Flughafen Kloten
Kanndate
ICAO-Code	LSZH
IATA-Code	ZRH
Koordinate	47° 27′ 30″  N , 8° 32′ 53″  O 47.458333333333 8.5480555555556 Koordinate: 47° 27′ 30″  N , 8° 32′ 53″  O
Hochi uber MSL	432 m (1.416 ft )
Verchehrsaabindig
Entfarnig vom Stadtzantrum	13 km nordlich von Zurich
Strooss	Autobahn A51 Hauptstrasse 4
Bahn	InterCity , EuroCity , InterRegio
Nohverchehr	S 2 S 16 S 24 Glattalbahn , Buss
Basisdate
Ufgmacht am	14. Juni 1948 (Piste 10/28) 0 8. April 1953 (Flughof)
Betriiber	Flughafen Zurich AG
Flechi	880 ha
Terminal	2; 3 Docks
Passagier	31,1 Mio (2018) [1]
Luftfracht	493'222 t (2018) [1]
Flug- bewegige	278'458 (2018) [1]
Kapazitet (PAX pro Johr)	36 Mio.
Bscheftigti	27'000 (Total am Flughafe Zuri, 2017) [2]
Start- un Landebahne
10/28	2500 m × 60 m Beton
14/32	3300 m × 60 m Beton/Asphalt
16/34	3700 m × 60 m Beton

De Flughafe Chloote (offiziell Flughafen Zurich , fruener Flughafen Zurich-Kloten ) oder bodestandig zurituutsch de Flugplatz isch en internationale Flughafe nordlich vo Zuri i de Schwiiz . Im Flugvercher ghaisst er Zuri und si IATA-Flughafecode isch ZRH .

Laag [ andere | Qualltaxt bearbeite ]

De Flughafe Chloote isch im Zurcher Underland im Gebiet vom ehemalige Ried und vom verlandete Seebner See. De Chopf, also d Betriibsgebau, sind z Chloote . D Pischte und s ganzi Gebiet sind i de Gmainde Chloote, Opfike , Rumlang , Oberglatt und Winkel . Di lange Pischte zum lande sind nord-sudlich usgrichtet. Aafluug sind mogli us em tunn besidlete Norde ( Rafzerfald , Schwarzwald ) oder us em dicht besdilete Suude (Stadt Zuri). E churzi Pischte, vor alem zum Starte isch quar dezu i oscht-wescht Richtig. Det warded s Aargau oder s Gebiet Winterthur uberfloge.

Flugbetriib [ andere | Qualltaxt bearbeite ]

De Flughafe Chloote isch lang de Haimetflughafe vo de Swissair gsi. Hut isch er Haimetflughafe vo de Swiss , de Belair , de Edelwiss Air , de Helvetic und de Rettigsflugwacht (Rega). Er isch de dritti Hob vo de tuutsche Lufthansa . Vom halbi eis z Nacht bis am Morge am sachsi sind d Pischte gschlosse, mit em noie Reglimant soll d Nachtrue am halbi zwolfi aafange. ^[3]

Gschicht [ andere | Qualltaxt bearbeite ]

S militarische Flugfald Dubedorf hat sich im Lauf vo de 1930er-Jahr zu me wichtige zivile Flughafe entwicklet. Immer mee sind sich d Fluuger vom Militar und de Fluggsellschafte is Ghag cho. Drum had de Regierigsraat vom Kanton Zuri en Platz fur en noie zivile Flughafe gsuecht. De Platz hat mer im sumpfige Gland vom verlandete Seebner See zwusched Rumlang, Chloote und Seeb (Gmaind Winkel), won als Waffeplatz pruucht worde isch, gfunde.

Start z Chloote [ andere | Qualltaxt bearbeite ]

Am 22. Juni 1945 had de Bundesrat i me Bundesbschluss feschtglaid, dass Zuri en Interkontinantalflughafe warde soll. Im Dezamber had de Bund em Kanton 655 ha vom Waffeplatz verchauft. S Volch had anere Abschtimig de Boukredit von 36,8 Mio Franke bewiliget. Im Juli 1946 had mer aagfange boue. Am 14. Juni 1948 isch d Weschtpischte s erschti Mal vome Fluuger pruucht worde. Am 17. Novamber dann isch de Flughafe eroffnet worde. De ganzi Betriib isch i Holzbaragge gsi, won em Flughafe de Scharm vo me Dorfli gee hand. D Iiweiig isch aber erscht vom 29. bis 31. August 1953 gsi, won am 8. Aprile 1953 de Passagierterminal fartig worden isch.

