Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

En anatomia humana , o huembro (d'o latin < HUMERU ) u musclo ye formato por tres articulacions :

• a clavilla .
• a escapula .
• l' humero (o ueso d'o brazo ).

Dos d'istas articulacions posibilitan o movimiento d'o huembro. L'articulacion acromiclavicular , ye situata entre l' acromio (parti d'a escapula que forma o punto mas alto d'o huembro) y a clavilla. L'articulacio glenohumeral, por un regular dita "articulacion d'o huembro" tien forma de "cabeza" y "casquet" ta permitir a o huembro a rotacion y o movimento en totas direccions deseparando-la d'o cuerpo (Ista "cabeza" ye a parti superior redondiata de l'humero; o "casquet" o glenoide , ye a parti en forma de disco d'a zona externa d'a escapula en a cual encaixa a cabeza). O movimiento d'o brazo ye amas facilitato por a capacitat d'a escapula ta eslizar-se tanto verticalment como lateral a o largo d'a caixa toracica . A capsula ye un envolicata de teixito tovo que rodia l'articulacion glenohumeral y ye revestita por una fina membrana sinovial .

Istos uesos se mantienen en o suyo puesto debito a la intervencion de musclos , tendons y ligamentos . Os tendons son fuertes cordons de teixito que unen os musclos d'o huembro a o ueso y aduyan en a suya movilidat. Os ligamentos unen un ueso con un altro, proporcionando estabilidat.

O manguet rotador ye una estructura de tendons que, asociata a os musclos, mantiene a cabeza de l'humero aintro d'o disco glenoidal, proporcionando movilidat y fuerza a l'articulacion.

Dos estructuras transparents en forma de saco ditas bolsas permiten o eslizamiento suau de uesos, musclos y tendons, a la vegada que esmortecen y protechen o manguet rotador de l'arco osio de l'acromio.