- Iste articlo tracta sobre a hierba como forma d'as plantas herbacias. Ta o material feito de hierbas que s'emplega como alimento animal, se veiga
Feno
.
Conyza canadensis
, una hierba.
Una
hierba
(pronunciau /'jerba/, como "yerba"; d'o
latin
<
HERBA
) u
planta herbacia
ye cualsiquier
planta
pertenecient a una
especie
no
lenyosa
, con una altaria comprendida d'entre bels centimetros y no mas d'1,5
metros
aproximadament. Cuan una planta presenta ixas caracteristicas, se diz que tiene
port herbacio
.
A mayor parte de a
biodiversidat
de
plantas superiors
que i ha en o
planeta Tierra
son especies no lenyosas que pueden decir-se hierbas. En bels climas y
ecosistemas
terrestres representan un porcentache elevadismo d'as plantas presents, por o que a suya importancia ye cabal.
Anque no ye una condicion decisiva ta considerar que una planta ye hierba, muitas d'as especies que popularment se conoix asinas son
anyals
u
bianyals
y cumplen o suyo ciclo biolochico en una anyada. A soben creixen vivament en os meses d'
oraches
favorables, pero se les ixecan as partes aerias en a
estacion
mas cruda, no quedando sique as estructuras soterranias de resistencia (
radices
,
bulbos
u
tuberclos
) que les permiten tornar a brostar cuan as condicions tornan a estar favorables.
Bellas especies, con un ciclo estrictament anyal, creixen, fan a
florada
,
fructifican
y mueren en semanas u meses, adintro d'una mesma anyada. En istos casos, os percullos que amaneixen a la siguient estacion de creiximiento son os nuevos
piez
, naixius de
simients
, que pertenecen a la siguient cheneracion.
