This policy is approved by the Wikimedia Foundation Board of Trustees . It may not be circumvented, eroded, or ignored by Wikimedia Foundation officers or staff nor local policies of any Wikimedia project . Per resolution by the Foundation's Board , the Universal Code of Conduct (UCoC) applies to all Wikimedia projects and spaces as well as Foundation activities, including events it hosts and events it funds or supports with other resources. Tieni presente che, in presenza di eventuali differenze di significato o interpretazione tra la versione originale in inglese di questo documento e una traduzione, fara fede la versione originale in lingua inglese .

'Se ghe l'e hem de fa el Codes universal de condota?

Nun credom in del permeter a pussee persone che l'e possibil de partecipa ativament ai proget e ai spazzi Wikimedia per riva a on mond indove ognidun el po scomparti l'insema de tuta la conoscenza. Non credom che i comunita di nost contributor i gh'hann de vesser el pussee diverse, inclusiv e facil de andagh denter possibil. A voeulom che queste comunita chi a sien di ambient positiv, sicur e san per tut queii che s'inn sgiamo sgiontad o che i voeulen sgiontass. Se impegnom per assicura che quest el sia e resti insci, anca a serviss del codes di condota medesim e, al cas, con l'atualizall. De sorapu a voeulom protesger i nost proget de quii che i voeul dannegiai o falsann i contegnud.

Adree a la mission de la Wikimedia, tut quei che i partecipen in di proget e in di spazzi de la Wikimedia:

• i contribuissen a crea on mond indove che ognidun el po scomparti liberament tut el patrimoni de la conoscenza umana.
• a inn part d'ona comunita global che la voeul schiva particolarismi e pregiudizzi ideologich e culturai.
• se impegnom per stagh adree a la cura e la controllabilita de tut i so contribuzzion de lor.

Quell Codes Universal di Condota chi el definiss un insiema essenzial de comportament sperad e quei minga acetad. A l'e aplicad a tucc quei che interagiss e contribuiss in di spazzi e in di proget de Wikipedia tant onlain come offlain. L'interessa i utent noeuv e quei sgiamo prategh, i fonzionari dedent di proget, i organizador e quai che i partecipen ai randevo, i dipendent e i member di consili diretiv di afiliad e i dipendent e i member del consili diretiv de la Wikimedia Foundation. L'e aplicad a tut i proget Wikimedia, ai spazzi tecnich, ai randevo in presenza e a distanza a 'sti casi chi:

• interazzion privade, publiche o meze publiche
• discussion per el fat de vesser minga d'acord o de solidatrieta intra i member de la comunita
• question intuitu de svilup tecnich
• aspet sora la contribuzzion ai contegnud
• casi indove che ghe se met in relazzion con di soci de foeura in rapresentanza di afiliad o di comunita

1 - Introduzzion

El Codes Universal de Condota el descriv i requisid minim de comportament per la colaborazzion in di proget de Wikimedia in tut el mond. I comunita i poden sgiontagh di so politiche per tegni cunt del contest e de la cultura locai, semper che i criteri descrivud chichinsci a sien mantegnud 'me standard minim.

El Codes Universal de Condota l'e aplicad a l'istessa manera a tucc i wikimedian senza ecezzion. I comportament che urten el Codes Universal de Condota i poden comporta di sanzion che poden vesser imposte de di utent nominad (a la manera stabilida in di contest locai) e/o de la Wikimedia Foundation come titolar legal de la piataforma.

2 - Comportament sperad

Tucc i wikimedia, che a sien di editor noeuv o sgiamo pratich, di fonzionari de la comunita, di afiliad o di member o di dipendet del consili diretiv del Wikimedia Foundation, a l'e reponsabil de so comportament.

2.1 - Rispet reciproch

Se spetom che tut i wikimediani a ghe porten rispet ai alter. In del comunica coi persone, che sien di ambient de Wikimedia onlain o offlain, nun se portarem rispet vun con l'alter.

