D'n 'oodstad van 'n land , provincie , staet of wat dan ok is bieni aoltied de belangriekste stad van wiruut a 't betreffende stik land wor bestierd. Op kleindere schaol wor vaok esprook'n over 'n oodplekke. D'n oodstad is bieni aoltied de hroste stad van 't betreffende hebied en ei 'n centraole functie. Oodsteed'n en, zeker in kleindere hebied'n, vaok dezelfde naem as 't bestierlijke hebied wir a 't in val.

In sommihe lan'n is der spraeke van eihlijk meerdere oodsteed'n. Zo is in Bolivia d'n offisjele oodstad Sucre , me de reherieng zetel in La Paz , wat a ok de belangriekste stad is. In Zuud-Afrika is de wethevende, uutvoernde en rechterlijke macht verdeeld over de drie steed'n Kaopstad , Pretoria en Bloemfontein .

Lieste mie oodstadverplekkiengen [ bewerk | brontekst bewerken ]

Ier een incomplete lieste mie oodstadverplekkiengen:

• 2006: Palau - van Koror ni Melekeok
• 2005: Myanmar - van Rangoon ni Naypyidaw
• 1997: Kazachstan - van Alma-Ata ni Astana (Nur-Sultan)
• 1996: Tanzania - van Dar es Salaam ni Dodoma
• 1991: Niheria - van Lagos ni Abuja
• 1990: Duutsland - van Bonn trug ni Berlien
• 1983: Ivoorkust - van Abidjan ni Yamoussoukro
• 1964: Brezilie - van Rio de Janeiro ni Brasilia
• ca. 1950: West-Duutsland - van West-Berlien ni Bonn
• 1946: Montenehro - van Cetinje ni Titograd
• 1923: Turkije - van Constantinopel ni Ankara
• 1917: Rusland - van Sint-Petersburg ni Moskou
• 1870: Italie - van Florence ni Rome
• 1868: Japan - van Kioto ni Tokio
• 1864: Italie - van Turijn ni Florence
• 1834: Hriek'nland - van Nauplion ni Athene
• 1812: Finland - van Turku ni Helsinki
• 1808: Konienkriek 'Olland - van Den Aeg ni Utrecht en van Utrecht ni Amsterdam
• 1800: Vereenigde Staeten - van Philadelphia ni Washington D.C.
• 1596: Pool'n - van Krakau ni Warschau
• ca 1580: Spanje - van Valladolid ni Madrid
• na 1066: Iengeland - van Winchester ni Lon'n