Katar

Links bearbeite
Us der alemannische Wikipedia, der freie Dialakt-Enzyklopedy
???? ???
Daulat Qatar
Staat Katar
{{{ARTIKEL-FLAGGE}}}
{{{ARTIKEL-FLAGGE}}}
Amtsspraach Arabisch
Hauptstadt Doha
Regierigssischtem Absoluti Monarchii
Staatsoberhaupt Tamim bin Hamad Al Thani
Regierigschef Mohammed bin Abdulrahman Al Thani
Flachi 11.627 [1] km²
Iiwohnerzahl 2.677.001 (31. Dezember 2021) [2]
Bevolkerigsdichti 230 Iiwohner pro km²
Bevolkerigs­entwicklig ?0,3 % (2021) [3] pro Jahr
Bruttoinlandsprodukt
  • Total (nominal)
  • Total ( KKP )
  • BIP/Einw. (nominal)
  • BIP/Einw. (KKP)
2019 [4]
  • 175,8 Mrd. USD (55.)
  • 265,8 Mrd. USD (60.)
  • 62.919 USD (9.)
  • 95.108 USD (4.)
Human Development Index 0,855 (42.) (2021) [5]
Wahrig Katar-Riyal (QAR)
Unabhangigkeit 18. Dezember 1878
3. September 1971
(vum Verainigte Chenigrych )
Nationalhimne As-Salam al-Amiri
Zitzone UTC+3
Kfz-Kennzeiche Q
ISO 3166 QA , QAT, 634
Internet-TLD .qa
Vorwahl +974
Vorlage:Imagemap MittlererOsten2

Katar ( arabisch   ???‎ ‎  Qatar , DMG Qa?ar , im lokale golf-arabische Dialakt Qi?ar ) isch e Emirat z Vorderasie un lygt an dr Oschtkischte vu dr arabische Halbinsle am Persische Golf . S Land bstoht zum greschte Dail us ere Halbinsle , wu im Side an Saudi-Arabie granzt. Vor dr Kischte im Nordweschte lyt s Chenigrych Bahrain . Vu Side no Norde giht s Land rund 180 Kilometer wyt, vu Weschte no Oschte 80 Kilometer. Zum Staatsbiet ghere au ne baar Insle. D Hawar-Insle im Weschte ghere zue Bahrein. Katar het au Seegranze mit em Iran im Norde un mit dr Verainigte Arabische Emirat im Oschte.

Katar het rund 2,7 Millione Yywohner, dodervu sin nume rund 10 % Staatsaagherigi vu Katar. D Meehait vu dr raschtlige 90 % vu dr Gsamtbevelkerig vum Land sin Arbetsmigrante, des isch di hegscht Quote an Arbetsmigrante in dr Walt.

Katar isch e autoriter regierti absoluti Monarchy. Staatsreligion isch dr Islam un d Scharia isch d Hauptquall vum Racht. [6] D Manscherachtslag im Land giltet as kritisch, vor allem Nidriglohnmigrante z Katar ware zum Dail manschenuuwirdig bhandlet.

Geografy [ andere | Qualltaxt bearbeite ]

Topografy [ andere | Qualltaxt bearbeite ]

Salzsimpf un Wieschtestraife dranne Katar vum Rascht vu dr arabische Halbinsle. D Salzbfanne ? sognannti Sabcha ? uf Meeresniwoo sin Relikt us dr Zyt, wu Katar no ne Insle gsii isch. Erscht dur e lychti Lupfig vum Land isch d Verbindig zum arabische Feschtland entstande. Us dane Simpf stygt no Norde s samft gwallt Bielland ufe, wu gangig isch fir ganz Katar. Dr hegscht Punkt vu Katar isch dr Barg Qurain Abu l-Baul mit 103 m im Side. No Oschte goht s Land samft zum Meer aabe. S in dr Hauptsach flach Land isch bregt vu Grell- un Chiiswieschte. Sanddiine het s nume verainzelt, zmaischt an dr Kischte im usserschte Sidoschte. D Kischte wird vu verschidene langgstreckte Buchte glideret. Bsundersch an dr Oschtsyte sin e Hufe Koralleriff vorglageret.

