Savoia-Marchetti SM.79 Sparviero

Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Savoia-Marchetti SM.79 Sparviero
Savoia-Marchetti SM.79 Sparviero.
Datos chenerals
Tipo	Bombardero
Fabricant	Savoia-Marchetti AUSA (Aeronautica Umbra) IAR (Romania)
Disenyador	Alessandro Marchetti
Primer vuelo	24 de setiembre de 1934
Grandaria
Largaria	16,2 m
Altaria	4,1 m
Peso	3 t
Especificacions
Motor	Tres motors Alfa 128 R.C.18
Velocidat maxima	460 km/h
Uso
Estato	Retirau
Operador	Regia Aeronautica
Atros usuarios	Reyal Fuerza Aeria Rumana Eixercito de l'Aire .
Produccion
Anyos	1936-1945
Unidaz construyitas	1.240-1.330
Derivatos	Savoia-Marchetti SM.84
Esquema

Savoia-Marchetti SM.79 Sparviero ye un avion bombardero desembolicau por Savoia-Marchetti . O suyo primer vuelo estio en 1934 . Tien tres motors Alfa 128 R.C.18, una velocidat maxima de 460 km/h y capacidat d'aventar dica 1.200 kg de bombas . S'han construyiu 1.330 unidaz. ^[1]

Historial operacional [ editar | modificar o codigo ]

Los prencipals escenarios de guerra en os cuals participo estioron mientres lo desembolique d'a Guerra Civil Espanyola y la Segunda Guerra Mundial . Italia contino utilizando estes avions dica 1955 y a Fuerza de l'Aire d'o Libano compro cuatre en 1946, los cuals estioron entregaus en 1949 y utilizaus como transportes militars, istas aeronaves amaneixioron en 1954 en a cinta de cine belico They Who Dare ( Lewis Milestone ).

Guerra Civil Espanyola [ editar | modificar o codigo ]

Istos avions fuoron utilizaus mientres a Guerra Civil Espanyola por l' Aviacion Lechionaria italiana, en Aragon parteciporon en os bombardeyos d' Alcanyiz , Balbastro y Andorra .

En o bombardeyo d'Alcanyiz o 3 de marzo de 1938 entre doce y quince bombarders d'iste modelo executoron o bombardeyo, que se facio de dia en destruyendo 188 casas y s'estima que lo numero de muertos estio d'entre 300 y 500 civils (entre els muitos ninos d'a escuela y a maestra) amas de numerosos ferius.

O bombardeyo de Balbastro executau o 3 de noviembre de 1937 ye o segundo bombardeyo mas mortifero d'a Guerra Civil feito en Aragon, con una estimacion de entre 100 y 200 civils muertos.

O 12 de marzo de 1938 , nueu diyas dimpues d'o bombardeyo d'Alcanyiz, ye bombardeata a ciudat d'Andorra con un numero desconoixito de victimas.

Segunda Guerra Mundial [ editar | modificar o codigo ]

L' 11 de chunio de 1940 , nomas que un dia dimpues d'a declaracion de guerra d'o Reino d'Italia a lo Reino Uniu mientres a Segunda Guerra Mundial , la 2a Squadra Aerea d'a Regia Aeronautica ataco lo puerto de Valletta ( Malta ) con 33 bombarderos Savoia-Marchetti SM.79 Sparviero, escoltaus por 18 cazas Fiat CR.32 , prencipiando asinas lo setio de Malta . ^[2]

Operadors [ editar | modificar o codigo ]

Mientres a Segunda Guerra Mundial [ editar | modificar o codigo ]

Pais	Fuerza aeria	Anyos	Notas
Brasil	Fuerza Aeria Brasilera		Recibioron 2 avions SM.79T y dimpues en mercoron un atro
Estau Independient de Croacia	Fuerza Aeria de l'Estau Independient de Croacia	1941 - 1945	Operoron con bels avions ex-yugoslavos
Tercer Reich	Luftwaffe		Opero con avions ex italianos capturaus
Reino d'Iraq	Reial Fuerza Aeria Iraqui	1937 - 1941	En mercoron 6 en 1937, destruyius en a guerra anglo-iraqui ^[3]
Reino d'Italia	Regia Aeronautica	1934 - 1943
	Aviacion Lechionaria	1936 - 1939	100 avions ^[4]
	Aeronautica Cobelicharant Italiana	1943 - 1945
Republica Social Italiana	Aeronautica Nacional Republicana	1943 - 1945
Reino de Rumania	Reial Fuerza Aeria Rumana
Espanya franquista	Aviacion Nacional
Reino de Yugoslavia	Reial Fuerza Aeria Yugoslava		En teneba 42 avions en prencipiar a Segunda Guerra Mundial
Reino Uniu	Royal Air Force	1941	Dimpues d'a invasion de Yugoslavia , lo 117 Escuadron d'a RAF en recibio 4 SM.79T en mayo de 1941 que operoron en o Frent d'a mar Mediterrania dica noviembre. ^[5]

En a posguerra [ editar | modificar o codigo ]

Pais	Fuerza aeria	Anyos	Notas
Italia	Fuerza Aeria Italiana	1945 - 1955 ^[6]
Liban	Fuerza Aeria Libanesa	1946 -?	Merco 4 SM.79L en 1946 , entregaus en 1949 y emplegaus como avion de transporte

Referencias [ editar | modificar o codigo ]

↑ ( en ) Jane's Encyclopedia of Aviation , Random House , 1993 , ISBN 978-0517103169
↑ ( es ) Giovanni Massimello y Giorgio Apostolo : Ases italianos de la II Guerra Mundial , Ediciones del Prado , Madrid , 2000, p.18 ISBN 84-8372-562-2
↑ ( en ) Lyman, Robert : Iraq 1941: The Battles for Basra, Habbaniya, Fallujah and Baghdad . Oxford , Reino Uniu , Osprey Publishing , 2006, p.26. ISBN 1-84176-991-6 .
↑ ( en ) Thomas, Hugh : The Spanish Civil War . Penguin Books . 2006 . Londres . p.938
↑ ( en ) March, Daniel J., ed.: British Warplanes of World War II . Londres, Aerospace Publishing , 1998 , p.252. ISBN 1-874023-92-1 .
↑ ( en ) Italy. Air Force , en o sitio web Aeroflight .

Vinclos externos [ editar | modificar o codigo ]

Se veigan as imachens de Commons sobre Savoia-Marchetti SM.79 .

[1] ( en ) Jane's Encyclopedia of Aviation , Random House , 1993 , ISBN 978-0517103169

[2] ( es ) Giovanni Massimello y Giorgio Apostolo : Ases italianos de la II Guerra Mundial , Ediciones del Prado , Madrid , 2000, p.18 ISBN 84-8372-562-2

[3] ( en ) Lyman, Robert : Iraq 1941: The Battles for Basra, Habbaniya, Fallujah and Baghdad . Oxford , Reino Uniu , Osprey Publishing , 2006, p.26. ISBN 1-84176-991-6 .

[4] ( en ) Thomas, Hugh : The Spanish Civil War . Penguin Books . 2006 . Londres . p.938

[5] ( en ) March, Daniel J., ed.: British Warplanes of World War II . Londres, Aerospace Publishing , 1998 , p.252. ISBN 1-874023-92-1 .

[6] ( en ) Italy. Air Force , en o sitio web Aeroflight .

[1]

[2]

[3]

[4]

[5]

[6]