Uusbou [ andere | Qualltaxt bearbeite ]

I de 1960er- und 1970er-Jahr isch de Flughafe immer wider uspoue worde: en Radar, en noie Kontrollturm, Fingerdock, lengeri Pischte, ... D Swissair het de Flughafe garn zu eim vo de dru groschte Flughafe vo Europa gmacht. Drum isch d Kapazitat immer me vergrosseret worde und mer had e dritts Terminal (Dock E) agfange boue. 2001 isch d Swissair Konkurs gange. 2002 had mer de Dock E zwar eroffnet, aber defur de Terminal B us de 1980er-Jahr stille glait.

Halbprivatisierig [ andere | Qualltaxt bearbeite ]

Sit 2000 wird de Flughafe vo de Flughafe Zuri AG glaitet. Die Firma ghort em Kanton und Private. Zum si z grunde hand sich d Flughafe Immobilie AG und Flughafedirektion vom kanton Zuri zamegschlosse. Zwuschetine had die versuecht sich und de Flughafe under de Marge Junigg ( anglisch fur: aimalig) z verchaufe. Das isch bi de Luut aber gar nod guet aacho und hut staat uf em Kontrollturm wider (und noi au uf em Arsaidsenter) Flughafen Zurich .

Fluglarm-Problematik [ andere | Qualltaxt bearbeite ]

1950er- und 1960er-Jaar [ andere | Qualltaxt bearbeite ]

Scho sit mangem Jaar isch de Fluglarm es Thema. Lang aber nume i de Gmainde grad rund um de Flughafe ume, won sich im Schutzverband zamegschlosse hand. De Kanton Zuri had de Flughafe eso entwicklet, dass bi Aa- und Abfluug immer moglichscht wenig Luut Larme hand, also uber tun besidlets Gebiet. Am maischte Larm hand Nider- und Andhori, Hochfalde (im Norde), Chloote (im Oschte) (won mit usgfarene Faarwarch uberfloge warded) und Rumlang (Start dirakt ubers Dorf). Ursprungli hat mer wele i dene Gmainde es Bouverbot duresetze, mit Nachbergmainde fusioniere und si mittelfrischtig entvolkere. Scho erschti Sondierige hand zaiget, das das niemertem passt, ^[4] und me had glaubt, das die noie Dusetschet dann vil liisliger segid. ^[5]

Naturlichi Uusrichtig [ andere | Qualltaxt bearbeite ]

D Norduusrichtig isch us planerische Sicht sicher Richtig. Wann es Flugzuug im Andaaflug abegheit (das isch i de letschte Jaar e paar Mal passiert: Stadel , Nassewil , Bassersdorf ) isch das z Niderhori mit e paar Dotze Iiwoner sicher weniger schlimm als z Schwamedinge mit e paar Zaatuusig. Au wans "nume" um Larme gaat gilted das.

Me redt nod mit em Nachber ? bis hut [ andere | Qualltaxt bearbeite ]

Tummerwiis had d Flughafedirektion aber jarzantelang gmaint, am Rii hori d Walt uf. Mit de Luut im Schwarzwald und im sudbadische hat si nod gredt. Im beschte Fall sind s imformiert worde. Au wann det de Larme lang nod eso luut isch wien im Kanton Zuri, sind s verteubt gsi, wil d Zurcher taa hand, als gebs si nod. Won dann Andi 20. Jaarhundert de Flughafe zum drittgroschte vo Europa hetti sole warde, hand s devo profitiert, dass es e Landesgranze git und uber Voorschrift won im Tuutsche galted, de Flugvercher iigschrankt. Sithar landet d Fluuger am Morge und am Aabig vom Suude har uber Walisele , Schwamedinge und ander sehr dicht besidleti Gebiet. Es wird gsait, das segi geracht, das jetzt d Bonze und Verwaltigsraat a de "Goldkuschte" vom Zurisee au Larm hebed - nume hand die Gmainde gar e kai Fluglarm. Jetzt sind Luut im Suude und im Oschte uf di Tuutsche verruckt statt uf di eiget Regierig, won bis hut lieber prozessiere statt rede tuet. Wurklichi Gschprach hads bis hut nie gee. Im Gagetail: Mer had de gchropfti Nordaaflug erfunde: D Fluuger chomed vo Basel har uf de Schwiizer Siite em Rii entlang und trulet uber Stadel zum Flughafe. Larme hetted di Tuutsche dann warschindli glichvill.

