Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Cruzada de Balbastro
Reconquiesta
Informacion cheneral
Calendata : 1064
Puesto : Balbastro
Resultau : Victoria inicial cristiana, refusaus dimpues por os musulmans.
En conflicto
Aragon Urchel Aquitania Estaus Pontificios	Taifa de Saraqusta
Comandants
Arnau Mir de Tost , Guillen d'Aquitania , Guillen de Montreuil	Al-Muqtadir

A Cruzada de Balbastro (tamien conoixida como Guerra de Balbastro u Setio de Balbastro ) estio una expedicion militar empentada por o papa Aleixandre II pa prener a os moros a ciudat de Balbastro . Bi participo un important exercito , composau por combatients que veniban de toda a cristiandat occidental. O setio d'a ciudat estio en 1063 . Por o caracter internacional de l'exercito y por o refirme papal estio un preludio d'as Cruzadas en Tierra Santa .

Expedicion [ editar | modificar o codigo ]

O papa Aleixandre II estio o primero en pedricar a Reconquiesta en 1064 , presentando-la como una urchencia d'a cristiandat. Tamien fue pedricada en Borgonya , facil que con o refirme de l'abate Hugo de Clunyego , chermano de Tomas de Chalon qui mando un destacamento. A voluntat de participar en a cruzada s'estendillo mes luent de Francia seguntes o monche Aime du Mont-Cassin, qui sinyala que "grant chevalerie de Francoiz et de Borguegnons et d'autre gent" yeran presents en o setio. De feito, un important exercito composau prencipalment por franceses y burgunyons , un continchent pontifical (con normandos d'Italia sobre tot) y un exercito de combatients catalans y aragoneses yeran presents en 1063 cuan encomenzo o setio.

A capeza d'o continchent papal estio o normando Guillen de Montreuil , a d'os aragoneses Sancho Remiriz d'Aragon, reino muito amenazau por os moros. O continchent mes grant yera o d'os occitans d'Aquitania condueito por Guillen VIII (u Guy-Geoffroi ). S'entitulo Christian generalissimo , implicando a direccion d'a expedicion en conchunto. Encara que a composicion de l'exercito ye encara un tema controvertiu, ye acceptau por un regular que a mayor parte yeran d'orichen norpirenenco.

O duque d'Aquitania conducio o suyo exercito a travies d'os Pireneus pasando por Somport . Este exercito s'adhibio a l'exercito catalan en Chirona a prencipios de l'anyo 1064 . L'exercito completo prenio Graus , que resistio dos asaltos, y dimpues en marzo s'adrezo enta Balbastro , que alavez feba parte d'a Taifa de Leida , dirichida por al-Muzaffar .

A ciudat de Balbastro, que no podeba recibir aduya dende Leida , fue asetiada, y con l'aprovisionamento d'augua tallau, fue rapidament presa. Os cruzaus saqueyoron brutalment a ciudat y facioron mortaleras con os musulmans, (se diz que i murioron 50.000).

Consecuencias [ editar | modificar o codigo ]

O botin d'os cruzaus fue considerable: as cronicas mencionan a captura de muitas mullers musulmanas y tamien de muitos trasoros. A direccion d'a ciudat fue cedida a Ermengol III d'Urchel .

Os musulmans practicoron a tecnica de tierra cremada pa evitar l'abance d'os cristianos. As tropas cargadas de botin y lo duque Guy-Geofrroy , que yeran deseyosos de tornar a las suyas tierras troboron una desincusa pa fer meya vuelta.

En 1065 , os moros contratacoron y reprenioron a villa, fendo una mortalera con a guarnicion y desfendo o treballo d'os cruzaus.

Tibalt , qui yera a lo mando d'os burgunyons morio, facil que como consecuencia d'as feridas sufridas mientres fuyiba dimpues que os moros reprenesen Balbastro.

Desacherata intencionalment por a Orden de Clunyego , a presa de Balbastro tenio un grant impacto en a cristiandat. Enantes d'esta batalla os caballers que luitaban contra os moros en Espanya lo feban a titol individual y yeran en a subcheccion d'un rei u prencipe local. A Guerra de Balbastro estio a primera vegada que un exercito traveso os Pireneus pa luitar contra os musulmans y estio un preludio d'as cruzadas.