Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Gato
Gato
Estato de conservacion
Domestico.
Clasificacion scientifica
Dominio : Eukaryota Reino : Animalia Subreino : Metazoa Filo : Chordata Clase : Mammalia Orden : Carnivora Familia : Felidae Chenero : Felis Especie : F. silvestris Subespecie : F. s. catus o F. s. domesticus
Nomenclatura trinomial
Felis silvestris catus Schreber , 1775
Nomenclatura binominal
Felis domesticus

O gato ( Felis catus ( L. , 1758 ) ) ye un mamifero domestico d'a familia d'os Felidae ( felins ), carnivoro , con unglas retractils, de pelache preto y suau. Ye estau domesticau dende fa bellas 7.000 anyadas. As crietas d'o gatos se dicen gatolins .

Etimolochia [ editar | modificar o codigo ]

Gato ye a evolucion d'o latin cattum d'alcuerdo con a fonetica aragonesa . En aragones bi ha una traza de dirichir-se u clamar a l'animal que ye mixin(o) - mixin(o) , que conserva o castellano d'Aragon , y tamien se puet fer servir pa referir-se a un gato prou conoixito u familiar.

Caracteristicas [ editar | modificar o codigo ]

O gato domestico ( Felis silvestris catus ) pesa entre 3 y 8 kg de peso. Viven bellas 15 anadas si son bien cudiaus. O gato mas lonchevo cuaternau vivio 34 anyadas. As fembras son prenyadas 55 dias y libran entre 2 y 6 gatolins , que les da de tetar entre 3 y 4 semanas.

Os gatos tienen una gran variedat de pelaches y colors, anque se gosa distinguir entre os de pelos largos y pelos curtos. Mesmo bi'n ha de razas que no en tienen de pelos.

A coda sirve ta mantener o equilibrio, puede variar muito en a suya longaria . En os gatos de raza manch , a coda ye inexistent.

Os suyos dients y unglas son adaptaus a lo suyo estilo de vida carnivoro.

O gato ye ta muitos un animal de companyia . Ye mas independient que o can pero tamien puede estar mui afectivo si le se educa y le se tracta bien.

Os gatos domesticos gosan minchar minchars paraus. Anque tamien cazan zorces y muixons como complemento a la suya dieta . Lis cuacan os corazons d'animals, o pescau , o figado y atras carnes . Cal que les ne manque d' augua fresca. A leit lis cuaca muito, pero muita leit puede prevocar-les espenyo .

Por istinto, ye un animal cazador. Os gatos de rafal , viven de traza semisalvache y cazan zorces y ratas que d'atra traza se mincharian o grano. Muitos gatos matan zorces y muixons chicoz por instinto , pero no se los minchan.

O gato salvache [ editar | modificar o codigo ]

O gato salvache ( Felis silvestris ) ye parellano a lo gato domestico , pero ye mas gran, mas cerenyo y tienen a coda mas curta y cerruda. Vive en Europa , Africa y Asia occidental .

En bellos lugars de Sobrarbe , tamien ye dito Gato Cerval que no bi ha de confundir-se con o Cerval iberico ( Lynx pardinus ).

Ditos y mazadas [ editar | modificar o codigo ]

• ≪de padre gato, fillos misins≫
• ≪gato escaldato de l'augua fria escapa≫ ^[1]
• ≪gato con guante, no caza≫ ^[2]

Bibliografia [ editar | modificar o codigo ]

• ( en ) Becker, M.; Spadafori, G.. Why Do Cats Always Land on Their Feet?: 101 of the Most Perplexing Questions Answered About Feline Unfathomables, Medical Mysteries and Befuddling Behaviors . HCI, 2007. ISBN 978-0-7573-0573-3 .
• ( en ) Hotchner, T.. The Cat Bible: Everything Your Cat Expects You to Know . Gotham, 2006. ISBN 978-1-59240-325-7 .
• ( fr ) Vitoux, F.; Bouldouyre, A.. Dictionnaire amoureux des Chats . Plon/Fayard, 2008. ISBN 978-2-259-20686-0 .
• ( es ) Alderton, D.. Cuidados del gato. Barcelona: CEAC, 1989.
• ( es ) Menasse, V.. El gato europeo y el gato comun . Barcelona: De Vecchi, 1996.
• ( es ) Wright, M.; Walters, S.. El gato: evolucion, conocimiento, crianza, mantenimiento. Barcelona: Blume, 1982.
• ( es ) Enciclopedia del gato . Aniwa Publishing. Paris, 2002.

Vinclos externos [ editar | modificar o codigo ]

• Se veigan as imachens de Commons sobre Felis silvestris catus .
• ( en ) Imachens d'o cerebro d'un gato.
• ( en ) Os uesos d'os gatos.
• ( en ) Claseficacion taxonomica d'os gatos.

1. ↑ ( an ) Chuse Anton Santamaria Loriente : Chiqueta comparanza de paremias occitanas, francesas e aragonesas , Fuellas 228-229, Consello d'a Fabla Aragonesa , 2015 , ISSN 1132-8453, pp. 17-19.
2. ↑ ( an ) Fernando Sanchez Pitarch , Guillermo Tomas Faci : Replega de tradizion oral aguerana , Luenga & Fablas 10, Consello d'a Fabla Aragonesa , 2006 , ISSN 1137-8328, pp. 33-61.