Monarki (atawa Kerajaan; Keurajeuen) asai narit nibak Bahsa Yunani  ; monos (μονο?) ngon archein (αρχειν). Monos (μονο?)areuti jih saboh/sidroe, Archein (αρχειν) peumeurintah. Monarki nyan na keuh saboh bagoe peumeurintahan nyang geupimpen le sidroe raja atawa sidroe urueng mat kuasa. Monarki nyan saboh peumeurintahan nyang paleng tuha lam donya. Sistem peumeurintahan Monarki nyoe na 2 macam: Monarki Mutlak ngon Monarki Konstitusional. Bak phon masa abad keu-19, na kurueng leubeh 900 keurajeuen lam donya, teuma dudoe nibak nyan jitron tinggai 240 lam abad keu-20. Bak masa keu lapan ploh thon lam abad keu-20 nyan, tinggai 40 boh keurajeuen. Lam kawan jeumeulah nyan, 4 boh keurajeuen sagai nyang mat kuasa monarki seucara mutlak, la'en nibak nyan geupeunan peumeurintahan sistem monarki konstitusional.

Keu contoh keurajeuen Monarki Mutlak jeuet ta kalon di miyup nyoe.

Dapeuta Nanggroe sistem monarki mutlak [ peusaneut | peusaneut asai ]

Nanggroe	Nyang Mat Kuasa Monarki
Brunai	Hassanal Bolkiah
Eswatini	Mswati III
Oman	Qaboos bin Said al Said
Qatar	Hamad bin Khalifa Al Thani
Arab Saudi	Salman bin Abdulaziz
Vatikan	Paus Fransiskus

Di Yordania ngon Maroko , raja nanggroe nyan le hak kuasa tapi h'ana geukira monarki nyang mutlak. Meunye di Liechtenstein , karab duwa per lhee asoe nanggroe nyang na hak ikot pemilu ka geubri hak veto keu urueng nyang mat kuasa Pangeran Hans-Adam II .

Peunawot luwa [ peusaneut | peusaneut asai ]

• (Inggreh) Sistem Monarki Malaysia