Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Iste articlo tracta sobre a fraga , una fruita. Ta atros usos de fraga se veiga Fraga (desambigacion) .

A fraga ^[1] (de o latin < FRAGA ^[2] , con igual significau) ye a fruita caracteristica d'o chenero Fragaria , as fragueras , especialment cuan se quita de plantas domesticas, por contraposicion con o martuel u martuello , que ye o nombre que se le da a la fraga obtenida de matas silvestres ^[3] . En a val d'Anso , a la fraga se le da o nombre peculiar de magoria ^[4] , un basquismo lexico d'uso local.

As fragas no son verdaders fruitos individuals, sino que son un falso fruito de tipo poliaquenio conoixiu en Botanica como eterio . Os fruitos individuals de a fraguera son os grans que i ha apegaus en a superficie exterior de a fraga, mientres que a polpa ye un teixiu extrafloral, o receptaclo , que sustenta a flor de a planta y dimpues creix y madura, tornando-se enzucrau y de a caracteristica color roya que tiene a fraga madura.

Se veiga tamien [ editar | modificar o codigo ]

• Martuello
• Falso fruito
  • Poliaquenio
    • Eterio

Referencias [ editar | modificar o codigo ]

Vinclos externos [ editar | modificar o codigo ]

• Se veigan as imachens de Commons sobre fragas y martuellos .