Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

A enerchia nucleyar ye l'aproveitamiento d'a capacidat que tienen os isotopos de bels elementos quimicos ta experimentar reaccions nucleyars y emitir enerchia en a transformacion. Una reaccion nucleyar consiste en a modificacion d'a composicion d'o nuclio atomico d'un elemento, que podria mutar y pasar a estar atro elemento como consecuencia d'iste proceso.

Bi ha dos formas d'aproveitar a enerchia nucleyar, convertido-la en calor : a fision nucleyar , en a que un nuclio atomico se subdibide en dos u mas grupos de particlas y a fusion nucleyar , en a que a o menos dos nuclios atomicos s'unen ta formar atro diferent.

Enerchia nucleyar en Aragon [ editar | modificar o codigo ]

En Aragon no bi ha centrals nucleyar actualment, manimenos habio un prochecto en l'anyo 1976 ta construyir una central nucleyar en o mesmo puesto d'a central termica d' Escatron . ^[1] En un referendum que se facio en o lugar en 1977 , un 93,92% ^[2] d'os vecins d'Escatron refirmaban a instalacion d'a central nucleyar. A la fin a central no se construyo debito a la "moratoria nucleyar" .

Si que existen centrals nucleyars en activo en as provincias mugants con Aragon:

• Asco I . Situata en Azcon ( Tarragona ). Inagurata en 1982 . Tipo PWR. Potencia 1.032,5 MWe
• Asco II . Situada en Azcon ( Tarragona ). Inagurata en 1985 . Tipo PWR. Potencia 1.027,2 MWe
• Cofrentes . Situata en Cofrentes ( Valencia ). Inagurata en 1984 . Tipo BWR. Potencia 1.097 MWe
• Vandellos II . Situata en Vandellos ( Vandellos i l'Hospitalet de l'Infant , Tarragona ). Inagurata en 1987. Tipo PWR. Potencia 1.087,1 MWe
• Trillo . Situada en Trillo ( Guadalachara ). Inagurata en 1987 . Tipo PWR. Potencia 1.066 MWe

Referencias [ editar | modificar o codigo ]