Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

O comportamiento u conducta ye una accion u reaccion d'un subchecto debant d'o suyo entorno, o conchunto d'actividaz que fa un animal ta relacionar-se con o medio ambient . Muitos d'os comportamientos son comuns a la mayoria d'individuos d'una especie .

Tradicionalment s'ha dito que os animals son os sers que tienen comportamiento, encara que bels vechetals fan movimientos que pueden estar caracterizatos como "comportamiento". Por extension, o termin puet aplicar-se a toz os sers vivos .

Un comportamiento puet estar voluntario u no, innato u adquirito por medio d'a socializacion . Prencipia con a presencia d' estimulos como por eixemplo cambeos a lo suyo arredol, variacions en o medio interno u l'actitut d'os atros sers vivos. Pende de l'accion d'o sistema niervoso y d'o sistema endocrino y cuanto mas complexos son istos, mas variedat de comportamientos presenta a especie en cuestion. As disciplinas cientificas que estudian a conducta son a Etolochia ta os sers vivos en cheneral y, en o caso d'os humans, a Psicolochia .

Tipos de comportamiento [ editar | modificar o codigo ]

• Innatos: Son os que se tienen dende o naiximiento y no s'han d'aprender.
• Adquiestos: Son os que reproducen un aprendizache. S'han de practicar dica que un estimulo desencadene siempre a mesma respuesta.

O comportamiento human se puet veyer condicionato por a chenetica (os instintos sobretot), a educacion recibita, a moral u a situacion a on que actua. O ser human chuzga siempre tot comportamiento dende d'un punto d'anvista etico , a diferencia d'atros animals, y por ixo considera as conductas como aceptables u no seguntes as normas d'a suya cultura.