Wikipedia wal en ensiklopedii apbau ma freiwalag an iarenamtelk skriiwern. Di noom komt faan wiki , det hawaiiaans wurd for gau an encyclopedy , det ingelsk wurd for en ensiklopedii . En wiki as en mogelkhaid, huar arkenaan gau ma san kompjuuter waabsidjen skriiw an feranre koon.

At Nuurdfresk Wikipedia as uun August 2010 gudkaand wurden an as man ian faan auer 300 Wikipedias. Ma 18.985 artiikler hiart hat tu a letjen, det sjiisk Wikipedia haa auer 2 miljoon artiikler an det ingelsk auer 6 miljoonen. Uub de:Wikipedia:Sprachen fanjst du en list ma aal jo Wikipedias.

Ooders us ooder ensiklopediin as Wikipedia frei. Hat staant amsunst uun't naat, an arken koon diarma maage, wat hi wal, wan hi man sait, huar't faan komt. Det grunjlaag diarfor as det Creative-Commons-Lisens an det GNU-Lisens for frei dokumentatsioonen , huar arke skriiwer sin teksten oner utjdaa.