In informatega, na
aplegasion mobiłe
(ciama anca co l'abreviasion
app
) ła xe na aplegasion software dedega a i dispoxidivi de tipo mobiłe, cofa i smartphone o tablet.
Na app par dispoxidivi mobiłi ła se defarensia da łe aplegasion tradisionałe sia pal suporto col cuałe ła vien dopara, sia par l'idea che ła ga in se stesa. A se trata a tuti i efeti de un
software
aplegativo che par ła so strutura informatega el ghe someja ase a na aplegasion xenerega, ma che xenaralmente el xe caratarixa da na senplifegasion e da na ełiminasion del mia stretamente nesesario, co l'obietivo de otenjer łejeresa, esensiałita e vełosita, in łinea co łe łimitae resorse
hardware
de i dispoxidivi mobiłi respeto a i desktop computer; 'sto fato el fa si che łe funsionałita de łe app łe sipia łimitae ase in cuanto focałixae so na detarminada funsion. El nome steso, chel xe de fato na scurtasion, el pol esar visto cofa na senplifegasion del nome intiero ingrexe "
application
" par dar l'idea de un calcosa de senplise e ceło. Łe app łe se devide in
app native
e
web app
, co i caxi intarmedi o misti che i vien calche 'olta defenii
app ibride
.
Ła consiste inte un strumento informatego chel se instała e el se dopara intieramente sol proprio dispoxidivo mobiłe, a dir un insenbre de istrusion informateghe projetae col obietivo de rendar posibiłe un servisio o na serie de servisi o strumenti considarai utiłi o dexiderabiłi da l'utente, crea a posta par un spesifego sistema oparadivo. L'intarasion direta co łe API mese a despoxision dal costrutor del sistema oparadivo ła garantise aceso imedia a tute le funsionałita del dispoxidivo, oltre a parmetar prestasion otimałe e a mejorar el doparo in maniera sensibiłe ase. Łe app, defati, łe va a ingrandir łe abiłita native del dispoxidivo includeste rento del sistema oparadivo (configurasion de baxe). Na 'olta conpra el dispoxidivo, chel sipia smartphone o tablet, A se ga ła posibiłita de parsonałixarlo xontando nove aplegasion a seconda de i propi gusti e exijense.
Domente na
mobile app
ła xe instała fixegamente e par intiera sol dispoxidivo de l'utente, na
web app
sostansialmente ła xe un cołegamento verso un aplegativo remoto, scrito inte un łenguajo cross-platform cofa HTML5, col codexe de l'intarfasa utente chel pol esar sol dispoxidivo mobiłe opur anca łu in remoto. 'Sta sołusion cua ła fa si che A ghe sipia conseguense notevołi in termeni de funsionamento: el vantajo prinsipałe de na web app el consiste inte el fato de no insidar in nesun modo, o in tuti i modi in maniera minema, so ła capiensa de memoria del dispoxidivo e so łe so potensiałita de calcoło de i dati, in cuanto el sentro ełaborativo e/o l'intarfasa utente de l'aplegasion i se trova sora de server remoti. Paro par funsionar na
web app
ła ga bexonjo de l'aceso costante a internet e łe so prestasion łe dependara in maniera sensibiłe da ła velosita de conesion.
A se trata de aplegativi mobiłi che i sfruta sia conponenti nativi che tegnołoxie web par jestir l'intarfasa e ła łoxega de l'aplegasion. El doparo de łe tegnołoxie web el xe fato traverso el doparo del conponente WebView.
A se trata de aplegasion che łe se trova a meta strada intra aplegasion mobiłe e aplegasion tradisionałe, che łe include łe carataristeghe de tute e do e che łe ga ła posibiłita de esar instałae sia so aparati mobiłi che fisi, cofa i PC. 'Sta sołusion cua ła xe sta introdota, dexviłupa e porta a un stato avansa grasie al łaoro fato da Microsoft sora del sistema oparadivo Windows 10.
Distribusion e comersiałixasion de łe app
[
canbia
|
canbia el codaxe
]
A defarensa de łe aplegasion tradisionałe, che łe xe distribuie in modo ase eteroxeneo inte i dispoxidivi mobiłi, par senplifegar ła reserca e el doparo de łe aplegasion da parte de utenti anca poco esperti, ła distribusion de łe app ła xe goerna da distribudori dixitałi fati a posta (conosesti par de pi co i termini angrosasoni
store
o
market
) e vincołai a un partigołar sistema oparadivo, cusi chel gapie rento soło che aplegasion conpatibiłi col sistema oparadivo del dispoxidivo mobiłe che A se xe drio doparar. Tutavia, grasie a ła senpre pi granda so difuxion, łe app łe pol esar catae dapartuto, anca diretamente inte i siti de i dexviłupadori, in cuełi de łe axiende o in cuełi de calsiasi privato chel voja metar a despoxision na so aplegasion.