S Grundwasser het e hoche Salzghalt; Drinkwasser wird in Meerwasserentsalzigs-Aalage gwunne. Im Sidoschte isch d Meereslagune Chaur al-Udaid.

Klima [ andere | Qualltaxt bearbeite ]

Mit em gringe Johresniderschlag vu unter 100 mm ghert Katar zue dr druckeschte Landschafte uf dr Ard. Wag dr Nechi vum Persische Golf isch s Klima z ganz Johr schwiel, subtropisch un haiß. D Luftfychtigkait lyt je no Monet zwische 40 un 70 %. [7] Im Summer sin Tamperature vu 45 °C kai Saltehait, im Winter sinke si uf durschnittli 17 °C. Grad in dr letschte Winter sin aber au Tamperature vu unter 10 °C vyl vorchuu. Vylmol wait dr drucke-staubig Nordweschtwind Schamal.

Mit Blick uf Naturkataschtrofe wie Vulkanuusbrich, Wirbelstirm, Ardbidem, Deerine un dr Aastiig vum Meeresspiegel giltet Katar as ais vu dr sicherschte Lander vu dr Walt. Im Waltrisikobericht 2021 het s unter 181 untersuechte Lander s gringscht Kataschtroferisiko ufgwise. [8]

Bflanze- und Dierwalt [ andere | Qualltaxt bearbeite ]

Katar isch zum große Dail uufruchtbar un vereedet un noo uuwirtliger wie di andere arabische Wieschtestaate. Nume im Norde, wu s no ne wenig mee Niderschleg het, wagse Wieschtehyazinthe, Palme un Dornehecke. Noch em salteme Raage cheme Greser un Chryter uuse, drybe Bliete un Fricht in ere seli churze Zyt un verdorre sofort wider. In dr Salzbfanne wagse wenig Greser un Hurscht, wu Salz garn han (Halophyte).

Nume wenig Dierarte ? z. B. Wieschtegumpmyys, Igel, Gecko un Waran ? chenne unter dr extreme Laabesbedingige in dr Wieschti exischtiere. Zugvegel raschte im Winter an dr nerdlige Kischte. S git rund 30 yyhaimischi Vogelarte. Fir di gfehrdete Oryxantilope isch sidli vu Doha e Wildpark yygrichtet wore. D Gwasser vum Persische Golf sin seli fischrych. Mankmol siit mer au Pottwal, Delfin un di verglychswys saltene Seechie (Dugong). An dr Nordkischte git s im Weschte vu Ras Laffan Aiablagstrand vu Meeresschildchrotte.

Im Wildpark al-Wabra ware Dierarte zichtet, wu vum Uusstarbe bedroht sin. Unter anderem het s do 50 Spix-Ara, wu vu Brasilie sin un in freier Wildbahn uusgstorbe sin. Insgsamt git s no 100 Spix-Ara waltwyt.

Bevelkerig [ andere | Qualltaxt bearbeite ]

Katar het in dr letschte Jorzehnt aini vu dr Bevelkerige ghaa, wu in dr Walt am schnallschte gwagse isch. Wag ere relativ hoche Geburteroot un ere starke Yywanderig isch d Yywohnerzahl vu Katars vu ca. 50.000 anne 1950 uf 2.700.000 im Johr 2017 gwagse. Anne 2019 sin nume 10,5 % vu dr Bevelkerig katarischi Staatsaagherigi gsii. 56 % vu dr Bevelkerig isch vu Sidasie gsii, vor allem vu Indie, Bangladesch, Nepal, Pakistan oder Sri Lanka. Nitkatarischi Araber han au ne große Dail vu dr Bevelkerig uusgmacht, dorunter 300.000 (9,35 %) Egypter, 60.000 (1,9 %) Sudanese, un di syrisch, jordanisch un libanesisch Diaspora mit je rund 40.000 bis 55.000 Migrante, also zame rund 5 % vu dr Bevelkerig. Uuslander us weschtlige Staat han au ne wichtige Minderhait bildet, dodrunter 40.000 (1,25 %) US-Amerikaner, 22.000 (0,7 %) Brite, 9.200 (0,3 %) Kanadier un Zehdouserti Auschtralier un EU-Burger, dodrunter au 1.800 Dytschi. Di groß Gmainschaft vu dr Filipino het 236.000 Mansche umfasst, also 7,35 % vu dr Bevelkerig. Derzue cheme unter anderem rund 30.000 (1 %) Iraner, 10.000 (0,3 %) Dirke, 30.000 (1 %) Kenianer, 10.000 (0,3 %) Chinese un 2.000 Sidkoreaner.

