Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

A ciudat de Tenochtitlan yera una ciudat antiga, capital de l' Imperio Mexica (tamien conoixito como azteca). Fue establita por os mexicas en l'anyada 1325 y se convertio mientres o suyo dominio en a ciudat mas poderosa de Mesoamerica dica l'anyada 1521 , cuan fue destruita por os conquistadors espanyols d' Hernan Cortes , que destruyoron l'estato mexica con a dita Conquiesta de Mexico y facioron d'a ciudat a capital d'una nueva colonia , que hue ye en a Ciudat de Mexico , a capital de Mexico .

Encara que no se conoix exactament cuala yera a suya poblacion ni cual yera a superficie ocupata por a ciudat, se diz que teneba alto u baixo 8 km² y que a suya poblacion yera d'arredol de 100.000 habitants (estando asinas una gran ciudat, que en Europa nomas teneba mas habitants Costantinoble , con 200.000, Paris on 250.000 y Venecia con 160.000.

Se trobaba en o laco de Texcoco , construita orichinalment dencima de tres chicotas islas d'o laco, Tenochtitlan, Tlatelolco y Nonalco , encara que cuan hi plegoron os espanyols s'heban adhibito tamien as chicotas islas de Tultenco y Mixhuca . Yera conectata con tierra firme por meyo de bellas calzatas elevatas sobre as auguas d'o laco, construitas por piedras, fusta y tierra. Antiparte, as auguas d'o laco s'emplegaban no nomas ta la pesca , sino tamien ta cultivar-ie (en as ditas chinampas ) alimentos vechetals. Istas chinampas, con o tiempo, se convertioron en tierra firme, enamplando asinas poquet a poquet a superficie emerchita d'as auguas d'o laco.

Vinclos externos [ editar | modificar o codigo ]

• Se veigan as imachens de Commons sobre Tenochtitlan .