Quest l'includ ma l'e limitad minga doma a:

• Pratica l'empatia: Scolta e cerca de capi 'se l'e che i alter wikimedian de diverse provenienze e i voeulen comunica. Vesser pront a Essere disposti a meter in discussion e adata i manere de vede, aspetative e comportament come wikimedian.
• Suponner la bona fed e impegnass in cambiament bon e util; i to contribuzzion i gh'havarissen de mijora la qualita di proget e di oper. Presenta e ricever i critiche in maner sgentil e in bona fed. I critiche i gh'hann de vesser presnetade in manera de vesser util per mijora. Tutt i Wikimedian i gh'havarissen de presumer, condemanch che esistessen di proeuve contrarie, che i alter a sien chi per mijora i proget cont el collabora, ma quest el gh'havariss minga de vesser dorvad per giustifica di afermazzion cont on efet dannos.
• Rispeta la manera di alter persone e contributor de descrivess. I persone a poden drova di termin specifich per definiss. 'Me segn de rispet, drova 'sti termin chi in del comunica con lor o in del tirai a man, se l'e possibil lenguiiosticament e tecnicament.

Di esempi a inn:

• • Grupi razziai che droeuven di termin specifich per descrivess, inscambi del nom drovad storicament de alter;
  • I persone i poden havegh di nom che droeuven di letere, di son o di parolle de la lengua soa de lore che i poden vesser minga conossud per ti;
  • Persone che se ricongnossen cont on certo orientament o sgener sessual a drova di termin o di pronom specifich
  • Persone con desabilita fisiche o mentai che i droeuven di termin particolar per descrivess
• In del cors di randevo, a ghe darem el benvegnud a tucc e sarem atent e respetos di preferenze di alter, di so limit, sensibilta, tradizzion e bisogn.

2.2 - Creanza, sostegn reciproch e bona citadinanza

Se impegnom a osserva 'sti comportament chi:

• La creanza, el comportament come se dev e la manera de parla in di confront di persone, compres i forest.
• El vesser collegial a l'e el suport amichevol di persone impegnade in d'on sforz comun che se rescoeuden.
• El suport reciproch e la bona citadinanza i comporten de toeu ona responsabilita ativa per assicura che i proget Wikimedia a sien produtiv, piasever e sicur e che i contribuissen a la mission de wikimedia.

Quest el gh'ha dent ma l'e limitad minga doma a:

• Insegnament e alenament: Juta i utent novei a trova la soa via e a quista abilita essenziai.
• Stagh adree ai alter contributor: dagh ona man a lor quand che i gh'hann besogn de suport e parla per lor quand che a inn tratad in d'ona manera contraria al comportament previst del Codes universal de condota.
• Riconosser e creder al lavora fad di contributor: Ringrazziai per el so ajut e 'l so lavora de lor. Aprezza i so sforz e rinoscer el valor del so lavora quand che gh'e besogn.

3 - Comportament minga acetabil

El codis universal de condotta el ponta a juta i member di comunita a riconosser i situazzion de comportament cativ. 'Sti comportament chi a inn considerad minga acetabil dedent del moviment Wikimedia:

3.1 - Sgenadure

I sgenadure i tiren dent ogni comportament fad con l'intenzion principal de intimidi, ofender e sconvolger ona persona o ogni comportament in del cas che el sariss ragionevol el penser che quest el sariss el risultad principal pussee probabil. On comportament a l'e considerad come ona sgenadura quand che 'l va al de la de quell che ona persona ragionevol la podariss soporta in d'on contest global e intercultural. De solit ona sgenadura la ciapa la forma d'on abus emotiv, specialment in di confront di persone che se troeuven in d'ona posizzion dannegiabil e la po tira denter anca del toeu contat coi so post de lavora, i so amis o i member de la soa familia per fa in manera de intimidi o imbarazza. Di volte di comportament che deperlor a inn considerad no di sgenadure i poden diventa di di sgenadure se a inn fad diverse volte. I sgenadure a includen ma a inn limitade minga doma a:

• Insult: I insult i gh'hann denter i titoi, i ingiurie o i stereotipi e ogni atach fondad sora di carateristiche personai. I insult i poden riferiss a di carateristiche suposte, come l'intelligenza, l'aspet, la razza, la religion (o la mancanza de religion), la cultura, la casta, l'orientament sessual,

el sgener, el sess, la desabilita, l'eta, nazzionalita, el partegni a on partid politegh, o qualsessia altra carateristica. Di volte, el sbergna, el sarcasmo o l'agression fad diverse volte a inn insult colletiv, anca se i afermazzion deperlore le sarissen no.

