Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Una albufera u laco de mar ye una basa , laguna , estanyo u laco d'o litoral d' augua salina u salobre , deseparata de la mar por un caballon d'arena, por un regular de dunas , pero que ye en comunicacion con la mar por un u mes puntos, que reciben lo nombre de graus . ^[1] La suya formacion gosa estar la colmatacion d'una antiga badia por sedimentos marins u fluvials. On las mareas no son guaire fuertes y l'arena sedimenta en una luenga larga a man de la costa se forman albuferas luengas y estreitas, separadas de la mar por una estreita barra d'arena u tierra paralela a la ripa. A causa de lo lento fluxo y intercambio d'auguas con la mar las suyas temperaturas son mes calidas. Son espacios plens de vida con abundant flora acuatica y peixes por estar un ecotono entre mar y continent . Bi ha presencia d'aus migratorias que i fan escala u i ponen os uevos.

Etimolochia y equivalencias [ editar | modificar o codigo ]

L' orichen de la palabra ye l' arabe ??????? al-buhayra , "la mar chicota", y precisament una d'as albuferas mes famosas d'Espanya ye dita Mar Menor . Por atra parte en latin bellas lagunas interiors grans yeran calificatas de "mar", ( mare ), como ye a Mar Caspia , a Mar Muerta , a Mar de Tiberiades , ecetra...

En o " Libro d'as Marabillas d'o Mundo " escriben Laco de mar :

En a terminolochia cheolochica anglesa una albufera se diz con o tecnicismo Lagoon , palabra introducida en o sieglo XVIII en angles pa traducir o toponimo romanz Laguna di Venezia . En italiano y o suyo diasistema, en frances , asinas como en part de l'occitan as albuferas se dicen con derivatos d'a parola latina LACUNA ; L'aleman ha preso como tecnicismo lagune .

En aragones no se puet dicir a estas zonas humidas costeras simplament "lagunas", a l'igual que no se pueden dicir en galaicoportugues lagoas ni en castellano lagunas ni en catalan llacunes porque estas parolas son termins patrimonials que s'aplican con regularidat a zonas humidas tanto d'interior como costeras. Bi ha un menor uso de derivatos d'o latin LACUS que en atros idiomas, y ye abundant a presencia de toponimos con a parola laguna . En portugues se fa servir o tecnicismo laguna paralelo a l'angles lagoon pa dicir "albufera" porque ye sensiblement diferent de lagoa , o derivato patrimonial d'o latin LACUNA . En occitan se gosa dicir estanh pa dicir "albufera" encara que no exclusivament, a l'igual que en catalan rosellones estany .

En a Mar Baltica bi ha una una forma costera intermeya entre l'albufera y o estuario dita Haff en aleman, y en a Mar Negra bi ha atra forma costera con caracters similars dita Liman .

Referencias [ editar | modificar o codigo ]