S Bevelkerigswagsdum isch zwische 1994 un 2004 bi 4,2 % glage. Dr Aadail vu dr unter 15-Jehrigen isch 2016 bi 12,6 % glage. Im namlige Johr han 99,2 % vu dr Yywohner in Stedt glabt. Wel di maischte Uuslander Manne sin, het Katar s am wenigschte uusgliche Gschlachterverhaltnis waltwyt. Anne 2016 sin uf jedi Frau z Katar 3,4 Manne chuu.

Dr Islam isch Staatsreligion un di maischte Burger sin sunnitischi Wahabite , derwylscht dr Rascht Schiite sin. Di grescht Religion unter dr Uuslander isch dr sunnitisch Islam. Zame mit dr katarische Burger mache Muslim rund 65,2 % vu dr katarische Bevelkerig uus. Dr Aadail vu dr Hindu lyt bi rund 15,9 %, vu dr Chrischte bi 13,7 % un vu dr Buddhisten bi 3,8 %. [9] [10]

D Amtssproch isch Arabisch . Au Anglisch spilt e wichtigi Roll, bsundersch in dr Kommunikazion zwische dr Ethnie un im Umgang mit em Uusland (Handel, Medie). Wag dr hoche Zahl vu Migrante z Katar sin au Malaiisch , Belutschi , Indonesisch , Hindi , Persisch , Malayalam , Singhalesisch , Tagalog , Urdu un Nepali verbraitet. [11]

Gschicht [ andere | Qualltaxt bearbeite ]

Katar uf dr Charte vum Adolf Stieler (1891)

S Biet vum hitige Emirat Katar het in friejere Jordousert no ne rychhaltige Vegetazion ufgwise un isch scho in dr Staizyt bsidlet gsii. Im 5. Jordousert v. Chr. het s e Bluescht ghaa. Klimaveranderige han derno zue dr hitige Wieschtelandschaft un dr Abwanderig vu dr Yywohner gfiert. In dr Jordousert druf isch d Region nume wenig bsidlet gsii.

Im 5. Jorhundert n. Chr. isch s Chrischtedum in d Region chuu. Mit dr Aachumft vum Islam isch s aber zwai Jorhundert speter fascht gang verschwunde. Anne 628 n. Chr. han si d Yywohner vu Katar em Prophet Mohammed aagschlosse un sin zum Islam iberdratte.

Au in dr Zyt druf het s Land wag em Wassermangel chuum Bedytig ghaa. Vu sporadische Handelssidlige an dr Kischte abgsaa han im Land nume Beduine gwohnt. Um 1760 sin nomadischi Beduinestamm vu ire aagstammte Waide im Innere vu dr arabische Halbinsle in s Biet vu Katar zoge. Zue dane Beduine het au d Sippe Al Thani ghert, wu s Dorf al-Bid grindet han, s hitig Doha. Dr Schaich Muhammad Al Thani het nodisno d Macht iber d Wieschtehalbinsle gwunne un isch zum Grinder vu dr hitige Dinaschty wore. In dr negschte 100 Johr het s Machtkampf gee mit dr Sippe vu dr Al Chalifa, wu us em hitige Kuwait uf d Halbinsle drunge sin un d Sidlig az-Zubara grindet han. Anne 1783 isch dr Al Chalifa glunge d Insle Bahrain z erobere, dodruf het si ne Großdail vum Stamm derrt nidergloo.

Andi 18. Jorhundert sin saudischi Wahhabite, Aahanger vun ere strang orthodoxe islamische Gmainschaft, uf dr Halbinsle yygfalle un han zytwys al-Bid eroberet. Syt dare Zyt het s angi Bindige zue Saudi-Arabie .

