Colonia Tovar
is 'n dorp met 14 300 inwoners, sowat 70 kilometer wes van die
Venezolaanse
hoofstad
Caracas
in die deelstaat
Aragua
.
'n Groot persentasie van die dorpsbevolking is nasate van
Duitse
immigrante uit die
Kaiserstuhl
-gebied wat hier in 'n subtropiese omgewing 'n idilliese kolonie met vakwerkhuise en Duitse kulinere tradisies - met onder meer Duitse
bier
en
Swartwoudkoek
- gestig het. Ook koekoekklokke, die bekendste soort
Swartwoudklokke
, word hier nog steeds vervaardig. Die dorp het danksy sy florerende toerisme- en landboubedryf die hoogste per capita-inkomste in Venezuela.
Colonia Tovar le wes van Caracas in 'n reenwoudgebied van die kusgebergte, teen 'n hoogte van sowat 1 800 tot 2 000 meter bo seevlak. Die dorp het 'n subtropiese klimaat met 'n gemiddelde jaarlikse temperatuur van 16 °C.
'n Toeriste-
chalet
In
1842
is 358 burgers van die Duitse dorp Endingen in die Kaiserstuhl-bergreeks deur 'n Venezolaanse grootboer uitgenooi om hulle in die Suid-Amerikaanse land te vestig om die plaaslike landbou te ontwikkel. Hulle het via
Straatsburg
na
Le Havre
in
Normandie
(
Frankryk
) en van daar per skip na Venezuela gereis. Die emigrante het 'n standbeeld van hulle
beskermheilige
Sint-Maarten saamgeneem.
Die emigrante het hulle uiteindelik op
8 April
1843
in die gebied van die huidige Colonia Tovar gevestig en as 'n volledig geisoleerde gemeenskap hulle Suidwes-Duitse tradisies en hulle Alemanniese dialek bewaar, terwyl hulle in die res van Venezuela min of meer in vergetelheid geraak het. Tot by die jaar
1942
het hulle ook hul eie wetgewing gehandhaaf.
Daar word vermoed dat die dorp na die
Tweede Wereldoorlog
as 'n skuilplek vir Duitse Nazi's gedien het.
Na die bou van 'n asfaltpad in
1964
het hulle weer kontak met die moderne wereld en ook hulle Duitse tuisland gekry. 'n Aantal jong mense uit Colonia Tovar het hulle beroepsopleiding in Duitsland gekry. Die dorp is tans 'n gewilde toeristebestemming vir Venezolane en buitelandse besoekers. Colonia Tovar het veral in Duitsland danksy persberigte en televisie-dokumentere bekendheid verwerf.
Veral die ouer generasies praat nog steeds
Aleman Coloniero
, die plaaslike
Alemanniese Duitse
dialek, alhoewel jonger mense vanwee die toenemende hispanisering en vermenging met ander Venezolane nog nouliks kennis van die taal het.
Die vakwerkargitektuur is ontleen aan die van die Duitse dorp Sasbachwalden in die Middel-
Swartwoud
.
Die dorp beskik oor 'n historiese en 'n kunshandwerkmuseum.
Colonia Tovar staan bekend vir sy tradisionele Alemanniese kookkuns: Bloedwors, varkenspootjies, Kasseler ribbetjies, aartappels, braaiworsies, Swartwoudkoek en Tovar-bier.