CONMEBOL is die Suid-Amerikaanse Sokkerassosiasie ( Portugees : Confederacao Sul-Americana de Futebol ; Spaans : Confederacion Sudamericana de Futbol ). CONMEBOL is die kontinentale beheerliggaam vir assosiasiesokker in Suid-Amerika en is een van FIFA se ses kontinentale konfederasies. Die konfederasie is op 9 Julie 1916 gestig en hulle hoofkantoor is in Luque, naby Asuncion , Paraguay , gelee. Die amptelike tale is Portugees en Spaans en sedert 2016 is Alejandro Dominguez die president van die CONMEBOL.