Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Luis del Val Velilla
Deputau en as Corz Chenerals
15 de chunio de 1977  –  2 de chinero de 1979
Naiximiento	28 de chunio de 1944 Zaragoza ( Zaragoza , Aragon )
Partiu	UCD
Profesion	Periodista y escritor
Alma Mater	Universidat de Zaragoza

Luis del Val Velilla ( Zaragoza , 28 de chunio de 1944 ) ye un politico , periodista y escritor aragones .

Biografia [ editar | modificar o codigo ]

Curso estudios de Machisterio en a Escuela Normal de Zaragoza. En 1975 prencipio as suyas actividaz politicas chunto a Francisco Fernandez Ordonez y a Federacion de Partidos Socialdemocratas que iste presidiba, y en 1976 fundo en Zaragoza o Partido Social Democrata Aragones .

Deputato de UCD por a circunscripcion de Zaragoza en a lechislatura constituyent ( 1977 - 1979 ) en o Congreso d'os Deputatos , ocupo en o Ministerio de Treballo o cargo de director cheneral de cooperativas y empresas comunitarias (1977- 1980 ) y en 1983 , zaga d'a disolucion de UCD, se retiro d'a politica.

Dende allora, ha venito treballando en a-saber-los medios de comunicacion . Estio director de Radiocadena Espanola (1980- 1982 ) y ha colaborato con a Cadena SER , Interviu , Diario 16 y Tiempo .

Ye autor de una ucena de libros de narrativa y ensayo, d'entre os que cabe estacar as novelas Los ejecutivos tambien suenan (1986), Buenos dias, senor ministro (1988, premio Cafe Gijon ), Los juguetes perdidos (1996), Las amigas imperfectas (2003, premio de novela Ateneo de Sevilla ) y Volveremos a Venecia (2005); o libro de relatos Cuentos del mediodia (1999), Los caballos cojos no trotan , una obra de teatro en forma de monologo, y os ensayos Prietas las filas (1999), acerca del Frente de Juventudes , y Con la maleta al hombro (2000), prexinanza sobre a emigracion en Espanya.

A suya labor periodistica ha sito destinguita con muitos galardons, entre os que se contan o "Microfono de Oro" d'a Asociacion de Profesionales de Radio y Television (1999), por os suyos Perfiles sonoros emitidos en a Cadena SER, y dos premios Ondas , uno concedito en 1990 por o suyo programa Se que estas ahi , que dirichio y presento en a Cadena COPE , y atro en 2002 por "La foto del dia", seccion incluita en o programa Hoy por hoy d'a Cadena SER.

Dende 2004 , o Concello de Sallent de Galligo convoca en homenache suyo o Premio de Relatos Luis del Val , de relatos curtos (para leyer en tres menutos), con periodicidat anyal.