Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

L' arroba , @ , ye o simbolo que s'emplegaba ta representar a unidat de masa dita arroba . En l'actualidat, conoixita por arroba u arredol , s'emplega en informatica ta indicar ≪en≫ ( at en angles ) en as adrezas de correu electronico y atros servicios en linia que fan servir o formato usuario@servidor .

Orichen [ editar | modificar o codigo ]

O suyo orichen se troba en una ligadura , primero caligrafica y dimpues tipografica , que representaba en a tradicion paleografica anglosaxona a la preposicion latina ad u, seguntes atras fuents, a conchuncion at ; en as diferents variedaz d'a escritura gotica cursiva castellana, y especialment en a dita escritura procesal representa a lo digrafo an . Aintro d'o codigo ASCII , se puet representar con o dichito 64.

O periodico britanico The Guardian publico que unos investigadors italianos heban trobato a primera representacion escrita d'iste simbolo. Apareixio en una carta ninviata por un mercader italiano en l'anyo 1536 , dende Sevilla enta Roma ; en a carta se describe a plegata de tres barcos cargatos con tresoros provenients d' America : ≪Asi una @ de vino, que es 1/13 de un barril, vale 70 u 80 ducados...≫ . Manimenos, investigacions d'o historiador aragones Chorche Romance troboron o simbolo de l'arroba en a taula de Ariza de 1448 , en una dentrata de trigo en o Reino d'Aragon dende Castiella . ^[1]

Referencias [ editar | modificar o codigo ]