Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Iste articlo ye sobre a forma literatia dita poesia . Ta atros usos se veiga poesia .

A poesia (d'o griego πο?ησι? 'creacion'; ποι?ω 'creyar) ye, en literatura, l'arte d'exprisar o contenito espritual propio, a travies de parolas disposatas seguntes una metrica . A poesia popular ye a poesia creyata por un pueblo ta exprisar a suya identidat, con unas vivencias elementals, y permanents, en as que se reconoixe como tal pueblo.

Tamien se diz poesia a una obra en verso . I podemos distingir as obras escritas en verso; y o conchunto d'obras poeticas d'un poeta, u de diferents poetas, producidas en una epoca, una luenga determinata, un chenero, ecetra.

Tradicionalment, se distinguen tres cheneros poeticos: o epico, o lirico y o dramatico.

Sin d'especificar a tematica, a poesia moderna se define por a suya capacidat de sintesi y d'asociacion. A suya prencipal ferramienta ye a metafora , ye decir, a expresion que contiene implicita una contimparacion entre termins que naturalment se suchieren uns a un atros, u entre os que o poeta troba sutils afinidaz. Bels autors modernos han esferenciato metaforas d'imachens, parolas que a retorica tradicional emparenta. Ta istos autors, a imachen ye a construccion d'una nueva realidat semantica a travies de significatos que en conchunto suchieren un sentito univoco y allora diferent y estranyo.

O Dia Internacional d'a Poesia ye o 21 de marzo .

Poesia en aragones [ editar | modificar o codigo ]

Bi ha diferents escritors que han feito poesia en aragones , entre os que se pueden destacar por eixemplo Ana Abarca de Bolea , Anchel Conte , Cleto Torrodellas Chuse Inazio Nabarro u Quino Villa . Un d'os premios de poesia mas destacatos en aragones ye o "Premio de Poesia Ana Abarca de Bolea" .

Un chicot eixemplo d'una conoixita poesia en aragones, " Mai " d'Anchel Conte:

Bibliografia [ editar | modificar o codigo ]

• Cohen, Jean. Estructura del Lenguaje Poetico . Editorial Gredos, Madrit, 1984. ISBN 84-249-0395-X .
• Paz, Octavio . El arco y la lira .
• Gentili, Bruno. Poesia y publico en la Grecia antigua . Quaderns Crema, Barcelona, 1996. ISBN 84-7769-070-7 .

Vinclos externos [ editar | modificar o codigo ]

• Se veigan as imachens de Commons sobre a poesia .