Briston

	Briston ; Bristol
	Localidat y condau d' Reino Uniu
	; A seu de Briston , d'estilo normando , romanico y gotico .
Estau ; • Pais constituyent ; • Rechion ; • Condau	Reino Uniu ; Anglaterra ; Surueste d'Anglaterra ; Briston
Superficie	110,00 km²
Poblacion ; • Total ; • Densidat	; 535907 hab. ( 2011 ) ; 3.785,47 hab/ km²
Altaria ; • Meyana	; 11 m.
Codigo postal	BS 0117
Rios	Avon y Severn
Coordenadas	51°27’13’’N 2°35’51’’U
	Briston Briston en Reino Uniu
	Web oficial

Briston ^[1] ( Bristol /?br?st?l/ en angles y oficialment) ye una ciudat portuaria d' Anglaterra , capital d'a rechion d'o Surueste d'Anglaterra y d'o condau de Briston. Dende la suya creyacion, a ciudat ye intimament unida a lo suyo puerto , a razon por a cual se convertio historicament en a segunda ciudat d'o reino d'Anglaterra por a suya poblacion (encara que en os anyos 1780 la superoron Liverpool , Manchester y Birmingham como consecuencia d'o creiximiento d'istas ciudaz por a revolucion industrial ).

A suya poblacion ye de 416.400 habitants (estimacion de 2007 ) en una superficie de 110,00 km² , con una densidat de poblacion de 3.785,47 hab/km².

Cheografia [ editar | modificar o codigo ]

Briston ye situau a lo canto d'o rio Avon , d'o estuario d'o rio Severn (o estuario d'o Severn ) y d'a canal de Briston , que ye parte d'a mar Celta y de l' oceano Atlantico . A suya altaria ye d'11 metros sobre lo livel d'a mar .

Etimolochia [ editar | modificar o codigo ]

En angles antigo, a ciudat se clamaba Brycgstow , ye decir, a ciudat d'o puent .

Historia [ editar | modificar o codigo ]

Dimpues d'a conquiesta normanda d'Anglaterra en 1066 , en Briston se construyo uno d'os mas importants castiellos construyius por o nuevo rei, Guillen O Conqueridor , ta controlar o pais, en a desembocadura d'o rio Avon . A lo canto d'o suyo puerto creixio la ciudat, que dende o sieglo XII estio una pieza important en o comercio maritimo d'o reino con Irlanda en trescruzando la mar d'Irlanda . En 1247 se construyo un nuevo puent y la ciudat encara creixio mas a escape, dica convertir-se en o sieglo XIV en a tercera ciudat d'Anglaterra, dezaga de Londres y York . Sindembargo, a ciudat perdio muitos d'os suyos habitants en a epidemia de peste negra en 1348 - 1349 . En a Edat Meya yera famosa por a suya industria textil , con os clamaus en aragones panyos de Briston . ^[1]

En 1542 , a ciudat de Briston plego en a categoria de ciudat, y l'antiga abadia de Sant Agostin, adedicada a Sant Agostin d'Hipona , se convertio en a seu de Briston . D'antis mas, en 1497 , de Briston heba partiu ta lo suyo viache enta America John Cabot . Dende o sieglo XVI , a burguesia d'a ciudat teneba muitos beneficios economicos d'a suya financiacion d'os piratas angleses que atacaban o trafico mercantil espanyol con as suyas colonias americanas. Dimpues, Briston se convertio, con Liverpool , en uno d'os prencipals centros d'o comercio angles d' esclavos subsahararians destinaus a las plantacions d'as colonias anglesas d'America (actualment, os Estaus Unius ). Asinas, dende 1700 dica 1807 , mas de 2.000 barcos negreros partioron dende Briston ta carregar esclavos en Africa, portando mas de 500.000 esclavos dica America, en un trafico mercantil triangular: portaban produitos manufacturaus, incluyindo-ie la produccion textil de Briston, dende o puerto de Briston dica Africa, y pagaban con istos productos os esclavos que i mercaban, ta dimpues portar-los y vender-los en America a los propietarios d'as plantacions de zucre a cambio d'iste zaguer producto, que portaban a Briston ta la suya venda en Anglaterra .