1. a son utent registra dla wikipedia piemonteisa da pi che tre meis
2. a l'han fait almanch 50 modifiche da so cont d'utent registra

Un vot a dura 30 di da la data 'd publicassion del proget, per deje temp a tuti de pense e vote

Complement aprova a j'8 ed Ferve 2008

• el test dla votassion a l'ha da esse scrit an piemonteis e mach an piemonteis
• a-i e gnun numer minim ed votant per na votassion, per chi a vota nen a val la regola che "a stan cito coj ch'a son d'acordi"
• per esse bon qualsessia vot a l'ha da ciape na magioransa d'almanch ij 2/3 dij votant
• modifiche, gionte e abrograssion totaj e parsiaj dij deuit as presento coma deuit.
  1. modifiche: a venta spessifiche coma as veul ch'a ven-a modifica el test an manera antegral, sensa omission, per evite ch'a-i sia dla gent ch'a capiss nen giust.
  2. gionte: as buta mach el test dla gionta, e a che numer ed deuit sta gionta as veul fesse
  3. per j'abrogassion parsiaj a val el sistema dle modifiche, per cole totaj a venta spessifiche ch'as trata de gavelo d'amble, en butand el numer del deuit per arferiment.

1. un coma titolar dla scheda,
2. j'aotri coma ridiression al nom titolar

Chi a debia esse el titolar a sara specifica ant n'aotr Deuit .
Ij nom nen testimonia a saran scansela .

Esempi Vittorio Alfieri e Vitorio Alfe
Esempi ed nom nen testimonia: Vito Alfieri, Victorius Alferus

1. un neologism a dev esse scrivu ant la grafia piemonteisa
2. n'amportassion as lassa ant la forma original, declina a la piemonteisa
3. cand che tute doe le possibilita a l'han ed sust, un neologism as preferiss a n'amportassion.

Esempi: filosofia nietzschian-a pitost che nician-a

• Qualsessia qualifica (aministrator, mangiapape, controlor e via fort) dla wiki piemonteisa a peul andeje mach a chi a l'e bon a parle e a scrive an piemonteis almanch basta de fesse capi da tuti j'utent sensa avej da dovre dj'autre lenghe.
• Se un a veul ciame ch'as gava via na qualifica a cheidun d'autr a venta ch'a fasa soa domanda ant sla pagina dle votassion dij deuit. La votassion as fa con le mideme regole 'd cole dij deuit.
• Se un a veul gavesse chiel/chila da 'nt na qualifica a venta ch'a fasa soa domanda an forma publica ant sla pagina dle votassion dij deuit. Per sossi a-i va gnun-a votassion: el prim Mangiapape ch'a les la domanda
  1. a-j gava la qualifica coma ciama,
  2. a buta an quader la pagina andoa a son lista le qualifiche corente.
  3. a buta an archivi dle nomine la domanda con la data dle dimission e 'l test ed la domanda.

Complement aprova ai 22 ed Mars 2008

• Chi a veul candidesse a fe l'aministrator o candide cheidun d'autr a l'ha da felo ant sla pagina dle votassion duverte.
• La votassion as fa coma tute j'autre, conforma al deuit ch'a-i e an vigor al moment ch'as publica la candidatura
• A peul esse candida mach chi ch'a l'ha drit al vot (sta clausola-si a integra j'autre e a ne gava gnun-a, s'a-i son an vigor dj'autre restrission a l'eligibilita)
• Ij candida a peulo nen vote.

• S'as riva ant la condission che doj aministrator as ruso e a son nen bon a butesse d'acordi con le bon-e dasperlor, la parola final a 'l l'ha 'l Consej dij Mangiapape, che a decid an forma priva e dont decision a l'e pi nen apelabil.

Per "vandalism evident" as antend:

• desvojde pagine,
• carie brute parole,
• carie simboj nasista o roba parej
• carie fausse pagine d'indess e autre robe buta-li per es-ciape 'l programa

As bloco n'automatich per n'ann antregh (se l'utent bloca a cherd a peul sempe spieghesse e ciame scusa, la decision a l'e 'd competensa ed chi ch'a fa j'arbitragi):

• j'utent anonim o pen-a registra che nen rivand da n'America meridional o da n'Italia a l'e malfe ch'a parlo piemonteis, se a buto su 'd reclam ch'a-i intra nen con la pagina
• j'utent anonim o pen-a registra ed qualsessia post ch'a fan vandalism evident

Per evite de feje darmagi a l'acessibilita dl'edission, n'aministrator anans de bloche n'adressa IP a controla ch'a la sia pa flotanta (visadi ch'a la sia nen un-a 'd cole che ij proveditor ed servissi a-j dan ancheuj a un e doman a n'autr). J'adresse flotante as peulo blochesse massim per un meis.

J'aministrator a peulo de a soa discression dij bloch fin a na sman-a a utent neuv e anonim ch'a fan dle robe ch'a smijo nen conson-e al proget. J'ecess a son goerna da le regole ch'as dovro per gave le nomine.

El bloch d'utent registra ch'a l'han na storia ed bon-e contribussion a peul rive mach na vira ch'a-i sia sta-ie na votassion per decid-lo, gava 'l cas che l'utent an question a sia butasse a fe vandalism evident e a la chita nen. Quand a-i riva sossi l'utent a ven bloca per un meis, antramentr che j'autri a voto per decide lon fe. Se a l'utent a-j esmija ch'a buto so bloch an votassion mach per tenlo bloca 'n meis antramentr ch'as vota a peul ande an Arbitragi. L'Arbitragi a l'ha 'l podej inapelabil d'anule tant la votassion che 'l bloch per votassion an cors, quand a s-ciaira ch'as ne fa un dovre nen apropria al proget.

