- Iste articlo ye sobre una cinta de cine estausunidense de l'anyo 1963; ta atros usos, se veiga
Charade
.
Os actors
Cary Grant
y
Audrey Hepburn
en una escena d'a cinta.
As actrices
Dominique Minot
y
Audrey Hepburn
en una escena d'a cinta.
L'actor
James Coburn
en una escena d'a cinta.
Os actors
Cary Grant
y
Audrey Hepburn
en una escena d'a cinta.
Charade
(titol orichinal en
angles
,
Charada
en
aragones
, enguerau con iste zaguer titol en
Aragon
traduciu enta lo
castellano
) ye una
cinta
de
cine estausunidense
de
cine de comedia
romance
y
intriga
de l'anyo
1963
dirichida y producida por
Stanley Donen
ta la suya productora
Stanley Donen Productions
seguntes un
guion adaptau
de
Peter Stone
basau en
The Unsuspecting Wife
, un relato curto d'o mesmo Peter Stone y de
Marc Behm
de l'anyo
1961
. Con una
Banda Sonora Orichinal
de
Henry Mancini
(incluyiendo-ie la
cancion
Charade
, nominada a l'
Oscar a la Millor Cancion Orichinal
) y una
direccion de fotografia
de
Charles Lang
, en l'
elenco
d'a cinta bi amanixen destacaus actors como
Cary Grant
,
Audrey Hepburn
,
Walter Matthau
,
James Coburn
,
George Kennedy
,
Ned Glass
,
Jacques Marin
,
Paul Bonifas
y
Dominique Minot
.
Mientres as suyas vacacions en
Megeve
, en os
Alpes franceses
, Regina "Reggie" Lampert, una ciudadana
estausunidense
que treballa como
interprete
, li diz a la suya amiga Sylvie que piensa
esvurciar-se
d'o suyo esposo Charles. En ixe inte conoix a Peter Joshua, un atro estausunidense que li parixe escansador.
En rematar as vacanzas y tornar en Paris, Regina troba lo suyo
apartamento
vuedo. Un
inspector de policia
li explica que lo suyo mariu ha vendiu todas las suyas propiedaz y dimpues l'
asasinoron
cuan marchaba de Paria, y tamien han despareixiu los suyos
diners
. Nomas li tornan que la chicota bolsa de viache d'o suyo mariu a on nomas bi ha que una
carta
dirichida a ella, un billet de
barco
enta
Venezuela
, cuatre
pasaportes
con a
fotografia
d'o difunto pero cadagu d'els expediu con un nombre diferent, y bellatros articlos personals. En o
funeral
nomas aparixen tres personas, todas tres sospeitosas, y una d'istas personas mesmo plega a clavar una
agulla de cabeza
en o cuerpo d'o difunto ta comprobar que si que ye muerto.
Bien luego citan a Regine en l'
embaixada
d'
Estaus Unius
, a on se troba con Hamilton Bartholomew, qui li diz que ye l'administrador d'a
CIA
en la ciudat y li explica que los tres hombres que heban acudiu a lo funeral d'o suyo mariu yeran Herman Scobie, Leopold W. Gideon y Tex Panthollow y que toz tres, amas d'o suyo difunto mariu Charles y de Carson Dyle yeran cinco miembros de l'
OSS
mientres a
Segunda Guerra Mundial
y que heban recibiu la mision d'infiltrar-se en o territorio ocupau por os
alemans
ta entregar a la
Resistencia francesa
una important cantidat de
diners
, 250.000
dolars
. Tanimientres, en cuentas de cumplir la suya mision os cinco hombres decidioron quedar-se con ixe dinero. Carson morio en una
emboscada
d'una patrulla alemana y Charles traiciono a los suyos companyers y se quedo todos los diners ta el. Dende alavez, os tres supervivients buscan recuperar os diners, mesmo que lo Gubierno estausunidense. Hamilton Bartholomew li diz a Regine que el creye que Regina tiene ixos diners u que a lo menos en sabe a on se troban, conscient u inconscientment, y que en consecuencia mesmo la suya vida se troba en periglo.
En marchar de l'embaixada, Regina troba una atra vegada a Peter Joshua, qui l'aduya a instalar-se en un
hotel
. Pero los tres hombres la troban y la visitan por separau, estando cadagun d'el convenciu de que Regina se troba en posesion d'os diners. Herman Scobie mesmo li diz que en realidat Peter ye aliau con els; cuan Regina li pregunta a Peter, iste li confiesa que el en realidat ye lo
chirman
de Carson Dyle, Alexander, y que lo suyo obchectivo ye de trobar a los culpables d'a muerte d'o suyo chirman y fer-los compareixer debant d'a Chusticia ta que en reciban lo suyo castigo. Bien luego, mientres roz buscan os diners, Herman y Leopold son asasinaus. alavez, Hamilton li diz a Regina que Carson no en teneba pas, de chirmans. Regina s'encara con Peter y iste li diz que en realidat ye Adam Canfield, un
ladron
profesional. Encara que sorprendida, Regina encara li fa confianza.
Reggie y Adam marchan enta lo zaguer puesto a on se conoix que Charles yera present mientres que yera vivo, un
mercau
d'
estampetas
a l'aire libre. En veyer a Tex, Adam lo sigue, y bien luego toz dos paran cuenta de que Charles gasto los diners en mercar estampetas valuosas y que ixas istampetas se trobaban en o sobre d'a carta que Charles ninviaba a la suya muller. Toz dos tornan ascape en l'hotel nomas ta trobar que lo sobre ha desapareixiu. Antiparte, por a suya cuenta Regine tamien descubre lo valor d'as estampetas d'o sobre, pero s'escayece que los li heba regalau a lo
nino
d'a suya amiga Sylvie y que iste los ha vendiu en ixe mesmo mercau a un
filatelico
. Cuan troban a lo filatelico, iste lis diz que yera asperando que plegasen, que sabeba que se tractaba d'una error, y lis torna las valuosas estampetas, amas de decir-les que las tres estampetas valen 250.000 dolars, que chustament ye la cantidat de diners desapareixida.
Cuan Reggie torna con as estampetas en lo suyo hotel troba en la suya
cambra
lo cuerpo de Tex, asasinau. En os suyos zaguers momentos de vida, Tex ha escrito un nombre, "Dyle". Regina creye alavez que Adam ye qui l'ha asasinau y truca por
telefon
a Hamilton, qui la cita en o
Palais-Royal
. Cuan marcha enta la suya cita, Adam la veye y la segundia. Bien luego Reggie se troba encaixada entre Hamilton y Adam. Adam li explica que Hamilton ye en realidat o propio Carson Dyle, qui heba sobreviviu a las suyas feridas luego d'o combate con a patrulla alemana y que dende alavez yera obsesionau con a venganza y con a recuperacion d'os diners. Reggie preba de fuyir pero Carson Dyle la persigue, y Adam finalment logra salvar-la.
Cuan a lo dia siguient Reggie y Adam plegan en l'embaixada estausunidense ta tornar-lis las estampetas, Adam no i dentra. Cuan Reggie dentra descubrira qui ye en realidat Adam, que ye Brian Cruikshank, achent d'o Departamento d'o Trasoro d'o Gubierno. Bien luego, Brian li proposa matrimonio a Regina.
O rodache d'a cinta de facio en os
Studios de Boulogne
en a
comuna
de
Boulogne-Billancourt
(
Francia
), con rodache d'exteriors en a ciudat de
Paris
.