Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Bascos Euskaldunak
Rechions con comunidaz importants
Pais Basco 1.603.044 Navarra 473.380 Labort 225.000 Ultrapuertos 40.000 Sola 20.000 Aragon 8.753 [1]
Idiomas
Basco , castellano y frances
Relichion
Catolica romana
Pueblos relacionaus
Castellanos , gascons , aragoneses
Mapa
Porcentache de bascos en Euskal Herria .

Os bascos ^[2] (en basco euskaldunak ) son un grupo etnico que habita en a part occidental d'os Pireneus , semontanos y tierras planas d'arredol: Pais Basco , Navarra , Labort , Ultrapuertos y Sola . Charran una luenga aislata y propia, l' idioma basco y son tradicionalment catolicos. Ye posible que tiengan relacion con os antigos bascons d'o norte d'a val d'Ebro , pero si que tienen una relacion segura con os antigos aquitanos .

Etnonimo [ editar | modificar o codigo ]

Os etnonimos con os que se clama a los bascos en bel idioma:

• Euskaldunak (en basco , que ye denominacion tradicional ta denominar-sen, encara que hue se fa servir mas que mas ta os fablants d'o basco), euskal herritarrak (denominacion t'os habitants d'o Pais Basco, charren u no o basco), en menor mida euskotarrak .
• Basque people (en angles ).
• vascos ( castellano , asturiano y gallego ).
• basques (en frances ).
• bascs (en catalan ).
• Basken (en aleman ).
• basgiaid (en gales ).
• bhascach (en irlandes ).
• basgach (en gaelico escoces ).
• bascos (en aragones , en portugues ).
• baskere (en noruego ).
• baschi (en italiano ).

Luenga [ editar | modificar o codigo ]

A luenga basca ye un d'os elementos fundamentals en a definicion d'a identidat basca. Manimenos bi ha bascos que no charran basco y tienen como luenga materna o frances u o castellano.

Relichion [ editar | modificar o codigo ]

Os bascos actuals son mayoritariament catolicos. O catolicismo ha tenito influencia en o desembolique de bel sector d'o nacionalismo basco . Os chesuitas educaban a las clases dirichents bascas en part d'o suyo territorio, encara que en Pamplona fuoron substituyius n'este paper por l' Opus Dei cuan en a dictadura franquista esta secta catolica prenio importancia.

En l'alta Edat Meya bi heba politeistas bascos conoixitos como jentillak , ("chentils", "pagans"), y que han deixato recuerdo en a mitolochia basca (que fa part d'a mitolochia pirenenca ), on bi ha tamien personaches mitolochicos como as lainas en as que creyeban os zaguers politeistas bascos. O politeismo basco presentaban sincretismo con a relichion romana , y por eixemplo as lainas tienen una denominacion que se remonta a las lamias d'a mitolochia griega transmesa por os romanos .

En a baixa Edat Meya en as tierras bascas bi habio focos de bruixeria , que como en atras zonas d'Europa representaban movimientos "contraculturals" contra l'orden que representaba a Ilesia Catolica u a sociedat patriarcal. Estio celebre o proceso inquisitorial contra a bruixeria de Zugarramurdi .

Referencias [ editar | modificar o codigo ]