An gnun cas as peul blochesse n'utent per question d'ideologia, religion o via fort. Ij conflit d'opinion a son regola da n'autr deuit.

Quand doe part as treuvo an conflit ansima a n'articol a peulo apelesse a n'aministrator perche ch'al bloca la pagina e a buta la question al vot publich. L'aministrator a l'e tenu a felo n'automatich, sensa gnun-a anterferensa. La pagina a resta bloca fin che la votassion a l'ha nen dait n'arzulta, conforma a le regole dle votassion per lon ch'a toca ij temp. Gnun-a modifica a peul esse faita da gnun antramentr ch'as vota, gava 'l cas che la pagina a l'aveissa andrinta dle violassion ed lege ch'a van gava o dj'espression ch'a peulo ofende cheidun (ant costi cas-si lon ch'a venta gave j'aministrator a gavo; per j'ofeise, se peui el vot a decid ch'a l'era nen ofensiv as buta peui torna dapress al vot).

Regole:

• J'utent ch'as preuvo a passe 'l bloch e modifiche l'istess na pagina marca coma bloca per votassion an cors la prima vira as ciapo n'avertiment, da la sconda vira anla a ven-o bloca per na sman-a.
• Le stamp ch'a marca na pagina coma bloca per votassion an cors a l'ha da smon-a 'l test d'es deuit-si, an manera che la gent a la sapia che regole ch'a-i son.
• Se dal vot a-i seurt nen na magioransa bon-a (a valo le mideme regole dla magioransa del vot per ij deuit ch'a son an vigor a col moment-li) la pagina a passa sota tua , visadi che mach pi na person-a nomina a posta a peul gestila.
• La nomina del curator, quand a fa da manca de fene un, a l'e responsabilita ed chi ch'a fa j'arbitragi.
• Na pagina sota tua a l'e marca parej con ne stamp a posta, che a smon l'adressa 'd so curator, an manera che la gent a peula bute ant sla pagina 'd discussion dl'articol le modifiche ch'a veul fe e s'a fa da manca a sapia coma contate 'l curator.

Gava j'archivi (figure, registrassion audio, filmin e via fort) ch'a peulo vni a taj per la grafica e le pagine d'agiut ed nostra edission, tuti j'archivi multimojen a dovrio esse caria ansima al gestor d'archivi an condivision ed la Fondassion Wikimedia. Tut lon ch'as caria ambelessi a peul esse caria mach an person-a da l'autor ed la figura, registrassion e via fort, an manera ch'a sia sempe possibil l'auto-sertifica. As deuit-si a va smonu ansima a le pagine ch'as dovro per carie dj'archivi.

As peul registresse qualsessia version local ed la lenga piemonteisa, an manera ch'a peula esse dovra ant la wikipedia piemonteisa an manera consistenta. Per podej esse registra e aceta la version a l'ha da manca de presente:

• Na denominassion ch'a sia nen gia dovra da cheidun d'autr
• Na publicassion an pape ch'a ne definissa le regole an manera de podejla registre a la IANA e fesse de un codess per marche 'l dialet an question (quindi un liber publica).

La presentassion a la Comission IANA a l'e faita da qualsessia aministrator na vira che chi a ciama la registrassion a l'abia presenta j'estrem del material dont a fa da manca. Na vira che 'l codess a l'e registra le pagine faite an cola variant a peulo pi nen mes-cesse con autre variant. Donca na pagina as treuva a podej avej vaire version an diferente modalita lenghistiche. A resto acetabij per la publicassion mach cole variante che a son gia staite registra da la IANA e donca a l'han avu arconossiment anternassional.

• Chi a veul ciame la qualifica da trigomiro a l'ha da felo ansima a na pagina a posta, e spieghe lon che so trigo a ven a fe
• A cura dl'aministrassion as fa la pagina dle domande, che a ven presenta ansima a la session an angleis dl'Intrada
• Quand a-i riva na domanda, j'aministrator a la buto an votassion ant sla pagina dle votassion duverte
• A peulo vote mach j'amistrator
• As da la qualifica mach s'a-i e gnun ch'a sia contra.
• Per el temp dla votassion el trigomiro a peul travaje, e lon ch'a fa a ven esamina, per vedde se lasseje l'autorisassion a travaje.
• Qualsessia aministrator a peul fe ferme un trigomiro (aprova o pura no), e se 'l trigomiro as ferma nen a peul esse bandi per na sman-a la prima vira (en perdend del midem temp la qualifica), peui un meis e peui per sempe.
• Ansima a la pagina utent dl'utent ch'a-i corispond al trigomiro a l'ha da ess-ie le stamp Stamp:Trigomiro , an manera che qualsessia aministrator a peula ferme 'l trigo se a travaja mal

1. publica da sit che a n'autoriso la libera distribussion,
2. autorisa daj detentor dij drit legaj con un modulo fait a posta che a ven publica e spessifica ant un so deuit a part

Per la gestion del material esenta as crea

1. na categoria dle figure esenta
2. un registr dij sit che as arconosso coma sorgiss ed material esenta
3. ne stamp d'esension ch'a va buta ant sle figure, e ch'a cheuj ij dat relativ a l'esension midema