Bis wyt in d 1850er Johr het mer d Kischte vu Katar wie die vu dr hitige Verainigte Arabische Emirat as ?Piratekischte“ gchannt. Mit em Yygryfe vu dr britische Oschtindie-Kompany , wu iri Handelswag uf Indie bedroht gsaa het, isch d Seeraiberei zum And chuu. Anne 1867 isch s zwische dr Al Thani un dr Al Chalifa vu Bahrain wider zue me heiftige Kampf um d Herrschaft z Katar chuu. S Verainigt Chenigrych isch yymarschiert un het d Bartei zum Friide zwunge. Im Jiohr druf isch e ?Schutzverdrag“ zwische Katar un Großbritannie abgschlosse wore, doderdur isch s Land unter britische Yyfluss grote. Die Anerkannig vu dr Al Thani het zur andgiltige Drannig vu Katar un Bahrain gfiert (18. Dezamber 1878, Nazionalfyyrtig).

In dr zwoote Helfti vum 19. Jorhundert han d Osmane Aaspruch uf Katar ghobe un Dail vum Land bsetzt. Dodruf het si dr Qasim Al Thani mit eme Hilferuef an d Wahhabite gwandet. Anne 1913 isch s Verainigt Chenigrych wider militerisch yygschritte go dr osmanisch Yyfluss un dar vu dr Wahhabite unterdrucke. Anne 1915 han di letschte osmanische Druppe s Land mieße verloo. In dr Zyt druf het Großbritannie syni bolitische un wirtschaftlige Intrasse duregsetzt. [12]

Di erschte Ardeelvorchuu sin anne 1939 entdeckt wore, doderdur isch d Eelferderig bal s nei wirtschaftli Standbai vu Katar wore. In dr Zyt druf het s mit em all greßere Rychdum au ne Modernisierig in Staat un Wirtschaft gee. Wu Andi 1960er Johr d Brite dr Abzug vu dr Druppe ?eschtli vu Sues“ fir 1971 aagchindet han, het Katar am 3. Septamber 1971 (Nazionalfyyrtig) [13] sy Unabhangigkait proklamiert un het dodermit, wie Bahrain, en Aaschluss an di Verainigte Arabische Emirat abglahnt; e Fryndschaftsverdrag isch mit em Verainigte Chenigrych gschlosse wore. Au han d Schaich vu Katar jetz dr Titel vun eme Emir aagnuu. Im namlige Johr isch mitr eme Nord-Fald s grescht Ardgasfald vu dr Waolt entdeckt wore.

Anne 1972 isch dr Emir Ahmad ibn Ali vum Chalifa ibn Hamad (1972?1995) gstirzt wore; dar het si derno Miei gee um di wirtschaftli Entwicklig vum Land un d Aasidlig vu Indusctry. Di absolut Herrschaft vu dr Dinaschty isch blibe. Anne 1974 sin alli Ardeel- un Ardgasgsellschafte verstaatligt wore. 1981 isch mit Oman , dr Verainigte Arabische Emirat, Bahrain , Saudi-Arabie un Kuwait dr Golf-Kooperazionsroot grindet wore.

Anne 1995 isch dr Chalifa ibn Hamad vu sym Suhn Hamad ibn Chalifa gstirzt wore, wu mit dr Yylaitig vu Reforme aagfange het, zem Byschpel isch 2003 s Frauewahlracht yygfiert wore. [14]

Syt 1998 isch Katar dr Sitz vum Hauptquartier vu dr US-Druppe im Noche Oschte un isch au Kommandozantrale im Irakchrieg im Merz 2003 gsii. Am 25. Juni 2013 isch dr Tamim bin Hamad Al Thani, dr zweet Suhn vum Hamad ibn Chalifa, Emir vu Katar wore. [15]

