Dit artikel is gesjreve (of begos) in 't Mofers . Laes hie wie v'r mit de versjillende saorte Limburgs omgaon.

Koupenhage ( Deens : København ) is de houfstad van Denemark . In 2011 talj de gemendje Koupenhage 548.443 inwoeaners, womit 't de grotste gemendje van Denemark is. Koupenhage is wiejer de centraal stad in 't versteielik gebied Hovedstadsomradet mit 1.230.728 inwoeaners, ongevieer ei viefdje vanne gans bevolking van Denemarke. De metropool Groeat-Koupenhage teltj 1.967.727 inwoeaners.

Koupenhage ligk ane oeaskus van 't eilandj Sjælland en op 't eilandj Amager . De stad ligk ane Sont ( Øresund ). Anen euverkantj van dees zieestraot ligk de Zweedse stad Malmo , die saer 2000 mit Koupenhagen is verbonje dore Sontbrogk . Naeve parlementsstad is Koupenhagen ouch 't cultureel en ikkenomisch centrum van Denemark.

De stad woort gestif inne Middelieeven en woort aan 't enj van daen tied de houfstad van Denemark. De naam Koupenhage geitj trogk op Købmandshavn , det "koupmanshave" mentj. De benaming "koupmanshave" is aevel gein accuraat omsjrieving vanne stad: Koupenhagen is gein havestad mieer en ouch de industrie is gooddeils vertroch. Allewiel is Koupenhage veurnamelik 'n deenstestad. Op 't Letien is de naam vanne stad Hafnia , 'ne naam dae in 1923 ouch aan 't sjemisch element hafnium woort verbonje.