Da Wikipedia, la nciclupidia libbira.
Quatru di San Carru Borromeu nall’Oratoriu di Ss. Ambrogiu e Carru a Roma
Carru Borromeu
(
Arona
(
NO
)
2 di uttuviru
1538
?
Milanu
3 di nuvemmiru
1584
)
Lu patri si chiamava Gibertu, la matri Margherita Medici. Si laurio a
Pavia
in Drittu Civili e Canonicu. Nto
1559
lu ziu di Carru, Giuvanni Ancilu Medici e fattu
Papa
cu nomi di
Piu IV
e a Jnnaru Carru e criatu Cardinali. Lu
17 di giugnu
1563
, rinunciannu a tutti li so beni e o drittu di successioni e fattu parrinu; u 7 Dicemmiri e urdinatu Viscuvu.
Digiunava a pani e acqua na vota a simana e didicava tanti uri a prijari. Dicia Missa pi festi, quannu tannu nun si usava; cu l’ecunomii e a vita rigurusa aiutava i Spitali e tanti opri pi poviri. Si vulia fari monacu Camaldulesi, ma u viscuvu di Braga ci dissi ca i viscuvi hannu u duviri di guvirnari di pirsuna e stabilirisi na Diocesi. No 1560 fu fattu Viscuvu di Milanu. Doppu u cunciliu di Trentu vosi attuari i Decreti du stissu Cunciliu. Doppu cinc’anni partiu pi Milanuca havia un territoriu vastissimu ( sinu na Svizzira ) cu 750 Parrocchi, 5000 parrini e 3400 monachi. I parrini pero eranu ‘gnuranti e i Munasteri troppu aperti. Rinuncio all’assegnu ca ci spittava, vinniu tri navi e puru i sirvizzi di tavula. Avia sulu vintisett’anni.
No discursu ca fici no Duomu dissi ca “ spinneva tutta a so vita, u so tempu, i so energii pa so Cresia “. E accussi fu pi diciannov’anni.
Custruiu Cresi, Culleggi, Scoli, visito tutti paisi e villaggi da Diocesi sempri, cu qualunqui tempu, a cavaddu, a dorsu di mulu, a pedi. Fici sei Cuncilii Pruvinciali e unnici Sinudi Diucisani. Tutti i Liggi e i Decreti vinniru stampati no 1582. San franciscu di sales, ca era Viscuvu di Ginevra, ni urdino centu copii; chiddu di Tuledu deci. No 1569 ci fu a caristia e no 1576 a pesti: mancava u pani e l’abitanti di campagni vinniru na Citati. Chi so picciuli accatto farina e ljumi, risu e manciari cottu. Ogni jornu vinevanu nutricati circa trimmila cristiani. A causa da pesti numino eredi universali u Spitali Maggiuri; u lazzarettu nun putia ospitari tutti i malati e fici fari quattrucentu capanni fora di porti da Citati. Chiuju i Cresi. Fici custruiri l’artari ne chiazzi e cruvivia ( unni ancora oj ci su i Cruci di marmuru ).
Ogni jornu visitava i malati: pirsuadiu l’Autoritati Pubbrica a affidari a dirizioni du lazzarettu e Frati Cappuccini, picchi c’era cu arrubbava puru i robbi di malati o si dava a sfrinata lussuria. Pi fari robbi e mantelli scippo puru a tappizziria da so casa e distribbuiu
ottucentu vrazza di pannu russu e paunazzu. Fici fari tanti Prucissioni pi suppricari a misericordia di Diu, ma fu biasimatu di nobbili. Girava sempri distribbuennu limosini di scuta d’oru. Carru Burrumeu nun sulu avia affruntari a pesti, ma puru a’gnuranza e u malu custumi du Cleru,a ‘ngirenza di l’Autoritati Civili ne cosi da Cresia , l’irisia ca vinia di Paisi du nord. Carru pero lauda u Populu Svizziru picchi e bonu e cattolicu. Na l’anni di San Piu Quintu, ca su puru chiddi di Carru, na Francia ci foru l’uccisioni di l’Ugunotti e na l’Inghilterra triccentu cunnanni a morti pa riligiuni. Carru fa cinqu visiti ne vallati da Svizzira; fa fari un Siminariu pi Clerici di Vallati du Ticinu, ristabbiliu a clausura ne Cummenti e livo i trafichi ne Cresii; fici fari sticcati pi spartiri omini e fimmini. Ma a sira du 26 Uttuviri 1569 mentri Carru era ‘ntentu na prijera dintra a Cappella du Palazzu Arciviscuvili, c’arrivo un corpu d’archibugiu. Arristo sanu.
U Papa Piu V abbuliu l’Ordini di l’Umiliati ca era troppu putenti e riccu e i ritinni rispunsabbili da cungiura. Carru ebbi scuntra cuntinui chi Guvirnaturi spagnoli; mannava scumunichi e tanti l’havianu pigghiatu in odiu. Puru u Papa Grigoriu XIII nun era cunvintu ca l’Arciviscuvu di Milanu avissi ragiuni. Ju iddu stissi a Roma p’addifinnirisi. Si firmo a Camalduli pi prijari, digiunari e discurririsi cu Diu a causa da so Cresia. Passo puru da Verna e di Luretu. U Papa ci suggiriu di essiri menu rigurusu. Ju puru o Sacru Munti di Varallu ( ). Dissi a so ultima Missa a matina du dui Novemmiri 16 . Avia 46 anni e vintun jorna. E patri Cappuccini ca l’assistianu dissi: “ A cannila pi fari lustru s’havi a cunsumari “. Carru cunsumo tutta a so vita pa Cresia. Fu fattu Biatu no 1602 e Santu u 1 Novemmiri 1610.
Lu Corpu sanu sanu e no Scurolu du Duomu di Milanu. U termini “ Scurolu” havi u significatu no dialettu lumbardu di locu scuru e identifica a Cripta.U cori si trova a Roma, na Cresia di Ss.Ambogiu e Carru o Cursu. Autri Riliquii sunnu o Vaticanu.
- Ancilu Maiu,
San Carru Borromeu Vita e azioni pastorali
, San Paulu Edizioni, 2004