Aafangs Juni 2017 han Egypte , Bahrain, Saudi-Arabie un di Verainigte Arabische Emirat di diplomatische Bezieige zue Katar abbroche un han alli Landes-, Luft- un Seegranze fir zuenig erklert. As Grund han si gsait, Katar diei Terrorismus unterstitze. [16] [17] Au d Regierige vum Jemen Libye , dr Maledive un vu Mauritius han verchindet, ass si d iri Bezieige zue Katar ufgee dieje. [18] [19] D Dirkei het si uf d Syte vu Katar gstellt un het Soldate ins Land gschickt. [20] [21] D Krise het im Janner 2021 ufghert; di diplomatische Bezieige sin widerhargstellt wore. [22]

Bildig [ andere | Qualltaxt bearbeite ]

Di 1973 grindet Qatar University z Doha folgt angelsagsische Muschter: In segs Colleges chaa mer Bachelor- un Mastergrad mache. E Bsunderhait im Verglych zue Hochschuele in weschtlige Lander isch, ass mer nabenenander s weschtli Rachtswase un s islamisch Racht (wie unter anderem d Scharia) cha studiere un au di historische islamische Studie cha drybe. Im Studiejohr 2013/2014 het d Uniwersitet ca. 15.000 Studante*ne ghaa. Mit em Projakt Education City het Katar syt 2022 segs ?Ableger“ vu namhafte amerikanische Uniwersitete grindet.

Z Katar geen mee Fraue wie Manne uf d Uniwersitet. Im Wintersemeschter 2005/2006 het d Qatar University unter dr 7660 Studante*ne mit ca. 70 % e verglychswys hoche Frauenaadail ghaa. Des lyt villicht doodraa, ass es Manne im Verglych zue Fraue lychter han, Armee- oder Gschaftsposizione, wu s kai Hochschuelabschluss derfrir bruucht, z kriege. Au studiere vyl jungi Manne im Uusland; junge Fraue wird des vu ire Familie saltener erlaubt. [23]

D Alphabetisierigsroot isch anne 2015 bi 97,8 % glage. [24]

Manscheracht [ andere | Qualltaxt bearbeite ]

Dr Zuestand vu dr Manscheracht z Katar wird vu Nitregierigsorganisazione all Ritt kritisiert. Hundertdouserti Wanderarbaiter im Bougwarb, zmaischt vu Sidasie, ware uusbytet un misshandlet. Huusaagstellti, vylmol armi Fraue us sidoschtasiatische Lander, han wenig Racht un chenne Opfer vu Manschehandel syy, mankmol ware si zur Proschtituzion zwunge. Individualli Racht, wie d Mainigsfreihait, sin yygschrankt. Homosexualitet isch verbote un wird mit Gfangnis gstroft.

Verwaltigsgliderig [ andere | Qualltaxt bearbeite ]

Charte vu dr Gmaine vu Katar

Katar isch syter anne 2014 in acht Gmaine (arab. baladiyya ) glideret:

Lag Gmai Verwaltigs-
sitz 		Bevelkerig
Stand: 2015 [25] 		Flechi
in km² 		Yywohner
pro km²
Doha Doha 956.457 234 4.087
al-Chaur al-Chaur 202.031 1.613,3 125
ad-Da?ayan 43.176 236 183
ar-Rayyan ar-Rayyan 605.712 2.450 247
al-Wakra al-Wakra 299.037 2.578 116
asch-Schahaniyya asch-Schahaniyya 187.571 3.309 57
asch-Schamal Mad?nat asch-Scham?l 7.975 902 8,8
Umm Salal Umm Salal 90.835 318 286

D Gmaine ware fir statistischi Zwack wyter unterglideret in 98 Zone (Stand 2015) [26] un die wyter in Bleck. [27] Doha un ar-Rayyan sin di greschte Gmaine z Katar.

