Se diz vueito , vuido ^[1] u vuedo ^[2] a l'ausencia d'aire, atros fluidos y en cheneral de cualsiquier clase de materia . En fisica se define como l'ausencia de materia en un volumen determinato de l'espacio.

En la practica esta condicion ye imposible de conseguir de tot. Tanto en la inchenieria pa la construccion de maquinas, como en labotatorios pa fer un experimento, lo vueito absoluto no se puet conseguir y alavez se diz vueito parcial . En este vueito parcial las pocas moleculas que i quedan fan una presion sobre las paretes de lo volumen que las comprene. Ye por ixo que este vueito parcial s'expresa en unidaz de presion y a soben se compara con la presion atmosferica normal (la presion que exerce l' atmosfera a ran de mar). La presion ye, doncas, una traza de mesurar en que grau s'ha conseguito creyar lo vueito en un volumen. La unidat de presion en lo Sistema Internacional de mesuras ye lo Pascal (Pa). Tamien s'expresa en atras unidaz como lo Torr u milimetros de mercurio (mmHg) emplegando la escala barometrica, u tamien como porcentaches de la presion atmosferica en bars u atm (atmosferas).

Etimolochia [ editar | modificar o codigo ]

La denominacion de lo vuido fisico como substantivo se fa en muitas luengas romances a partir d'un adchectivo calificativo present en ellas que deriva de lo latin tardano VOCITU , adchectivo que se cheneralizo a costa de l'adchectivo latino clasico VACCUM , que manimenos ha sobreviviu en lo lexico cheografico aragones en lo substantivo " vago ". VOCITU ye un cruce entre lo participio latino VACATUS y l'adchectivo latino VAC?VUS a travies de la suya variant VOC?VUS . Manimenos esta variant con "o" no contribuyo a la formacion de l'adchectivo aragones "vacivo" relativo a bestiar que no cria ^[2] y dreitament derivau de lo latin VAC?VUS como lo cognato castellano vacio .

Ramon Menendez Pidal considera que VOCITU evoluciona con sincopa ta V?CTU y dimpues d'acuerdo con la lei fonetica -CT- > -it- da vueito en aragones, que se troba en gran variedat de textos en aragones medieval , y que corresponde a la palabra asturiana occidental boito (barca sin carga), a lo castellano d'Alava bocho (" clot ", " foyo ") y a l' occitan gascon vueit (que en occitan coexiste con atras formas prou chenerals como vueg u void ).

Atra forma que se presenta en aragones medieval y que plega a cheneralizar-se a costa de l'anterior ye vuido , manimenos no se documenta actualment que en la parla catalana de transicion a l'aragones de Peralta de la Sal . Ye la variant vuedo la sola que sobrevive d'este conchunto en aragones, por lo menos en benasques ^[2] , en connexion con l' occitan aranes vued , ued . Las formas vuedo y vuido se pueden explicar dende VOCITU por sonorizacion de la oclusiva xorda intervocalica latina -T- (que ye comun en aragones), y por perduga de la -C- intervocalica debant de E, I, que no ye guaire comun en aragones pero que teoricament puet dar-se en benasques , y fa part de las leis foneticas de lo catalan . De feito Bernard Pottier y Ramon Menendez Pidal consideran que buydo ye un catalanismo , ^[1] pero sin parar cuenta que en occitan tamien existe void .

En lo castellano de lo sieglo XVI d'Aragon ye documentau l'uso de vuido como substantivo abstracto en Daroca ^[3] :

Creyar vueito [ editar | modificar o codigo ]

Pa creyar lo vueito d'una traza simpla se parte d'un cierto volumen, zarrato hermeticament, y s'expande, creyando un vueito parcial dentro lo volumen. Eixemplos d'este sistema se dan: en los pulmons respirando, que s'expanden y creyan un cierto vueito dentro d'ellos (la diferencia de presion dentro y fuera de los pulmons i fa entrar l'aire), y tamien pa aspirar, absorber y succionar. Lo mesmo principio s'emplega en maquinas como l'aspiradora u bombas d'aire.

Tamien se puet fer un uso d'una bomba d'aire pa extrayer l'aire dentro una cambra de vueito. A mesura que se va extrayendo l'aire quedan menos moleculas que espenten contra las paretes de la cambra, con lo que se reduce la presion de lo suyo interior. D'esta traza se puet conseguir un buen vueito, pero a causa de las fuyitas, efectos d' evaporacion y sublimacion en las paretes de la cambra y los atros elementos este nunca no sera perfecto.

Atros tipos de vueitos [ editar | modificar o codigo ]

Antiparte de lo vueito creyato artificialment, bi ha tamien vueitos creyatos por la naturaleza . Este ye lo caso de lo vueito en lo espacio exterior. La presion en lo espacio ye muito chicota y se puet dicir que lo vueito ye cuasi perfecto. Con tot y con ixo bi ha bellas particlas en lo espacio y no se puet dicir doncas que siga perfecto. Dentro lo sistema solar , la mes gran parte d'estas particlas provienen de lo Sol , ye lo que se clama viento solar. Este viento solar se composa en la suya mes gran parte de fotons , pero tamien de protons y helio , components principals de la corona solar .

Los vueitos en la mecanica cuantica [ editar | modificar o codigo ]

Si clasicament ye dificil d'obtener un vueito perfecto a causa de las fuyitas, efectos d' evaporacion y sublimacion , la mecanica cuantica estableixe que las paretes que delimitan lo vueito irradian fotons como consecuencia de la radiacion de cuerpo negro .

Por atro costato, seguntes la teoria cuantica de campos , la enerchia de lo vueito nunca no puet estar cero. Esto ye por las fluctuacions de lo campo . Estas fluctuacions, clamatas fluctuacions de lo vueito, tienen una vida muito curta y las fa la mesma creyacion y desaparicion de particlas virtuals .

Lo pleno total ye l'antitesi de lo vueito y tamien ye inabastable.

Referencias [ editar | modificar o codigo ]