L'
Olimpiala Ludi en Athina, 2004
, od oficale la
28ma Olimpiala Ludi
, esis internaciona
plursporta
konkurso qua eventis en
2004
en
Athina
,
Grekia
. Lore duesmafoye moderna
Olimpiala Ludi
eventis en Grekia, le unesma eventis en
1896
.
La Ludi komencis ye la
13ma di agosto
e finis ye la
29ma di agosto
2004
. Partoprenis 10.625 atleti de 201 landi e teritorii qui havas Olimpiala komitati. Esis 301 eventi de 28 sporti.
Ye la
5ma di septembro
1997
elektesis l'eventeyo di L'Olimpiala Ludi en
2004
. Athina ganis kontre
Buenos Aires
,
Stockholm
,
Kab-urbo
e
Roma
.
- Braziliana
maratonisto
Vanderlei Cordeiro de Lima
divenis mondale konocata pro yena epizodo: dum la kuro, ye cirkume 7 km de la termino, kande ilu, kom unesma rangizito, esis vinkonta la konkurso,
Irlandana
ex-sacerdoto
Cornelius Horan
embracis il e pulsis il aden la spektantaro. Un del spektanti,
Polyvios Kossivas
, dominacis Horan e helpis Vanderlei durar la kuro, ma Vanderlei perdabis cirkume 10
sekundi
ed esabis devancata da
Stefano Baldini
(
Italia
) e
Mebrahtom Keflezighi
(
Usa
). Vanderlei arivis kom triesma e ganis la
bronza
medalio, ma pose ilu recevis la Medalio Pierre de Coubertain, pro lua sportala spirito, nam il rezolvis durar la maratono malgre l'incidento e pose joyoze celebris lua arivo, quankam il perdabis la chanco vinkar.
- Marokan
atleto
Hicham El Guerrouj
ganis du ora medalii, por 1,500-metra e por 5000-metra kurado.
[1]
Lu esis la duesma atleto en la historio qua agis lo. L'unesma esis
Paavo Nurmi
, en
1924
.
[2]
- Arjentinia
obtenis astonanta vinko kontre
Usa
lor la mi-finali di
basketbalo
(89 kontre 81),
[3]
e pose vinkis
Italia
(84 kontre 69) e ganis ora medalio.
- Felix Sanchez
ganis l'unesma ora medalio por
Dominikana Republiko
pos vinkir la 400-metra kurado kun obstakli.
[4]
- Chiliani
Nicolas Massu
e
Fernando Gonzalez
ganis l'ora medalio por
teniso
por pari. Ol esis l'unesma ora medalio Olimpiala di la historio di Chili, qua komencis partoprenar l'Olimpiala Ludi en
1896
.
- Rusian atletino pri alt-saltado
Yelena Slesarenko
divenis championino e samtempe olimpiala rekordistino (2,06 m).
- Britanian atletino
Kelly Holmes
divenis duopla championino pri 800-metra e 1500-metra kurado.
- Usana natisto
Michael Phelps
ganis 8 medalii, de qui 6 ora e 2 bronza, por
natado
.
Yen la listo di landi qui recevis adminime 1 medalio en Athina en 2004.