Politischi Forderige [ andere | Qualltaxt bearbeite ]

Es Problem isch, dass de Flughafe halbe em Kanton Zuri ghort und d Flughafepolitik vo de Zurcher Regierig gmacht wird, aber au de Kanton Aargau und Bade-Wurtebarg de vo betroffe sind. Und das sind internationali Kontakt won uber Barn und Barlin lauffed.

Das sind Forderige us de Regione:

• Im Oschte: Kai Oschtaafluug ooni Suudafluug. Aber im Prinzip ghaisst das: Kai Suudaafluug aber au e kai Oschtaafluug.
• Im Suude: Kai Suudafluug. Und wann: Lengeri Nachtrue.
• Im Tuutsche: Lengeri Nachtrue (unilateral isch das jetzt duregsetzt)
• Flughafegmainde: Lengeri Nachtrue.

Im Kanton Zuri sind verschidnigi Vorschtoss hangig:

• Kantonali Volksinitative: Plafonierig bi maximal 250 000 Flugbewegige pro Jahr. Nachtflugsperri vom 10i bis am 7ni. (Nuun Stund Nachtrue)
• Gagevorschlag vo de Zurcher Regierig: "Begrenzung der Anzahl vom Fluglarm stark gestorter Personen"
• Behordeinitiative vo 69 Gmainde: Plafonierig bi maximal 320 000 Flugbewegige pro Jahr. Nachtflugsperri vom 10i bis am 6i. (Acht Stund Nachtrue) ^[6]
• Vorschlag Regierungsratin Rita Furrer: 420 000 Flugbewegige pro Jahr ^[7]

Websyta [ andere | Qualltaxt bearbeite ]

  Commons: Flughafe Zuri (Chloote)  ? Sammlig vo Multimediadateie

• Website vom Flughafe Zuri und vo de Flughafe Zuri AG
• ZRHpedia ? Infrastruktur Flughafe Zuri, Stand 1. November 2017, Publikazion vo de FZAG (PDF; 5,8 MB)
• AirTraffic Live virtuells Radar mit de Fluger, wo started und landed oder drober fluged

Quelle [ andere | Qualltaxt bearbeite ]

1. ↑ ^{1,0 1,1 1,2} Verkehrstatistik 2018. In: flughafen-zuerich.ch. Flughafen Zurich AG, archiviert vom Original am 11. Januar 2019 ; abgruefen am 25. Januar 2019 .  
2. ↑ Zahlen und Fakten 2017. In: flughafen-zuerich.ch. Flughafen Zurich AG, archiviert vom Original am 21. Januar 2019 ; abgruefen am 21. Januar 2019 .  
3. ↑ ?Ein Plafond fur den Flughafen Zurich?“ Artikel us de NZZ am Suntig vom 9. April 2004 (Memento vom 24. Augschte 2006 im Internet Archive )
4. ↑ Mundlichi Mitteilig Planigsgruppe Zurcher Underland (PZU)
5. ↑ En entschprachende Brief vom Regierigsrat ad Gmaind Hori cha mer im Ortsmuseum vo de Primarschuel Hori z Niderhori gse. D Regierig schriibt, z Amerika gebis scho Schalldampfer fur Dusetschet und i zwai, druu Jahr wussi niemert me was Fluglarm segi.
6. ↑ Maximal 320'000 Flugbewegungen am Flughafen Zurich pro Jahr Artikel i de NZZ vom 3. Juli 2006
7. ↑ http://www.dorfblitz.ch/berichte/050604.pdf  ( Site cha nume abgrueft warde ; Suche im Webarchiv ) [1] [2] Vorlage:Toter Link/www.dorfblitz.ch Bericht Dorfblitz zur Behordeninitative und Vorschlag Furrer