D Theresa Mary May , wo am 1. Oktober 1956 uf d Walt cho isch, isch e britischi Politikeri.

Si isch d Dochter vom Hubert Brasier († 1981), Pfarrer vo dr anglikanische Church of England . Si het z Oxford Geografy studiert. 1997 isch si is anglische Unterhuus gwahlt worde. Sid 2002 isch si Generalsekretarin vo de britische Konservatyve und sid 2010 Inneminischteri under em Premierminischter David Cameron gsi. Wo da 2016 ufghort het, isch si ihm sini Nochfolgere als Premierminischtere worde.

Vor der Abstimmig uber en Uustritt am 23. Juni 2016 isch si no drfur gsi, ass s Vereinigte Konigrych i dr Europaische Union soll blybe. ^[1] Wo dann das Referandum doch e Meerheit fur e Uustritt ubercho het, isch si die worde, wo fur d Verhandlige i de Lander vom Konigrych und mit Europa wagem Brexit verantwortlech isch.

Dr Vertrag, wo si mit der Europaische Union usghandlet het, het im britische Parlamant aber ekei Meerheit uberchoo, und drum het d May am 24. Mai 2019 ihren Rucktritt as Fuereri vo dr Konservative Partei uf de 7. Juni 2019 aagchundt. ^{[2] [3]} As Premierminischteri isch si bis im Juli 2019 im Amt blibe. ^[4] Am 24. Juli 2019 het di anglischi Konigin als iire Nochfolger der Boris Johnson ygsetzt.

Weblink [ andere | Qualltaxt bearbeite ]

  Commons: Theresa May  ? Sammlig vo Multimediadateie

• Webseite vo dr Theresa May

Fuessnoote [ andere | Qualltaxt bearbeite ]

1. ↑ Exclusive: what Theresa May really thinks about Brexit shown in leaked recording uf theguardian.com
2. ↑ Am Brexit gescheitert. (Memento vom 24. Mai 2019 im Internet Archive ) Artikel vo dr Henriette Engbersen uf srf.ch vom 24. Mai 2019
3. ↑ Theresa May: Gefangen im Brexit-Hamsterrad (bzw. i dr Onlineversion: Theresa May und die funf Fehlschlage ihrer Brexit-Politik ). Artikel vom Markus M. Haefliger i dr Zurizytig vom 24. Juli 2019.
4. ↑ Theresa May wirft das Handtuch. Artikel uf nzz.ch vom 24. Mai 2019