya ficcion, basase en fechos reales y recueye elementos tresmitios oralmente sobre una guerra que se desendolco n'aquella zona na domina en que se ambienta'l poema.