Elisabeth Willeboordse ( Middelburg , 14 september 1978 ) is 'n Zeeuwse judoka . Ze kom uut in de klasse toet 63 kilo.

Willeboordse is 'n laetbloeister. D'r grooste succes was 't winnen van 't Europees Kampioenschap in 2005 . 'n Jaer laeter kwam ze nie vedder as brons; ze wier uutgestuukt deu Sarah Clark uut Groot-Brittannie , die-a 't toernooi goeng winne. In 2007 'aelde ze brons op 't Waereldkampioenschap. Tussendeu won ze verschillende waereldcup-tournooien. In 2008 stoeng ze in Pekieng op de Olympische Spelen . Daer 'aelde ze brons deu in de verliezersfinaole te winnen van de veteraonse Driulis Gonzalez , die-a a vuuf keer ao meegedae en altoos 'n medalje gewonne ao.

Medailles [ bewerk | brontekst bewerken ]

• Goud: 2005 Europees Kampioenschap (-63 kg), Rotterdam
• Brons: 2006 Europees Kampioenschap (-63 kg), Tampere
• Brons: 2007 Wereldkampioenschappen (-63 kg), Rio de Janeiro
• Brons: 2008 Olympische Spelen (-63 kg), Peking
• Zilver: 2009 Wereldkampioenschap (-63 kg), Rotterdam
• Goud: 2010 Europees Kampioenschap (-63 kg), Wenen

Lienk [ bewerk | brontekst bewerken ]

• Profiel op de webplekke van de Spelen 2008 (in 't Iengels)