Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Rhinoceros unicornis
Un rinoceront indio ( Rhinoceros unicornis ).
Denominacions populars
rinoceront indio [1]
Estau de conservacion
Vulnerable ( IUCN )
Clasificacion cientifica
Reino :	Animalia
Filo :	Chordata
Clase :	Mammalia
Orden :	Perissodactyla
Familia :	Rhinocerotidae
Chenero :	Rhinoceros
Especie :	R. unicornis
Descripcion
Rhinoceros unicornis Linnaeus , 1758
Distribucion cheografica
Distribucion d'o rinoceront indio. Color rosa: aria historica, color roya: aria actual.

O rinoceront indio ( Rhinoceros unicornis ( Linnaeus , 1758) ^[2] ) ye una especie de mamifero d'a orden d'os Perissodactyla y familia Rhinocerotidae que ye una especie de rinoceront nativa d'o subcontinente indio. As suyas poblacions son esflecadas y restrinchidas a menos de 20.000 km2. Amas, se considera que a extension y a calidat de l'habitat mas important d'iste rinoceront, a sabana aluvial Terai-Duar y os feners y os selvas riberanas, son en baxada a resultas de l'invasion humana y ganadera. En agosto de 2018 , s'estimaba que a poblacion mundial comprendeba 3.588 individuos, incluyius 2.939 en India y 649 en Nepal . ^[3] Nomas o Parque Nacional Kaziranga teneba una poblacion estimada de 2048 rinoceronts en 2009 . Lo Santuario de Vida Silvestre en Asam tien a mayor densidat de rinoceronts indios en o mundo con 84 individuos en un aria de 38,80 km2 en 2009.

Lo rinoceront indio bella vegada s'extendio per tot o trango d'a plana de l' Indo y lo Gangas , pero a caza excesiva y o desembolique agricola reducioron a suya aria de distribucion drasticament a 11 puestos en o norte d'a India y o sud de Nepal. En primerias d'o decenio de 1990, s'estimaba que yeran vivos entre 1.870 y 1.895 rinoceronts. ^[4] Dende alavez, as cifras han augmentau a resultas d'as midas de conservacion adoptadas per o gubierno. Manimenos, a caza furtiva sigue estando una menaza contina, ya que mas de 150 rinoceronts estioron asasinaus en Assam per cazataires furtivos entre 2000 y 2006. ^[5]

Cuasi lo 85 % d'a poblacion mundial de rinoceronts indios se concentra en Asam , an o Parque Nacional Kaziranga contiene o 70 % d'a poblacion de rinoceronts.

Referencias [ editar | modificar o codigo ]

Vinclos externos [ editar | modificar o codigo ]

• Se veigan as imachens de Commons sobre Rhinoceros unicornis .