Lidraduur [ andere | Qualltaxt bearbeite ]

Weblink [ andere | Qualltaxt bearbeite ]

  Commons: Katar  ? Sammlig vo Multimediadateie

Fuessnote [ andere | Qualltaxt bearbeite ]

  1. ↑ Qatar In Figures 2015. (PDF) Ministry of Development Planning and Statistics, abgruefen am 9. Januar 2017 (anglisch).
  2. ↑ Monthly Figures on Total Population. Planning and Statistics Authority Qatar, abgruefen am 9. Januar 2022 (anglisch).
  3. ↑ Monthly Figures on Total Population. Planning and Statistics Authority Qatar, abgruefen am 9. Januar 2022 (anglisch).
  4. ↑ [1] (PDF) Internationaler Wahrungsfonds
  5. ↑ Table: Human Development Index and its components . In: Entwicklungsprogramm der Vereinten Nationen (Hrsg.): Human Development Report 2021/2022 . United Nations Development Programme, New York 2022, ISBN 978-92-1001640-7 , S.   272 (englisch, undp.org [PDF]).
  6. ↑ Qatar's Constitution - Legal Information. Abgruefen am 16. Marz 2022 (anglisch).
  7. ↑ Klima in Katar. Abgruefen am 13. Juli 2022 .
  8. ↑ Bundnis Entwicklung Hilft, Institut fur Friedenssicherungsrecht und Humanitares Volkerrecht Ruhr-Universitat Bochum (Hrsg.): WeltRisikoBericht 2021 . 2021, ISBN 978-3-946785-11-8 , S.   44–45, 54–57 ( weltrisikobericht.de ).
  9. ↑ Qatar. In: United States Department of State. Abgruefen am 12. Marz 2022 (amerikanischs Anglisch).
  10. ↑ Religions in Qatar | PEW-GRF. Abgruefen am 17. Marz 2022 .
  11. ↑ Do people speak English in Qatar? - Languages spoken in Qatar. Abgruefen am 12. Marz 2022 .
  12. ↑ Kim Dudek, Steling Yates: Katar, in: Wolfgang Gieler (Hg.): Handbuch Außenpolitik Nahost. Lit, Berlin 2015, ISBN 978-3-643-12782-2 S. 156.
  13. ↑ Botschaft des Staates Katar. Abgruefen am 3. Septamber 2009.
  14. ↑ Jad Adams: Women and the Vote. A World History. Oxford University Press, Oxford 2014, ISBN 978-0-19-870684-7 , Seite 438
  15. ↑ Qatar’s new emir Sheikh Tamim: The Gulf’s youngest ruler. 25. Juni 2013, abgruefen am 18. Marz 2022 (anglisch).
  16. ↑ Nachbarlander brechen Beziehungen zu Katar ab. Bei: Zeit.de. 5. Juni 2017.
  17. ↑ Schließung aller Grenzen. Nachbarn brechen Beziehungen zu Katar ab. n-tv.de. 5. Juni 2017.
  18. ↑ Astrid Frefel: Isolation und Flugverbote: Riad will Katar in die Knie zwingen. Der Standard. 5. Juni 2017.
  19. ↑ Sechs Airlines stoppen Fluge nach Katar. 5. Juni 2017.
  20. ↑ Gute Geschafte mit dem Emir.
  21. ↑ Turkey sends Qatar food and soldiers, discusses Gulf tensions with Saudi . In: Reuters . 22. Juni 2017 ( reuters.com [abgerufen am 16. Marz 2022]).
  22. ↑ Qatar crisis: Saudi Arabia and allies restore diplomatic ties with emirate . In: BBC News . 5. Januar 2021 ( bbc.com [abgerufen am 16. Marz 2022]).
  23. ↑ Qatari women 'outnumber men' at local universities. In: Doha News | Qatar. 7. Marz 2021, abgruefen am 16. Marz 2022 (amerikanischs Anglisch).
  24. ↑ The World Factbook ? Central Intelligence Agency. Abgruefen am 14. November 2022 (anglisch).
  25. ↑ Citypopulation.de: Katar
  26. ↑ 2015 Population census. Ministry of Development Planning and Statistics, April 2015, abgruefen am 8. August 2017 (anglisch).
  27. ↑ Population By Gender, Municipality And Zone, March 2004. General Secretariat for Development Planning, archiviert vom Original am 12. Dezember 2006 ; abgruefen am 24. August 2019 .





Koordinate: 25°  N , 51°  O

Da Artikel basiert uff ere fraie Ubersetzig vum Artikel ? Katar “ vu de dutsche Wikipedia. E Liste vu de Autore un Versione isch do z finde.
Vun " https://als.wikipedia.org/w/index.php?title=Katar&oldid=1042784 "