• Molestia sessual: Atenzion o alusioni d'ogni sorta in di confront d'on alter quand che la persona la sa o 'l sariss ragiovenol che la sapia che a inn minga gradide o in situzzion indove che 'l consens el po minga vesser comunicad.
• Minasce: A fa intender in manera ciara e neta opur sotintenduda la possibilita de violenza fisica, imbarazz ingiust o de dannegia la nomina ingiustament e senza reson o de intimidazzion a minacia de anda per avocat per predomina dedent d'ona discussion o per tira on quaivun a comportass in la manera vorsuda.
• Incoraggia el dann ai alter: Quest el gh'ha denter l'incoraggia on quaivun d'alter a fa autolesionismo o toeuss la vita, e incoraggia on quaivun a fa di atach violent a di alter.
• Publicazzion de dati personai (Doxxing): Publica di informazzion privade sora di alter persone, come per esempi di nom, di post de lavora, di adress fisich o de posta eletronica, senza un'autorizazzion ciara e neta tant in di proget Wikimedia come in d'on altra part o condivider di informazzion foeura del proget a proposit de la soa ativita in Wikipedia.
• Persecuzzion: andagh adree a ona persona in di so azzion in di proget e seguta a critica el so lavora con l'intent principal de falla inversa o scoraggiall. Se i problema i vann inanz dopo i tentativ de comunicazzion e spiegazzion, i gh'havarann de vesser gestid per mez de process comunitari.
• Trolling: Disturba volontariament i conversazzion, o scriver in malafed con l'intenzion de provoca.

3.2 - Abus de pode, privilesg o influenza

On abus el suced quand che on quaivun, in d'ona posizzion vera o suposta de pode, de privilesg, o de influenza el ghe porta no rispet o 'l se comporta con crudelta in di confront de alter persone. In di ambient Wikimedia el po toeu la forma d'ona abus verbal o psicologich e 'l po sgiontass a di persecuzzion.

• Abus d’ofizzi fad de fonzionari, member nominad e personal: uso de autorita, conoscenza o risorse fad di fonzionari elesgiud, tant 'me del staf de la Wikimedia Foundation o di afiliad cont el fin de intimidi o de minacia i alter.
• Abus d'anzianita e ligam: A drova el so rango e nomina per intimidi i alter. Se spetom che i persone cont ona esperienza significativa e di raport in del moviment se comporten con atenzion special perche i coment ostil so de lor i poden mena a on contracolp involontari. I persone con autorita in la comunita i gh'hann el privilesg che la sgent la pensa de pode fidass de lor e i gh'havarissen de minga profitassen per zaca i alter che a inn minga d'acord con lor.
• Manipolazzion psicologica: A agi in malafed per mena ona persona a dubita de quell che lee la percepiss, di so sens o de la soa comprension cont el fin de vincer ona quistion o forza on quaivun a comportass 'me che lee la voeul.

3.3 - Vandalism sora i contegnud e abus di proget

Meter denter de proposit di contegnud minga giust, fals o minga adat o ostacola, impedi o infescia la creazzion o la manutenzion di contegnud. Questo el gh'ha dent ma l'e limitad minga doma a:

• El seguita a tira via in manera arbitaria o senza reson di contegnud senza ona giusta discussion o senza forni ona spiegazzion
• Manipolazzion continoa e regolar di contegnud cont el fin de favori di interpretazzion specifiche di fat o di manere de vede (anca per mez de on'utilizazzion minga fedel o de proposit falsa di font e l'alterazzion de la creazzion polita di contegnud editoriai)
• Incitament a l'odi in ogni forma o utilizazzion del linguagg per fa diferenza infra i persone cont el fin de mortifica, umilia, o incita l'odi in di confront d'on grup de persone fondad sora chi l'e che lore a inn o sora i so convinzion personai de lore.
• L'uso de simboi, imagin, categorie, etichete o alter tipi de contegnud intimidatori o dannos per i alter foeura de l'ambient de l'uso enciclopedich e informativ. Quest el gh'ha denter l'imponner di schema sora i contegnud cont el fin de emargina o ostraciza.