Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Serenisma Republica de Venecia Serenisima Republica Veneta Serenisima Republega Veneta
← sieglo IX  ?  1797 → → → →
Republica de Venecia en 1796
Capital	Venecia
Idioma oficial	Veneciano y latin
Relichion	Catolica
Gubierno	Republica
Dogo  ? 1789?1797	Ludovico Manin

A Republica de Venecia estio una ciudat-estau d'o norte de Italia . Recibe o nombre de Serenissima Repubblica di San Marco . A republica de Venecia se convertio en una potencia maritina y economica en o Mediterranio central y oriental en o sieglo XII .

Historia [ editar | modificar o codigo ]

Orichens [ editar | modificar o codigo ]

A suya fundacion estio d'alto u baixo en l'anyo 421 , en o cual os habitants d'a rechion, debant l'amenaza d'as invasions longobardas y atras que heban destruito a capital, Aquileya , se refuchioron en as pauls d'a desembocadura d'o Po , en as islas d'a laguna de Venecia , (una laguna de tipo Albufera ); tot en una zona estratechica entre as peninsulas italica y d' Istria , dita mas tarde golfo de Venecia .

O estato veneciano amanixio lentament entre l' Imperio Bizantin y lo Sacro Imperio Romano Chermanico en os sieglos IX y X. En l'anyo 993 Costantinoble li concede privilechios comercials en unos tiempos que o comercio mediterranio yera dominato por Bizancio, (que controlaba os puertos italianos de Bari , Amalfi y Salerno ), u por os musulmans. A lo principio Venecia preba de fer-se con o control de l' Hadriana contra os musulmans u os normandos , y tamien da vida a rutas comercials con Europa a lo norte d'os Alpes, (comerciando con Breslau , Cracovia , Leipzig , Nuremberg , Franckfort , Lubeck , Campanya y Bruxas ).

Apocheu [ editar | modificar o codigo ]

A primera cruzata (1096-1099) permite que Venecia estableixca bellas bases en Levant. En 1122 Venecia ubre sucursals en Tir y Tripoli . En 1123 dimpues d'una batalla a man d' Ascalon Venecia y Chenova encomienzan a dominar o comercio mediterranio. Venecia s'enriqueix con o comercio d'a seda y de l' aceite , comercio que se fa con Costantinoble , Corinto y Tebas . En 1171 l'emperador Manuel I Comneno confisca os biens d'os mercaders venecianos de Costantinoble.

A cuatrena cruzata ye decisiva pa que os venecianos prengan o control d'a Mar Echea con a conquiesta de Creta . A lo mando de Bonifacio de Monferrat ( 1202 ), a cruzata no s'adreza a lo suyo obchectivo y s'esbarra ta Costantinoble , que ye saqueyata en ( 1204 ) y on posan a un emperador catolico ( Balduin de Flandres ). D'asti entadebant os venecianos controlan ames d'a una gran part comercio mediterranio, as islas Echeas , as islas chonicas , Creta , (que ye poblata con colonias militars), o Peloponeso y una part de Tracia . Venecia establix relacions con China , alavez mandata por a dinastia Yuan , por meyacion d'os chirmans Polo , que arriban en Pequin pasando por Asia Central . Venecia tien por rival a Chenova en a Mediterrania occidental, pero con tot y con ixo a moneda veneciana (o ducau , acunyau dende 1284 ) s'imposa como patron monetario en toz os puertos mercants d'a Mediterrania. En 1381 os se produce a guerra de Chioggia entre Venecia y Chenova .

A fins d'o sieglo XIV a republica veneciana mira d'examplar os suyo territorio en tierra firme ( Terraferma ) ocupando Treviso , Padua , (1404-1405), Vizenzia , Verona , Trentino (1416), Friul , Istria . En l'anyo 1420 a Republica de Venecia s'anexiono os Dominios de Terraferma , y en l'anyo 1445 l'anterior Patriarcato d'Aquileya fue adhibito a la Republica de Venecia con o nombre de Patria del Friuli . L'apocheu terrestre de Venecia ye marcato en l'inte d'a Paz de Lodi ( 1454 ).

Decadencia [ editar | modificar o codigo ]

A caita de Costantinoble y o creximiento de l' Imperio Otoman faran que Venecia vaiga perdendo a hechemonia d'a Mediterrania, con un estato fuerte musulman on treballan bien ames d'os comerciants griegos as minorias comercials armenia y sefardita . En 1489 os venecianos s'anexionan Chipre . Encara en 1571 os venecianos luitan chunto a os espanyols en a Batalla de Lepanto , pero en l'anyo 1669 os venecianos se veyen obligatos a ceder Creta a los otomans, dimpues d'una invasion en a que os griegos de posan de parte d'os turcos.

A fin d'a republica de Venecia ye o tractau de Campo Formio ( 1797 ) cuan o territorio de Venecia fue repartito entre Francia y Austria . Dalmacia , Istria y a propia Venecia con o Veneto pasoron a depender d' Austria y Francia se quedo con Bergamo , Brescia (que fuoron adhibitas a la Republica Italiana ) y a isla de Corfu .